رجاء الانتباه**** بناء النفس

المسلم متكامل اذ نظرت اليه فى عبادته وجدته رائعا صافيا وجدته رائقا خاشعا بين يدى ربه

واذا نظرت اليه فى عمله وجدته ممن يضرب بهم المثال فى الانضباط والجديه وابداعه وجديته

وإذا نظرت اليه مع زوجته وجدته ممن يتالق بهم فرحا وسرورا

واذا نظرت اليه فى المجمتع وجدته كالنجم الساطع والمضئ بين اقرانه واصدقائه

واذا نظرت اليه فى صحته وفى جسده وجدته سليما معافا صحيحا

التوازن هو مانريده لنبنى خطه هو مانريده لننظم حياه هو مانريده لنبنى حياه

الامه تنتظرك ولا تريد منك ان تتحدث فقط ولا تريد ان تتالم فقط ولكن الامه تريدك ان تعمل

ابدا بنفسك فشيد منها بناء رائعا فانت عضو فعال فى المجتمع انت عضو لاتستغنى عنه الامه لاتجعل من نفسك شيئا بسيطا

فهيا بنا فى جوله معماريه للنفس فنحن نريد ان نبنى حياه ولكن سؤال

هل ستكون جادا فى بناء حياتك وهل يعمل كل واحد منا على بناء حياته يوميا

ماهى الحياه التى نبنيها ؟ ولماذا نبنيها ؟ وكيف نبنيها ؟

كل منا يريد ان يكون سعيدا ناجحا فى تحقيق ذاته ولكن ماذا تفعل لتحقيق ذلك ؟؟؟؟؟

منا من يقضى اربع سنوات فى الجامعه ثم بعد ذلك يقول ليس هذا التخصص
الذى كنت اريده ولكن لماذا قضيت اربع سنوات ضيعتهم من عمرك فى ذلك
لماذا لم تخطط لحياتك قبل فوات الاوان لماذا لم تعمل على بناء حياتك ومنا الكثير والكثير مثل ذلك وموضوع الجامعه كمثال فذلك موجود فى كثير من مجالات الحياه المختلفه

هل لو حققنا ثروة طائله هل تضمن لنا السعاده ؟؟؟ بكل تاكيد لالالالالالا

فالقضيه قضيه متكامله وليست فقط تحقيق شئ وضياع شيئا اخر

وفى موضوع التكامل هذا فان الاسلام كانت نظرته نظرة لوم للذين يكرثون حياتهم للعباده فقط فالاسلام امرنا بالعمل فالعمل عباده ولم يامرنا ان نظل مقيمين فى المساجد ويخدمنا غيرنا

#لانريد ان نعطى مواعظ ولا نريد ان نكثر من الجمل الانشائيه ولكننا نريد خطه عمليه نطبقها فى حياتنا لكى نبنيها
نريد قدرة على تنظيم الامور نريد رؤيه واضحه للتوازن الذى يبنى حياتنا
فنحن نريد اشخاص متوازنين ومتكاملين وراضين عن انفسهم

فكل واحد منا اذا كان ناجح وراضى عن نفسه فسيكون عضو فعال نافع لمجتمعه

فكلنا لو سئلنا سؤال ساطرحه عليكم ولكنى من قبل ان اكتبه فانا واثق ومتاكد ان الاجابه ستكون نعم وساجد حماسه كبيرة فى الاجابه

ولكن ماهو السؤال ؟؟؟؟؟

هل تتمنى ان تستعيد الامه الاسلاميه مجدها وعزها كما كانت عليه لقرون طويله

ولكن السؤال الحقيقى فى هذا
ما الذى اسهمت به انت فى نصره امتك ودينك لا نريدك ان تتحدث فقط ولا تتالم فقط فكلنا يتالم لحال الامه الاسلاميه الان ولكن لانريدك ان تتالم فقط نريدك ان تشارك فى نصره هذه الامه فانت عضو فى المجتمع وعضو فعال لا تحط من قدر نفسك وتقل وماذا سافعل انا

فكل العظماء فى الامه الاسلاميه قدروا زواتهم وقرروا ان يصنعوا من انفسهم مجدا لامتهم

لاتتوقع ان تتنتصر امتك وانت تتاخر كل يوم عن عملك وتذهب الى العمل واديك بتقضى ايام وهتقبط اخر لشهر
لاتتوقع ان تنتصر امتك واسرتك مفككه وزوجتك تبغضك وجيرانك مستائين منك
ولاتتوقع ان تنتصر والطريق الذى تسير فيه ايضا مستاء منك فانت ترمى به الاوراق وكل شئ ولا تبالى وتزيده اتساخا بدلا من اماطه الاذى عن الطريق كما امرنا رسولنا الكريم عليه افضل الصلاه والسلام


