بسم الله الرحمن الرحيم
..
انهاردة درسنا مختلف شوية
وهو درس " كلام فى الفوتوشوب "
..
ودا مش هيكون كل يوم يعنى هيكون يوم درس عملى ويوم درس من سلسلة كلام فى الفوتوشوب واتمنى ميكونش ممل ويكون ممتع ومفيد لينا كلنا بأمر الله
...
مش هنطبق ولا نعمل دروس لان الفوتوشوب عمرة ما كان تطبيق ولا اننا نحشى مخنا بمعرفة الادواات بتعمل اية والفلاتر وغيرها
كتير مننا يعرف امكانيات الفوتوشوب بس مش بيقدر يطلع منه افكار او فكرة لتصميم معين
واذا طلع بيكون مش حلو خالى من الذوق ولاحساس والشكل الجمالى
المصمم زى الفنان لازم يكون عنده الموهبه (الذوق) وبيدعمها بالدراسة (معرفة امكانيات الفوتو)
يعنى ممكن نلاقى شخص عارف كل حاجة عن الفوتو بس مستخدمها بشكل مفيهوش اى ذوق فى تصميم (اى كلام) صحيح فى التصميم دا مستخدم فلاتر وباترن والدمج وكل حاجة اتعلمها بس فى النهاية طلع التصميم مش حلو ؟؟!!
طب لية لان مفيش الفكرة او الذوق
على العكس ممكن تلاقى واحد امكانياتة محدودة فى الفوتو ولسة بيتعلم وميعرفش كتير عن الفوتو بس نتفاجئ انه مطلع شغل عالى او وتصميمات جميلة ذوقها وشكلها حلو جدا !! وهنا نعرف ان مجرد كتر الدروس مش دا اللى بيعلم الواحد التصميم
وهو دا موضوعنا انهاردة
ازاى تنمى ذوقك فى التصميم وتعرف افكار
..
المعادلة 1 (معرفة بأمكانيات الفوتو- الفكرة والذوق) = تصميمات سيئة ومصمم على اده
المعادلة 2 ( الفكرة والذوق- المعرفة بالامكانيات)= تصميمات جيدة او جيدة جدا ومصمم كويس
المعادلة السليمة (المعرفة بأمكانيات الفوتو + الفكرة والذوق) = مصمم ناجح وجامد جدا وتصميمات ممتازة
..
لازم تشوف تصاميم كتير وتتفرج على افكار وشغل مصممين كتير عشان تقدر تجمع اكبر قدر من الافكار .. لازم تصمم كتير وتكتشف افكار لانك مهما كنت محترف فالفوتوشوب عالم مفتوح ولسة مكتشفتش كل حاجة فية .. حاول يكون تصميمك هادى ورايق .. حاول توصل فكرة من خلاص تصميمك عشان يبقى فية روح .. حاول تصميمك ميكونش لمجرد استعراض المهارة فى التصميم وخلية يوصل فكرة او معلومة .. التصاميم المعقدة ليها مواضيع والتصاميم الهادية ليها مواضيع مينفعش يبقى موضوع التصميم غير مناسب مع التصميم
من طرف احمد عرفة 2015-07-17, 08:01
موضوع: الفكرة والذوق فوتوشريف 
