بسم الله والصلاة والسلام على رسول الله
السلام عليكم ورحمة الله وبركاته
ربنا ادنا العلماء عشان نسألهم عن الحرام والحلال عشان نفرق بين الصح والغلط
أنت غبى لو أستخدمت الأنترنت فى الاتى :
كمية ذنوووب رهيييبه ومش بس الذنوب اللى بتنتهى مع انتهاء الذنب
زى التعارف والأختلاط فى مواقع الشاتينج والفيس بوك والمنتديات والكلام بين الولاد والبنات
وسماع الأغانى ومشاهدة الأفلام المخله والأفلام اللى بتحتوى على ما لا يحله الله
بل كمان الذنوب الجارية اللى مش مقدرين خطرها وبنستهون بيها
وبنسمع وبنقول دا كلام ناس متعصبه ومتشدده ومتخلفه
- الأغانى اللى بننشرها والأفلام اللى بننشرها
- تواقيعنا وصورنا الرمزية اللى مليانه عورات للبنات( الشعر والرقبة والرجلين والدراعات ... )
الذنوب دى مش بتتوقف حتى بموت صاحبها
بل هى مستمرة ومستمرة وعداد الذنوب شغال ليل ونهار على الشخص فى قبره ولحد يوم القيامة
مقدرين يا جماعة الخطورة ؟؟
كل دى ذنوب وهى أكبر نقمة فى دنيتنا وحياتنا
الذنوب بتجبلنا الفقر وبتحجب الرزق وبتسود الوجه وبتقسى القلب
وفى القبر والعياذ بالله بتتسبب فى انواع واشكال من عذابات القبر والسود والوحشة
وفى الأخره والعياذ بالله بنترمى فى جهنم للأبد
أظن من الغباااااااء بجد اننا يحصلنا كل دا عشان صورة رمزية فى منتدى ولا ماسنجر
ولا صورة فى توقيعنا ولا اغنية خدناها ونشرناها !!
قمة الغباء فعلا من الإنسان
هتعيط بدل الدمع دمه والله على كل مرة دخلت قريت الكلام دا
او اللى زيه .. وقفلت ومعملتش منه حاجة او لو عملته فترة وجعت
لان خلاص مش هيبقى ليك حجة يوم القيامة انت عارف الصح والغلط
فالعذاب هيبقى حق عليك لانك عارف وبردة عملته وربنا مش ظالم
انما دا بما كسبت ايدينا من المعاصى وربنا بعتلك التحذير ولا غمضت عينك
يا جماعة دا تحذير من الله ليكم
أبدا ن دلوقتى انت مش عارف انت هتعيش لحد بعد ساعة من دلوقتى ولا لأ
لية منبقاش اذكياء ونشغل المخ اللى ربنا خلقه لينا لية منستغلش الانترنت كوسيلة سهله وبسسسسيطة جدا
وبأقل كليك بسيط من الماوس تخلى ليك ثواب عظييييم
ومش بس جدا وكمان حسنااااات جااااارية ندخرها ليوم القيامة
وتفضل شغالة طول حياتك وانت نايم وانت صاحى وانت بتاكل وانت بتشر حسناااااات
شغااااااله ... واحد اتنين تلاتة بيتوبوا بسبب موضوع نقلة فى مرة من غير ما تحطة فى دماغك
او لنك فيديو او مقطع دعوى مرة بعتة لصحبك او حطيتة فى منتدى
واحد غيرك هياخده وينقلة وغيرة ينقلة وينقلة وينتشر وكل دا فى ميزانك إن شاء الله
ومين عارف لو واحد ولا اتنين تابوا بسبب دا
هيكون كل اعمالة من صيام وقيام وصلاة فى ميزان حسناتك ليل ونهار
مقدرين عظمة الحسنااااااات ؟ بسبب كليك واحد ؟
مقدرين نعمة ربنا ؟
مقدرين نعمة المخ وازاى نستخدم الشئ صح لصاحلنا ؟؟؟
نقدر دلوقتى تختار
عايز تفضل غبى ولا خلاص عنينا فتحت
عايز تتعذب ولا عايز تروح الجنه
وصلى اللهم وسلم وبارك على سيدنا محمد وعلى اله وصحبه اجميعن
من طرف احمد عرفة 2015-07-17, 08:01
موضوع: هو أنت غبى ولا ذكى ؟ تعالى أعرف أنت مين ... 