رمضان بيجمعنا مع أحمد عاشور .. اهلا بيك

.

أحمـــــد عـــاشور


الف أهلا ومليون مرحب بيك أسم منور فى سماء منتدانا وبيت عيليتنا البيت الكبير


دبركــــــــــــــــــــــــــــــــى


وكل سنة وانت طيب .. منور صفحة رمضان بيجمعنا


احمد عاشور احنا عاوزين ندردش معاك شوية فى رمضان بيجمعنا عن كل ذكرياتك الرمضانية



بداية عاوزين نعرف منك قصة اول يوم صمته وكم كان عمرك وقتها ؟

طبعا كان يوم صعب جداًعطشان وهاموت من العطش

وكان عمرى وقتها 8 سنوات






وهل يا ترى فطرت كدة فى السر وانت طفل صغير ؟

لألأ ، هو لم يكن فى السر بل فى العلن كنت ( باتلكِّك) فقلت

لأمى إنى عاوز فلوس وإن لم تعطينى هافطر ،فقالت :

إفطروبالفعل فطرت



كلمنا عن فانوس رمضان ومدى تعلقك به فى الصغر ... وياريت تحكيلنا عن ذكرياتك مع استقبال رمضان ايلم الطفولة

كنا نجلس أنا وأصدقاء الطفولة نصنع الفانوس سويا بقطع

صغيرة من الأخشاب والورق الملون ولمبة صفراء صغيرة

وكنا نزين شارعنا بأوراق الزينة التى تجوب الشوارع

احتفالا بالشهر الكريم



وايضا ايام الشباب وقبل الزواج كيف كانت طقوسك لاستقبال الشهر ؟

لا شك إن درجة حفاظى على الصلاة فى المسجد وقرائتى

للقرآن فى رمضان ليست بنفس الدرجة فى غيره من

الشهور فاستقبالى للشهر يمثل لى نقطة نظام وعودة بجد

لللإلتزام بالصلاة والقرآن



وايضا ما هو الاختلاف فى طقوس استقبالك للشهر الكريم بعد الزواج والابوة؟

أنا التزمت جداً بالصلاة فى المسجد علشان يبارك لى فى

زوجتى وأولادى


يا ترى اشتريت فوانيس لمحمد وسما ؟

محمد وسما عمرهم 4 شهور لا يعرفوا الفانوس حاليا

لكن اشتريت لأمهم



اتعزمت هذا الشهر كم مرة وعند مين ؟ وعزمت عندك مين ؟

اتعزمت 3 مرات عند عمى ، أستاذى الفاضل " صبحى أبو

صالح "، شقيق زوجتى

وعزمت عمى وأزوج أخواتى البنات ولسة البقية تأتى



لو خيروك فى عزومة عضوين فقط من اعضاء المنتدى على الافطار يا ترى تختار مين ؟ وليه اخترتهم

عطاالله الشاعر يا رب يرجع بالسلامة علشان ابن خالتى

وصديقى وحبيب قلبى وعشرة العمر كله

و أسامة " أبو طارق" صديق العمر وزميل التختة وأيام

الجيش اللى ما دخلنهوش



بما انك من دبركى وقريب لبعض من فى المنتدى ... فهل يا ترى تربطك ببعضهم ذكريات رمضانية ؟

الشاعر أو الكبير كنا تقريبا كده لا نترك بعض ، وكنا نقوم

برحلات استكشافية للأماكن التى لا نعرفها بالقرية والقرى

المجاورة وكنا حريصين دايماً على صلة الرحم بأقاربنا



تقول لمين .. وحشنى الفطار معاك ؟

أقول لأخى الكبير " عبد الباسط " حيث لم أفطر معه سوى

يوم واحد نظراً لظروف عمله ، وسفره الدائم للقاهرة




عادة بيكون ايه اصناف سحورك وبيكون الساعة كم ؟

عادة ً الجبن بالطحينة والبطاطس المقلية وأحياناً العسل

الأسود ، وذلك الساعة الثالثة صباحاً



ما هو اسم المسجد الذى تصلى فيه واسم الامام والخطيب ؟

مسجد السلام ، وإمامه الشيخ "سعيد مرعى "