احد الرجال سأل عمر بن الخطاب رضى الله عنه وقال ياامير المؤمينن ماذا تتمنى ؟ فماذا تتوقعون ان تكون الامنيه التى تمناها امير المؤمنين هل تمنى 100 مليار من الذهب يضعها فى خزينه الامه هل تمنى ترسانه حربيه
فماذا تمنى فانه تمنى ان يكون عنده ملئ المكان رجال مثل ابو عبيده عامر بن الجراح تمنى امير المؤمنين ان يكون هنالك رجال لان الرجال هم الذين يصنعون المال ويصنعون الترسانات الحربيه وغيرها
ولكن اى رجال انهم رجال مثل ابو عبيده عامر بن الجراح


لن تتقدم خطوة واحده الا اذا بنيت نفسك ولذا دعونا نبدا ببناء انفسنا

ما رايكم ان نبنى بناء من خمس ادوار
ولكن قبل البناء لابد ان تكون هناك اساسات فالاساسات هنا يجب ان تكون الرغبه الحقيقيه فى البناء و استكمال الخمس اداور حيث انه اذا تمكنا من بناء الخمس ادوار فنكون قد تمكنا من تحقيق التوازن وبالتالى نكون قد تمكنا من بناء انفسنا

فى البدايه ايه رايكم نبنى بحديد عز ولا نغير

لا هنغير حديد عز هنبنى بحديد الرغبه والتحدى واثبات الذات عارفين الحديد دا اكيد عارفينه هتلاقوة جوا كل واحد فيكم بس مخبيه ومش عايز يطلعه

يلا نبدا ببناء اول دور وهو

1: وهو حسن علاقتنا مع الله سبحانه وتعالى
كلنا يعلم اين هو من الله هل هو قريب من الله ويراقبه فى اعماله ويخافه
ام هو بعيد
ام يحاول ان يقرب من الله سبحانه وتعالى )وهو ما افعله واتمنى الهدايه والتوفيق من عند الله (

ما رايك ان تحسن علاقتك مع الله
ما رايك ان تضع برنامج عملى ومخطط فعلى لتقرب نفسك من الله
ما رايك مثلا ان تقول فى هذا الشهر ساصلى الخمس فروض فى جماعه ان شاء الله ولا افوت فرضا
وتحضر ورقه وقلم وتاتى فى نهايه كل يوم وتحاسب نفسك وترى هل نفذت ما قلته ام لا واذا كان لا فلتسال نفسك ما منعنى من ذلك وتتعلم من اخطائك ولكن لاتيئس وحاول مرارا وتكرارا والله والله هتلاقى نفسك بعد الشهر دا مينفعش تسمع اذان ومتروحش تصلى وفى جماعه ودى عن تجربه

مارايك فى ان لاتهجر القران
ولكن دعونا نبدا رويدا رويدا بعد الشهر ان شاء الله وتكون بتحافظ على صلاتك
تبدا تحط مخطط عملى تانى وتحط لنفسك قراءه ورد يومى من القران زى ما تقدر اقرا ولو حتى صفحه فى القران ولكن لاتهجرة
لاتهجر سماعه
ومنا الحمد الله من يلتزم بكل ذلك فيحاول ان يزيد ولا يتوقف عند ذلك

وبكده نكون اتممنا الدور الاول بنجاح ان شاء الله
نيجى بقا على الدور التانى وهو دور سهل وبسيط ان شاء الله

2:نجاحنا فى علاقتنا الاسريه

ياترى عامل ايه فى علاقاتك مع اسرتك وكل منا يعلم ايضا ماهو عليه ولكن حاول ان تحسن دائما العلاقات الاسريه حسن علاقتك مع والدتك ووالدك ولاتغضبهما وابدا وصل ارحامك دائما

ولو متجوز ياترى بتعامل مراتك زى ما كنت بتعاملها ايام الخطوبه؟
ياترى لسه بتجبلها هدايا؟ ياترى لسه بتقلها كلام حلو .؟

ياترى عامل ايه مع اولادك ياترى انتو صحاب ولا عامل فيها سى السيد ومحدش منهم قادر يكلمك


