طابووووووووور العيش!!!!!!!

موضوع: طابووووووووور العيش!!!!!!! 2010-10-09, 21:38

- طابور العيش

شعبنا الجميل ده معروف بالطاوابير دايما , أعتقد أ يعنى ان معظم المصريين قد وقفوا فيه (فعشان تاخد الجنسية المصرية ممكن تقف في طابور العيش يوميا لمدة أسبوع , وبعد كده ممكن نديك الجنسية - أي خدمة يا عم - ) , وسهل قوي تعرف مكان أي فرن في مصر ( فبمجرد ما تشوف دخان طالع من مدخنة وجنبيه خناقة يبقي ده أكيد فرن يامعلم ).

ويتكون طابور العيش في مصر من عدة أجزاء رئيسية :-

1- طابور رجالي بالطول ( لو كان صاحب الفرن راجل منظم ) .

أو طابور رجالي بالعرض ( لو كان صاحب الفرن ملوش في النظام والكلام الفارغ ده ) , فتلاقي جماعة متكومين عند الشباك , بتاع8 ولا 9 اتنين منهم بيشتروا وتلاتة ماسكين في خناق بعض ,واتنين بيحوشوا واتنين يبتفرجوا , أما الحريم فنصهم بيصوت والنص التاني بيشجع ,وتلاقي واحدة تقول لزميلتها إلي واقفة قدامها :

- أطيعة يا أختى , يقطع الرجالة وسنينهم السودة , هي الواحدة مننا كل متتطلع بره البيت تلاقي الرجالة ماسكين في خناق بعض , مش كفاية الضرب إلي بياخدوه جوه البيت .

- يا ختي بلا نيلة , هما ينفع معاهم غير كده.

2- طابور حريمي ( ويحتوي علي عدد كبير من النساء , والزي الرسمي لهم هي العباية السودة , وممكن يشذ عن القاعدة دي كم واحدة كده من الاطفال أو الشابات ) , وتمتلك كل واحدة منهن سارينة أعلي من صوت سارينة الاسعاف والتي تعمل أوتوماتيكيا بمجرد حدوث أي مشادة بينها وبين أي من زميلاتها في الطابور, ولا مانع من استخدام أسلحتها الاخري من شد الشعور والعض وغيرها من أسلحة المرأة الفتاكة .

نشوف بقى بعض الشخصيات إلي ممكن تشوفها في فرن العيش :

- رجل عنده 60 سنه من عمره , وبيتسلى كل يوم انه يقف فى طابور العيش, فقد يأخذ معه أحد جرائد المعارضة ويظل يقرأها طوال الطابور وقد يندمج في أحد المرات مع أحد العناوين الحماسية للجريدة ويصرخ في صاحب الفرن (ياريس........ يا ريس مشي من الطابور يا ريس , كفاية بقى كوسة ومحسوبية احنا واقفين من زمان قوي وساكتين وأنتوا مش معبرنا ............ رغيف العيش يا ريس بقى كله حديد ومسامير .............ياريس أنا رجل عجوز مش قادر أقف في الطابور..............يا ريس ..... يا ريس .........هاتلي بنص جنيه عيش ) .

_ عيل صغير وتلاقيه عيل رخمه امه متوحمه عليه متعرفش على ايه (زعبوط العفريت) تلاقيه واقف يتنطط وراك يجى قدامك يعدى من تحت رجليك (يابنى اتهد ربنا يهدك طيب هنططه دلوقتى شكلى) شويه وتلاقيه ماسك عيل زميله وفارمين بعض ياله أيشكى يولعوا بجاز
وبعد مايخلص خناقه تلاقيه ماسك جنيه وعمال يعمله قرطاس يعمله مركب ويحطه على دماغ راجل اقرع ولا حاجه
هههههههههههههههه وممكن تلاقيه مرة عمال يعيط ويقولك ( عمو ..........عمو........عمو , ماما بعتتني أجيب بنص جنيه عيش , بس وأنا جاي الشيطان وزني واشتريت كيس قلبظ ......... ونبي يا عمو أمي هتموتني لو مجبتش العيش ونبي يا عمو اتبرعلي بنص جنيه و أنا هبطل أكل قلبظ تاني ) .

_شب عشرين خمسه وعشرين سنه كده تلاقيه جاى ويبص للطابور كده بصه . ويقول ولالالالالا ياحموووو (ايه ياحاج مالك ) متعرفش وشغال انت يالا ياحمووووووو رد عليا يالا
أتارى حمو ده واحد صحبه وشغال فى الفرن يقول هااات بجنيه عيش ياعم انا واقف بقالى 10 ثوانى فى الطابور....متجيب يا عم العيش خلينا نشوف مصالحنا , فيرد الواد حمو والصداقه وخداه .. طاب هات القفص بتاعك يامعلم
.معيش قفص ياحمو اتصرف..
- طب بعد إذنك كده يا كابتن , إدي الاستاذ ده العيش ده
ويصرخ الموجودين في الطابور ( , احنا واقفين من الصبح , ما تمشي من الطابور يا حمو) , ويغض حمو الطرف عن كلام الواقفين مرددا في سره ( دا صاحبي وحبيبي , إزاي أسيبه في وقت زنقته يعني؟! ) طاب ياسيدى ربنا يخليكوا لبعض

طابووووووووور العيش!!!!!!! 15065709wz9

وفى نوع رخم بقى من الناس تلاقيه داخل كده وماشى ويجى يسيب الطابور ويجى من ورا كده ويقف جنب الشباك.تقوله ياستاذ في طابور , فيهرش في دماغه كده وييجي يتكلم لكن الخط عنده مبيجمعش...........فتنادي عليه تاني : يا أستاذ الطابور .......... فيعمل نفسه خارج نطاق الخدمة أو ربما يكون مغلقا........ وشوية كدة تلاقي الشبكة عنده بقت خمس شرط, وميل ناحيتك ويبدأ يقرب من الطابور ويقولك بقي وهو مندمج وبيستعبط : يا نهار أبيض الطابور ده مش عاوزيمشي ليه , بيقولو إن الكهربا أطعت ومش عارف ليه دايما الراجل ده بيكون أقرع ...