ايه احب الاكلات التى تحب ان تجدها على مائدة الافطار ؟

السلطة الخضراء ، الأرز بالشعرية ، الفراخ ، اللوبيا


ياريتك تتذكر معانا مواقف مضحكة واخرى مؤثرة حدثت لك او لغيرك فى رمضان ؟

دايما ً أحب اهزر مع أخى على الإفطار وانكشه وهو

يتضايق من الهزار على المائدة وقت الإفطار

" أما مواقف مع غيرى " فكنا معتكفين أنا وزملائى

بالمسجد وكنا وقت غروب الشمس وانقطعت الكهرباء

بالقرية فالتبس علينا الأمر لا نعرف هل أذن المغرب

بالقرية أم لآ ! فأكد علينا واحد من الزملاء بمنتهى

الحرص أنه أذن فقمنا بتناول التمر وبعد لحظات اكتشفنا

أن المغرب لم يؤذن بعد !!!!!!!!!!!!!!!


هل يا ترى هناك اشخاص محددين او عبارات محددة متعلقين بوجدانك دايما بالشهر الكريم ؟

طبعا والدى وست الحبايب ربنا ما يحرمنى منهم ، وهناك

عبارة أتذكرها دومًا كلما اقترب رمضان قوله صلى الله

عليه وسلم " خاب وخسر من أدرك رمضان ولم يغفر له "


احمد عاشور .. اوعى نكونوا تقلنا عليك بالاسئلة ؟ بتقول ايه ؟ ااه بتقول لا ما تقلتيش ولا اى شىء يا صفا

لالالالالا أنا باحترمك جداً يا صفا وباحترم كتاباتك كلها

وعمرى ما اتضايق من الحوار الجميل ده


شكرا ليك .. طالما كدة بقة ابدء الاسئلة ... ايه ؟؟ مالك ؟؟ مش انت قلت ما تقلناش عليك ؟
إيه .. إيه هو احنا لسه هانبدأ الأسئلة !! ماشى ..

ما.. ماشــــــــــــــــــــى

بس بسرعة علشان عاوز انام


عموما هانت ما تقلقش

أنا مش قلقان أنا جوعان



لو فكرنا نعمل عزومة كبيييييرة لكل اعضاء المنتدى وكل عضو عليه دور يقوم به فى العزومة ابتداءا بشراء


مستلزمات العزومة وانتهاءا بتشطيب المطبخ .. يا ترى انت يناسبك اى دور تحديدا .. غير انك تاكل طبعا ههههه

غير إنى آكل ........ ممكن أعمل السلطات


وان قالولك اسند دور لكل عضو من الاعضاء دور فكيف توزع الادوار يا ترى ؟

حسب هواية كل واحد




اذكر لنا اسم كل عضو وما هو دوره فى اعداد العزومة

أبو حسام أستاذ فى عمل الأرز

الكبيييييييير دكتور فى عمل جميع أنواع السلطات

أبو طارق رئيس قسم فى عمل الشاى

أحمد عاشور بالإضافة للأكل طبعاً ممكن إعداد المائدة


معلش تعبت معانا يا احمد .. لكن هذا قدرك .. طيب مش قدر جميل برده ولا ليك رأى تانى يا ترى ؟

جميييييييييييييييل والله

لكن من كثرة ذكر المأكولات بدأت أشعر بالجوع


ههههههههههههههههههههه


ياريت تسمح لنا اننا نعيش معاك يوم كامل من ايام رمضان ابتداء من صحوك من نومك وحتى السحور