3:نجاحك فى علاقتك مع المجتمع من حولك

انت عامل ايه مع المجتمع اللى انت فيه
ياترى انت محبوب بين الناس اللى عايش وسطيهم ؟
ياترى انت شيك فى تعاملك مع المجتمع ؟
ولا انت من النوع اللى عنده العام مباح ومبتهتمش بنظافه المكان اللى انت فيه وياسيدى هى جت عليا ما كل الناس بترمى الزباله فى الشارع
طب ياسيدى كل الناس بترمى الزباله فى الشارع ما تاخد انت المبادرة وتخلى عندك اتيكيت فى التعامل مع المجتمع زى ما انت بتكون اتيكيت فى بيتك وبتحافظ عليه ما المجتمع دا بيتك برضو


4:نجاحك فى عملك

جينا بقا للكلام اللى ملوش لازمه انا عارف ان احنا المصريين دلوقتى وبالذات موظفين الحكومه بيروحوا الشغل تحصيل حاصل
بيروح متاخر نص ساعه مش فارقه هى يعنى جت على النص ساعه دى
طيب ياسيدى وياستى ما انت بتمشى قيل معادك بساعه وكل موظفين الحكومه دلوقتى كدا وانتوا طبعا عارفين الروتين
دا حتى وهقلكم على موقف لذيذ خالص يوريكم موظفين الحكومه بيعملوا ايه

انا كنت رايح اعمل اشتراك قطر تتخيلوا الموظفه اللى كانت شغاله هناك كانت بتعمل ايه ؟.
سياده الموظفه كانت بتقشر الكوسه فى الشغل وسايبه طابور من الطلبه واصل لحد برا المحطه اساسا ونيجى نكلمها تقول الجهاز عطلان ماهى كوسه بقى !!ـ
المهم هو دا حال الشغل
ياترى احنا بالمنظر دا هيحصل عندنا تقدم ياترى لو انت من النوع دا هتقدر تبنى نفسك بجد وانا قلت موظفين الحكومه لانعدام الرقابه
اما انت لو فى شغل خاص والشركات بقا فطبعا كل دقيقه تاخير محسوبه عليك والرقابه مستمرة
اتمنى ان نكون جادين فى عملنا عشان نقدر نبنى حياتنا دا حتى شغلنا هو مصدر رزقنا والكلام دا طبعا للى بيشتغلوا

اما احنا الطلبه فدراستنا هى شغلنا فكل واحد يجتهد واكيد كل واحد فينا عنده احلام وطموحات نفسه يحققها


5:علاقتك مع جسدك وصحتك

ياترى صحتك عامله ايه ؟
كويسه الحمد الله
وانت ايه اخبارك؟
كله تمام ياعم اديها ماشيه ادينا مسلكين
لا احنا مش عايزيك تكون مسلك بالعافيه كدا ويادوب بتقدر تقضى مشاويرك وبعد ترجع تنام ومش قادر تعمل حاجه بعدين الكلام دا للى هما فى 45 كدا لانى بشوف ناس كدا كتير مع ان المفروض دول لسه شباب يعنى

احنا عايزين واحد مهتم بصحته ودايما فى صحه كويسه عشان تقدر تشتغل وتقدر تتنتج وتقدر امتك تستفيد منك

طب ياترى انت بتمارس رياضه ولا انت من اصحاب الكروش
تعرفوا الواحد بيشوف فى مصر هنا حاجات غريبه
ساعات الواحد بيشوف ظباط شرطه بكرش
طب تيجى ازاى دى ظابط شرطه وبكرش
تيجى ازاى انا مش عارف لو حد عارف ياريت يقلى

احنا كدا بنينا كام دور
احنا كدا بنينا خمس ادوار
ولو بنيتهم وكانت الاساسات اللى عندك سليمه والاساسات احنا قلنا عليها فى البدايه اللى هى الرغيه الحقيقيه فى بناء نفسك
يبقا انت كدا نجحت فى تكوين شخصيه قادرة على تحمل المسؤليه قادرة على مواجهه الصعاب ومفيده لامتها باذن الله
وبكدا تكون حققت التوازن المطلوب
وتكون حققت السعاده الحقيقيه وليست مزيفه

واكيد لو انت بقيت كدا وغيرك بقا كدا وكل واحد هيكون مؤثر فى اسرته وبالتالى المجتمع كله باذن الله

فى النهايه عايز اشكركم على قراءه الموضوع ويارب تكونوا استفدتم ويارب تنفذوا
لان زى ماقلنا

اشكرك اخي الفاضل ثروت
لك مني كل الحب والتفدير

رااااااائع سلمت الايادى وياارب نكون جميعا

شكرا اختي الفاضله صفا نلي مرورك الطيب

الله عليك ياكبير تسلم ايديك بجد

هو دا الشغل