طبعا كلكوا لما شوفتوا عنوان الموضوع ضحكتوا
هموسة صارت جاموسة هههههه
لا انتبهو منيح للعنوان
وبصراحة هو منقول
وخليته بلهجة مصر احلا لأنو احنا ما بنقول جاموسة بنقول بقرة وعجلة وهيك
ماشي
بقولكو
منقوووووووووووول
انا قولت اخربش بقلمى فى اللى فات
اطلع حاجة كدا اتنست وهى حادث قطر العياط
قولت احقق بنفسى مع الجاموسة المتهمة
عشان اشوف الحق فين
ما هو اللى شاف مش زى اللى سمع
تعالوا شوفوا التحقيق بئا اللى انا عملته
قررنا فتح التحقيق مع الجاموسة المتسببة فى حادث قطر العياط
المتهمة اتت الينا فى سيارة نص نقل متاخرة نص ساعة
لانها كانت مشغولة فى سوق البهايم الصبح
س: اسمك
ج:جاموسة
س:كنتى فين لما الحادثة حصلت يجاموسة
ج:بعد اذنك يبيه بلاش شتيمة وقلة قيمة
ايه جاموسة دى
س:ده اسمك عندنا وهكرر السؤال تانى
كنتى فين لما الحادثة حصلت؟
ج:كنت فى غيط صاحبى الحاج حمدان
باكل ومزاجى عنب
س:وايه حصل؟
ج:انا قلت اروح اسلم على الجواميس اصحابى
فى غيط الحاج طلبة فى الناحية التانية
اصل سمعت عن امراض جديدة للبهايم
بس وزارة الزراعة نفت بس مين بيصدق الحكومة يبيه؟
س:وايه حصل بعدها؟
ج:كنت ماشية براحتى على شريط القطر ولقيت حتة صفيحة جاية من بعيد
س: تقصدى القطر؟
ج: انا بصراحة يبيه معرفتش انه قطر غير من زمارته لكن هو زى حتة صفيحة بتاعة سمنة كده
س:ومتحركتيش بعيد ليه؟
ج: واتحرك بعيد ليه يبيه انا لا سرقت فلوس من بنوك وهربت
ولا خدت رشوة فى مشروع ابنى بيتك
س:ومعملتيش كده ليه؟
ج: عشان صاحبى الحمد لله مكفينى
س: مش قصدى كده.... قصدى متحركتيش بعيد ليه من قدام القطر؟
ج:يبيه هو فيه قطر بيخاف من جاموسة غير لو كان قطر لعبة
وانا قولت يبت امشى على مهلك بدل القطر مش خايف
س:وايه حصل بعد كدا؟
ج:القطر وقف اول ما السواق شافنى
س:والقطر وقف ليه؟
ج: السواق ابن حلال قالى ورينى جمال خطوتك يشابة
س: وانتى شوفتى القطر التانى
ج:اهو كان حتة صفيحة زى الاولانى
س: وايه حصل بعدها؟
ج: القطر الاولانى لبس فى التانى
س:والمصابين واللى ماتوا اد ايه؟
ج: مش عارفة بالظبط يبيه
بيتهيالى اقل من الغرقانين فى عبارة السلام
والمحروقين فى القطر اللى فات
والمعتقلين فى الاخوان
تقدر تقول اكتر من المحروقين فى قصر ثقافة بنى سويف
واللى انتحروا من الفقر السنة اللى فاتت
س: باين عليكى جاموسة واعية
ج: طبعا يبيه ما كله حصرى على التى فى المصرى
س:عندك حاجة تانية عاوزة تقوليها
ج: احب اطمن الاخ ماس كهربائى والاخ مختل عقليا
اننا بقينا فى الهوا سوا
وانا جيت اشيل عنهم الحمل
س: بتمضى ولا بتبصمى يبت؟
ج: امضى يبيه مع ان الامية عندنا فى البلد 28 فى المية
بلاش لماضة يبت وامضى وانتى ساكتة
يقفل المحضر فى ساعته وتاريخه على اثبات ما تقدم
اخوانى
ده جزء مجزء من اللى بيحصل فى مصر اللى الضلة جنب نيلها تساوى الف قصر
من طرف احمد عرفة 2015-07-17, 08:01
موضوع: تحقيق مع جاااااموسة ..؟؟؟ 