وليكن اليوم مثلا وبكل تفاصيله ؟

أنا أستيقظ بداية من السحور وبعد الإنتهاء منه أصلى الفجر

وأمكث لقراءة مايسره الله لى من القرآن لمدة ساعة ثم أنام

حتى الثامنة ثم أذهب إلى المعهد حيث محل عملى الذى

ينتهى مع أذان الظهر نصلى الظهر سويا بالمسجد ثم أعود

ثم أعود إلى البيت وأنام حتى العصر وبعد صلاته أجلس

لقراءة القرآن حتى موعد الإفطار ، وبعد الإفطار نصلى

المغرب سويا بالبيت ونتناول الشاى حتى يقترب موعد

صلاة العشاء فأذهب لصلاتها فى المسجد وبعد الإنتهاء من

صلاة العشاء والقيام أذهب لزيارة أخواتى البنات وبعدها

أعود إلى البيت لأتابع أخبار المنتدى على النت الذى دائما

ما أجده منقطع " والأسباب يطول شرحها " فإذا النت

منقطع كالعادة أذهب إلى التليفزيون لمتابعة أخبار الرياضة

والكرة المصرية وإن لم أجد أى من البرامج الرياضية

أذهب للخلود إلى النوم ليبدأ يوم جديد ..........


انت فطرت ايه انهاردة ( الجمعة .) وتفصيليا حتى انواع المخلل والعصائر ومع مين ؟

كنت معزووووووم عند شقيق زوجتى وكانت المائدة دسمة

جدا ( اللحم المحمر ، الفراخ ، الأرز المعمر ، السلطة

الخضراء ، لسان العصفور ، محشى " كرنب "،الملوخية

الخضراء ، الفاصوليا )

المخللات ( خيار ، زيتون ، جزر )

العصائر ( تمر باللبن ، تمر هندى )




اخــــــــــــــــــــــــــــــــر سؤال ان شاء الله



لو ان الست الوالدة طلبت منك تفطر معاها ولوحدك للاهمية القصوى .. وزوجتك اصرت على نفس الطلب وفى نفس التوقيت



يا ترى حيكون ايه تصرفك للخروج من الموقف دون خسائر ؟

طب وليه الإحراج ده بقى ..............

شوفى يا صفا إن زوجتى تعلم طباعى جيدا ً وتعلم أن رضا

أمى عندى اهم من الدنيا وما فيها ، فهى أذكى من أن

تطلب طلبا مثل ذلك .









وأشكر ليك تواجدك ووقتك وجهدك ونورتنا يا ابو محمد وسما ربنا يحفظهم ويبارك فيهم .. اللهم امين


وكل عام وانت والاسرة الكريمة وكل المسلمين بخي

أشكرك جداً يا صفا على هذا الحوار الرائع الجميل

وكل عام وأنت وأسرتك وكل أعضاء المنتدى الكرام

وكل المسلمين بخير .

نورت يا ابو












محمد












و











سما











كل الحب

وهل يا ترى فطرت كدة فى السر وانت طفل صغير ؟

لألأ ، هو لم يكن فى السر بل فى العلن كنت ( باتلكِّك) فقلت

لأمى إنى عاوز فلوس وإن لم تعطينى هافطر ،فقالت :

إفطروبالفعل فطرت


مساومة ناجحة هههههه




كلمنا عن فانوس رمضان ومدى تعلقك به فى الصغر ... وياريت تحكيلنا عن ذكرياتك مع استقبال رمضان ايلم الطفولة

