حوار مصرى جدا

v حوار مصرى جدا





v يقال إن87%من الشعب المصري ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .



v تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .



v ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .





v بعد اضطهاد النادى الأهلى الواضح لنادى الزمالك .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .





v ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .





v ما الفرق الأهم بين مصر وأمريكا ؟
ــ ان عائد السياحة من الهرم المزيف الموجود فى لاس فيجاس أضعاف عائد السياحة من كل أهرامنا الحقيقية .





v ما أهم قاعدة موجودة فى مصر ؟
ــ ان مفيش قاعدة لأى حاجة

ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .





v أين يمكنك أن تلاحظ سوء نية المصريين ؟
ــ عندما يغنون للطفل البرىء قائلين .... يارب يا ربنا " تكبر وتبقى زينا" .





v ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ لأنهم طلعوا من هدومهم.





v امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)





v امتى هناكل جوافة من انتاج مزارع توشكى ؟
ــ في المشمش !





v هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" .





v 60 % من الرجال المصريين يشخرون وهم نائمون ...... ما تعليقك ؟
ــ لأن 40 % بيشخُرووا وهما صاحيين .





v ما تعليقك على أن المصريين لا يتحدون الا لما يكون المنتخب بيلعب ؟
ــ الاستاد هو الحل !





v ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .





v ما الفرق بين الزوجة المصرية والزوجة الأوربية ؟
ــ 0 4 كيلو جرام على الأقل .





v بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .





v من هم المستفيدون من الزحام الذي يسيطر على شوارع القاهرة؟
ــ شركات المحمول ، كله واقف فى الاشارة ماسك الموبايل ، بيخلص شغل أو يعتذر عن التأخير ، فالإدارة العامة للمرور " مخالفات استخدام المحمول أثناء القيادة ".
ثم الشركة الشرقية للدخان حيث يتزايد معدل الحرق على سبيل " التنفيث " .
فالهيئة العامة للبترول حيث يتزايد حرق البنزين على الفاضى أثناء الوقوف وبالتالي يصبح المستفيد الخامس هم أطباء الأمراض الصدرية .

v

ليه بيقدموا الساعة ساعة عندنا فى الصيف ؟
ــ علشان دي الحاجة الوحيدة اللي أصبح ممكن نتقدم فيها .






لماذا يقال عن الشعب المصرى انه شعب فوضوى ؟
ــ علشان بيكره " النظام . "

لا تدع الامس يستهلك قدرا كبيرا من اليوم مشكور يا اخ محمود

الاستاد هو الحل !







يجب ان نحاول جميعا ان نتحد من خلال هذا المنتدى الى رفعة الثقافة عند ابناء بلدتنا الفاضلة





فهو الهدف الاساسى من انشاء المنتدى


وجزاكم الله خيرا على التعاون