برنامج( مع سلام في الشوارع)

موضوع: برنامج( مع سلام في الشوارع) 2010-09-16, 01:28

كل عام وانتم يا شباب وصبايا بخير

خلص العيد وخلص من قبله رمضان
وكان يجمعنا مع احلى ناس بمنتدانا
وخلص معاهم برنامج كان جميل وخفيف
(رمضان يجمعنا مع صفا)
اليوم رح نبدأ ببرنامج جديد
فيه اضافة كبيرة للمنتدى بس بشرط مشاركتكم معي لحتى نصل للآفاق بكلمات جميلة نسطرها هون مع كل عضو من اعضاءنا

البرنامج اسمه (مع سلام في الشوارع)
رح استضيف اعضاء من المنتدى واسألهم عن مواقف مرت معاهم بالتاكسي ( الاتوبيس) او الباص او الشارع نفسه او حتى رحلة طويلة في مواصلات متعددة

رح ابدأ مع هموووووسة لأنو حابة تعرفو تفاصيل اكتر عن البرنامج من خلال اول حلقة
وانشالله رح نتواصل على مدار شهركامل
كل يوم حلقة مع عضو جديد باذن الله

نبدأ على بركته تعالى

هموسة..

اطول رحلة قضيتيها في المواصلات...؟؟؟

مدى التعب اللي شفتيه؟؟
موقف مضحك في اثناء الرحلة؟؟
موقف محزن او غاضب او محير او طريف من نوعه؟؟
همسة تقولينها للسائقين؟؟
هل لك ذكريات في شوارع معينة؟؟
هل تحبين طريق او شارع معين؟؟
عندك برنامج او مواعيد محددة للمواصلات؟؟ بتعملي حساب للمواصلات قديه رح تاخد منك وقت؟؟

متى مللت الطريق والناس والمواصلات؟؟
تأخرتِ شي يوم عن موعد بسبب المواصلات؟؟
شو اكتر ميزات ( ايجابيات)المواصلات؟؟
امتى حسيتي انك مخنوقة وطلعتي مشيتي في شارع بتحبيه؟؟
امتى كنتي مترددة بين انواع المواصلات (انك تركبي تاكسي او باص او قطار )

وسلامتك على الطريق

مشكورة يا انا ههههه

هموسة..

اطول رحلة قضيتيها في المواصلات...؟؟؟
كانت مسيرة يوم كامل 24 ساعة على نفس واحد هههههه
اولها من بيتي لجسر الاردن وبعدها من مطار عمان لدبي وبعدين من نفس دبي لفندق وبعدها لبيت صديق عائلتي

مدى التعب اللي شفتيه؟؟

كتييييييييير كان متعب خصوصا تغير المناخ بين منطقة ومنطقة

موقف مضحك موقف محزن او غاضب او محير او طريف من نوعه؟؟
اكتر موقف بحبه كتير لما الصبح كنت بطلع للدوام مع نفس السواق كل يوم
كان الصبح عالساعة 7 ونص يحط فيروز وتغني اغاني هادية وحلوة ويميل برأسه يمين وشمال حسب صوت فيروز
ويحكي مع الركاب ويفرفش كنا نتخيل انه مجنون هههههه لحد هلأ بتزكر ماجد ريان الله يزكره بالخير
والمواقف المضحكة كتييييييييير لأنو ماجد صاحب نكته

همسة تقولينها للسائقين؟؟
اتقو الله في ما ترى اعينكم وما توسوس لكم به انفسكم واسترو ما تشاهدونه وارحمو من في الارض يرحمكم من في السماء
وبطلو معاكسة هههههههه

هل لك ذكريات في شوارع معينة؟؟
اها
بحب شوارع بلدي فترة الصبح تلاقي الكل صاحي بدري وبيفتح المحلات وبعضهم يروح على الجامعة والاخرين على شغلهم والحركة شغالة في وسط البلد خاصة شارع البلدية

هل اللافتات والعناوين والمناظر والمعروضات تلفت انتباهك ؟؟
اكيد
وكل ما بكون رايحة مكان جديد بحفظ المكان من اللافتات او اسماء المحلات ومناظر ظاهرة وواضحة عشان اتزكره مرة تانية
مدى حبك او كرهك للمواصلات؟؟
انا بحب المواصلات والله اكتر من السيارة الخصوصي
بشوف الدنيا بحق
وبحس اني عايشة
بنقابل ناس ونودع ناس ونشوف الدنيا غير عن لما تكون السيارة ملكي انا
وحسيت بهاد الشي لما صرت اروح بسيارتي
حسيت بفرق كتير ومتمنية ارجع للمواصلات رغم انها متعبة

هل تحبين طريق او شارع معين؟؟
اها
بحب شارع عمر بن الخطاب وشارع واد التفاح بالخليل لأنو كل اللوازم اللي بدي اياها موجودة فيه

عندك برنامج او مواعيد محددة للمواصلات؟؟ بتعملي حساب للمواصلات قديه رح تاخد منك وقت؟؟

بطلع قبل بوقت حسب المسافة
يعني نص ساعة زيادة او ساعة احيانا

متى مللت الطريق والناس والمواصلات؟؟

ولا مرة
تأخرتِ شي يوم عن موعد بسبب المواصلات؟؟

مرة وحدة كانت عندي محاضرة وانا طالبة عالساعة 8
ومطر
وطين ورياح اوووووووو
شو اكتر ميزات ( ايجابيات)المواصلات؟؟
يمكن غيري بيقول مش حلوة وما فيها ايجابيات لكن جربو مرة تشوفو الدنيا وانتو طالعين الصبح واتفرجو على الناس والزحمة والجو رح تحسو بحلاوة الحياة مع الناس
هاد اولا
تانيا
المواصلات بتحسسك بطعم تعبك وجريك على هدفك لتحققه
تالتا ورابعا و
و
و
كتيييييييييييير

امتى حسيتي انك مخنوقة وطلعتي مشيتي في شارع بتحبيه؟؟

حسب المزاج بطلع بعمل لفة بالبلد وبرجع بكون خلصت كل التوتر وهديت ورايييييييييقة

امتى كنتي مترددة بين انواع المواصلات (انك تركبي تاكسي او باص او قطار )

ولا مرة ركبت قطار لأنو مافي بمطنقتنا
بس بحب الباص اكتر شي
او التاكسي العمومي مش الخاص
وسلامتك على الطريق

مشكورة يا انا ههههه

اهليييين همووووسة نورتي ههههههههه

مجنونة اكيد

بعرف ههههه

مفيش احلى من هيدا جنان
ههههههههه
يئبر قلبى شو حلو جنانك
يامحلا جمالك ياهموسه

شفتى جننتينى اهو بقيت بحكى
حكى مو طبيعى كله تهييس

Laughing

برنامج جميل وفكرته جميلة

وتنشيط غير عادى للمنتدى من همووووسة

كل الحب

» مع سلام في الشوارع( حلقة ابو شهد)
» مع سلام في الشوارع( عبد الله شعبان )
» مع سلام في الشوارع ( حلقة صفا الروح )
» مع سلام في الشوارع ( حلقة باسل )
» مع سلام في الشوارع ( حلقة شادي )