كنا نجلس أنا وأصدقاء الطفولة نصنع الفانوس سويا بقطع

صغيرة من الأخشاب والورق الملون ولمبة صفراء صغيرة

وكنا نزين شارعنا بأوراق الزينة التى تجوب الشوارع

احتفالا بالشهر الكريم



ما أروع هذه الذكريات صورة جميلة يتغذى منها الوجدان




وايضا ما هو الاختلاف فى طقوس استقبالك للشهر الكريم بعد الزواج والابوة؟

أنا التزمت جداً بالصلاة فى المسجد علشان يبارك لى فى

زوجتى وأولادى


لجأت للكريم الذى لا يردنا خائبين ابدا

خيرا فعلت وربنا يبارك لك فيهم



يا ترى اشتريت فوانيس لمحمد وسما ؟

محمد وسما عمرهم 4 شهور لا يعرفوا الفانوس حاليا

لكن اشتريت لأمهم









تصرف رائع يظهر للعيان على انه امر بسيط

لكن هو تصرف كبير جدا وله اثر عميق ورائع فى قلوب الزوجات

حفظكم الله وأسعد أيامكم




" أما مواقف مع غيرى " فكنا معتكفين أنا وزملائى

بالمسجد وكنا وقت غروب الشمس وانقطعت الكهرباء

بالقرية فالتبس علينا الأمر لا نعرف هل أذن المغرب

بالقرية أم لآ ! فأكد علينا واحد من الزملاء بمنتهى

الحرص أنه أذن فقمنا بتناول التمر وبعد لحظات اكتشفنا

أن المغرب لم يؤذن بعد !!!!!!!!!!!!!!!


يااااا خبر



يا ترى عملتوا فيه ايه ده


طبعا والدى وست الحبايب ربنا ما يحرمنى منهم


ربنا يرزقهم دوام برك لهم ويرزقك دوام رضاهم .. اللهم امين






احمد عاشور .. اوعى نكونوا تقلنا عليك بالاسئلة ؟ بتقول ايه ؟ ااه بتقول لا ما تقلتيش ولا اى شىء يا صفا

لالالالالا أنا باحترمك جداً يا صفا وباحترم كتاباتك كلها

وعمرى ما اتضايق من الحوار الجميل ده



ربنا يعزك ده من زوقك ورقى اخلاقك





اذكر لنا اسم كل عضو وما هو دوره فى اعداد العزومة

أبو حسام أستاذ فى عمل الأرز

الكبيييييييير دكتور فى عمل جميع أنواع السلطات

أبو طارق رئيس قسم فى عمل الشاى

أحمد عاشور بالإضافة للأكل طبعاً ممكن إعداد المائدة


ايه ده يا عم أحمد دى عزومة قرديحى على الاخر

عبارة عن رز وسلطات وشاى لالالالالالا انا مش حاجى العزومة دى

حروح عزومة همسة لان فيها لحوم وفراخ و و و

لكن اقولك اللمة بالدنيا واللى فيه ربنا يجمعكم دايما على الحب والخير يااارب



كنت معزووووووم عند شقيق زوجتى وكانت المائدة دسمة

جدا ( اللحم المحمر ، الفراخ ، الأرز المعمر ، السلطة

الخضراء ، لسان العصفور ، محشى " كرنب "،الملوخية

الخضراء ، الفاصوليا )

المخللات ( خيار ، زيتون ، جزر )

العصائر ( تمر باللبن ، تمر هندى )



بص انا مش حقر ولا حنق وبمليون هنا وشفا

لكن بس حنادى ابو يوسف وابو شهد

ينقوا معايا علشان الفايدة تعم هههههههههه

يا عينى يا صفا محدش فكر ياخدك معاه عزومة محترمة زى دى

وحتى ه محمد عبد العظيم شريف بيقولى انا عازمك على الفطار معايا يا ماما صفا يوم 32 رمضان

هههههههههههههههههههههههه


عموما كل يوم يمر علينا واحنا كلنا بخير ودبركى بيجمعنا هو اجمل عزومة






لو ان الست الوالدة طلبت منك تفطر معاها ولوحدك للاهمية القصوى .. وزوجتك اصرت على نفس الطلب وفى نفس التوقيت



يا ترى حيكون ايه تصرفك للخروج من الموقف دون خسائر ؟

طب وليه الإحراج ده بقى ..............

شوفى يا صفا إن زوجتى تعلم طباعى جيدا ً وتعلم أن رضا


أمى عندى اهم من الدنيا وما فيها ، فهى أذكى من أن

تطلب طلبا مثل ذلك .






ربنا يحفظكم ويسعد أيامكم .. اللهم امين




وأشكرك مع كامل التقدير والاحترام على تواجدك وذكرياتك الجميلة

واشكرك على انك سمحت لنا نعيش يوم رمضانى معك ونشكر لك ايضا مجهودك ووقتك

معلش سهرناااك وجوعناك


كل التقدير

منور كما انت دائما يا ابو شهد

صفحات رمضان بيجمعنا بينقصها الكثير والكثير فى غيابك

كل الود