وتلاقيه بيقول حاجة غريبة قوي الواحد كل مايقف في الطابور الكهربا تقطع , وقبل ما يكمل كلامو يكو ن جاب العيش إلي هو عاوزو .

كان معكم شمس النهار أمام أحد الافران المصرين

موضوع: رد: طابووووووووور العيش!!!!!!! 2010-10-09, 21:48

فعلا حياة المواطن المصرى

كلها طوابير بدايتا من طابور الصباح فى المدرسة

موضوع: رد: طابووووووووور العيش!!!!!!! 2010-10-09, 22:31

موضوع: رد: طابووووووووور العيش!!!!!!! 2010-10-10, 00:35

هو انتو عندكو طوابير على الافران كمان ههههههه

طب خدي دي عشان تخف الازمة وتبقي لوحدك واقفة ههه

مرة واحد بلديتنا ربنا كرمه ? فتح فرن عيش, اول يوم راح واحد اشترى منه 10ارغفة ?

روح بيتهم فتح اول رغيف وجد فيه ودن فار , فتح تانى رغيف وجد فيهرجل فار

, فتح تالت رغيف وجد فيه ديل فار , راح تانى يوم لبلديتنا

قال لهايه ده ياراجل انا حابلغ التموين ? اقفل لك الفرن ده , رد عليه بلديتنا ?

قال له ايه يا استاذ انت ما بتفهمش ولا ايه ,

دى مسابقة انا عاملها جمعالفار تكسب الفرن

موضوع: رد: طابووووووووور العيش!!!!!!! 2010-10-10, 01:05

ههههههههههههههههههههههههههههههههههههههه

موضوع: رد: طابووووووووور العيش!!!!!!! 2010-10-10, 03:02

يااااااااااااااااااااااااااااه
تلاقيها واقفة من يومين أو أكثر

علشان تطلع بالغنيمة دى

طبعا دى هتلاقى بدل الفار فيراااااااااااااان
وتكسب بدل الفرت أفرااااااااااان
هههههههههههههههههههههه

شمس التميز

كدا مش هناكل عيش لتميزك فى الاختيااااااااااااااااار
وأكيد العيش يكون لخباه

موضوع: رد: طابووووووووور العيش!!!!!!! 2010-10-10, 04:20

عمرك طويل يا شمس

انا كنت بحضر لموضوع بعنوان

اشهر 3 طوابير فى مصر

انتى كتبتى عن طابور منهم

مش عارف بقه اكمل موضوعى والا لأ ؟؟؟

كل الحب

موضوع: رد: طابووووووووور العيش!!!!!!! 2010-10-10, 04:27

موضوع: رد: طابووووووووور العيش!!!!!!! 2010-10-10, 13:24

هههههههههه

همسة حبيبة قلبى

انا جمعت الفار اهو اروح اديه لصاحب الفرنة على ضمانتك

طابووووووووور العيش!!!!!!! St-Takla-org___Rat

هههههههههههههههههههههههههههههههههه

موضوع: رد: طابووووووووور العيش!!!!!!! 2010-10-10, 13:27

مش عارف بقه اكمل موضوعى والا لأ ؟؟؟

شاعرنا الكبير

كمل الموضوع وانا اوعدك انى مش هتكلم عن الطوابير النهاردة

بس بسرعة علشان ممكن اغير رأيى

اسعدنى مرورك الكريم

موضوع: رد: طابووووووووور العيش!!!!!!! 2010-10-10, 13:33

هههههههههههههههههه

امال لو اتخر اكثر من كدة كان حصل ايه

مش بقول احترافية فى اختيار الصور

ابو عبد العزيز

اسعدنى مرورك الكريم

شوف دى

طابووووووووور العيش!!!!!!! 1217884604

موضوع: رد: طابووووووووور العيش!!!!!!! 2010-10-10, 19:36

ابو يوسف

انت فعلا مش هتاكل عيش بس علشان الطابووووووووووووور

طوييييييييييييييييييييل

هههههههههههههههههههههه

موضوع: رد: طابووووووووور العيش!!!!!!! 2010-10-12, 00:37

اولا:موضوع رائع جدا لانه يتكلم عن مشكلة من مشاكل الحياة
ولكن هناك سؤال
ا ما هو السبب فى طوابير العيش..........؟؟

هل هو عدم النظام فى الطابور..ولا الناس اللى بتيجى من خارج الطابورهى السبب..؟؟
طيب..هل صاحب الفرن يريد هذا كنوع من الصيط..انا لا اعتقد..
ولا السبب هو الدقيق الذى يباع فى السوق السوداء..؟؟
الله يكون فى عون الشعب الصرى
:abl:

موضوع: رد: طابووووووووور العيش!!!!!!! 2010-10-12, 03:52

اعتقد ان كل هذه الامور مجتمعة معا ممكن ان تكون السبب
فى هذه الازمة

طابووووووووور العيش!!!!!!! 700890

موضوع: رد: طابووووووووور العيش!!!!!!! 2010-10-12, 04:05

» اكل العيش مر
» لقمة العيش صعبة
» كيف يكون العيش مع الله
» ازمة العيش حالة استجواب ...!!!
» رجال عانقوا الخطر من أجل لقمة العيش