قهوة المنتدي ادخل وفضفض

السلام عليكم
انا بجد سعيد جدا انى اشتركت هنا فى المنتدى
لأنى لقيت أخوه فى الله لا يوصفوا بوصف
علشان كده فكرت فى القهوة
هى ممكن تكون غريبه شويه انى أنا اللى أعملها بس ان شاء الله تنجح
فى القهوه عندنا كل حاجه
كل المشاريب الساقع والسخن
بس ادخل ودخلي وجربنا
القهوة دى هتكون مكان دائم لينا
هندخل ونتكلم ونتناقش ونفضفض
ونضحك
يعنى اللى مهموم يقول
اللى عنده نكته يقولها
اللى مدايق يدخل ويشوف النكته .............
اللى عنده أى موضوع مهما كان بس يقول يا قهوه ويشوف ايه اللى هيجرى ؟؟؟؟؟؟؟؟؟؟؟؟؟!!!!!!!
ان شاء الله هيلاقى مليون رد ما أنا عايز مليون زبون

بس على شرط
كل اللى هيدخل هيقدم ال cv
الخاص بيه
يعنى
الأسم:
السن:
الدراسه:
ومنى ليكم " كل المشاريب بيوم الأفتتاح بس على حسابى "
وبعد كده هى مش تكيه كل واحد يحاسب على اللى هيشربه

وهبدأبنفسى
الأسم:محمد
السن:13
الدراسه:في الصف الثاني الاعدادي

يلا الدور عليكوا نورونى

انا طالب واحد كابتشينو يا فالح

اما مشكلتي

انك مغلبني ومش بتسمع الكلام


ربنا يخليك

فين المعلم المسؤل عن القهوة دى ؟؟؟؟؟؟؟؟؟؟؟

من أولها كدة يا معلم محمد فينا من الوسايط

أول زبون دخل عندك أهو من غير ما يقدم cv

أنا أطالب بالمساواه .. من فضلك عاوزة كوب نيس كافيه بمعلقة واحدة سكر

اأما عن الفضفضة خليها بعد ما أشرب النيس كافيه لو عجبنى حكون زبونة دايمة

وآتيك بكل جديد فى قهوتك يا معلم محمد .. قلت ايه .. اتفقنا ؟؟


كل الحب والتقدير

لا لا لا مفيش وسايط ولا حاجه ده صديق قديم وكمان بيجي عندنا

وانا عارف الCVبتاعاه مش مستاهله يعني وبعدين مش تقدمي الCV الاول

عشان تشربي النيس كافيه وان كنت زعلانه علي ان هو ماقدمشي الCV اقدمو انا

الاسم \ ابي
السن \لسه ماسألتوش
الدراسه\ مخلصها

وكل عام وانت بخير يا ام عبد الرحمن





كل الحب والتقدير

طيب يا سيدى اقدملك ال cv وأمرى لله

حكم القوى .. الاسم .. ماما صفا

السن .. اوعى تسأل لانى لسة بعد ولما اعرف حقولك

وبعدين دى سياسة عليا واحنا فى المنتدى مش بنتكلم فى السياسة

الدراسة .. مخلصة والله يا معلم محمد من زمان

هات النيس كافيه بقة .. وما تنساش معلقة صغيرة سكر بحبه عادب

سلام يا بندق

الواد ده شكله ضحك علينا

وفضل يقول CV ومش CV

ولا شوفنا كا بتشبنو
ولا نسكافيه
ولا مانجا

ولا حتى شاي فتله

والله يا ريس له كبير يترد عليه

بعد ما فضفضناله بكل اللى جوانا تركنا ولا أكنه يعرفنا

لو تعرف أبوه ياريت تبلغه .. لانى سمعت ان والده راجل كويس

اصبروا يا جماعة

المانجا على النار

والشاي في الثلاجة

بس شوية صبر

ادي النيس كافيه

ادي الشاي

ادي المانجو



يلا محد ش يزعل

ادي الطلبات يلا ابدؤ الشرب

بقولك يا حاموا

ايه الجمال ده

ياريس

ممكن بقه واحد

بندق بالمكسرات

كل الحب