موضوع هام جدا لكم يا بنات نقلته للاهمية .. مفيش مانع من دخول الرجال

بسم الله والصلاة والسلام على رسول الله اما بعد :-

لن اسرد عليكم ايات او احاديث لانكم تعرفونها ولكن مالاتعرفونه هو خطط الشباب على اخواتنا وخصوصا بنات الانترنت ( مارأيت )

انا كنت ادخل نت كثير من مقهى ورأيت بعيوني وش يسوون الشباب عشان يصيدون البنت اللي يسوي شاعر واللي يسوي طيب واللي يقول قصة امه اللي ماتت وكيف مشتاق لها عشان يحنن بننت الناس عليه و اللي واللي واللي ......

والله شفت ناس من جد هم شياطين الأنس وربي انهم يسوون خطط وأشياء والله ماتتوقعونها والله ان بعضهم يدّعي انه مات عشان يلفت انتباه البنت واذا انتبهت له صار شوي شوي يقرب منها وربي بعضهم لو يجلس سنين يطرد ورا البنت عشان ايميل انه مستعد يصبر!!

انا شفت بعيوني زوجات انفضحوا وزوجات كانوا بيطلقون وبنات من عمر 15 الى عمر خمسين والله والله انهم لعبه بأيادي الشباب وأن مافيه شاب يحترم بنت تكلمه وربي ان البنت اللي تكلم الشاب يراها احقررر واذل واتفه من نعاله( أجلكم الله ) اذا اخذ حاجته منها فضحها والا شبكها مع خويه الى حد ماتدور البنت على كل الشله

يابناااااااااات يابناااااااات اصحوووو الله يوفقكم اصحوا الله ينور قلوبكم

والله شفت قصص قدام عيوني لو اقولها ماتصدقون كم من بنت دخلت داعيه صارت تكلم شباب وكم بنت دخلت تتسلى بالنت وانتهت بأنتحارها ..!!

لاتظنين انكَ بجلوسك وحدك في الغرفه و في بيتك أمان لك منهم وربي انهم يسحروووون بكلامهم وبخططهم يتلون الشخص منهم بألف لون وانا احلف ايمان مغلظه انه لايوجد شاب يكلم فتاة الا يكلم معها غيرها .

بعيوني رأيت شباب والله اذا رأيتهم اقول ( الحمدلله اللذي عافاني مما إبتلاكم به وفضلاً على كثير ممن خلق تفضيلا ) لقبحه أو لعاهة مشوهة وجهه واذا بي أتفاجاأ بأنه معبى الماسنجر والجوال بنات
تدرون ليه ؟؟؟
لأن النت صاير مثل سوق الغنم اللي يدخل يجد بنات أرخص من الغنم وهم يعرضون انفسهم على الشباب وربي انهم ارخص من بنات الليل
تدرون ليه ؟؟؟؟
لأن بنت الليل الشاب يدفع فلووووس عشانها ولكن بعض البنات تشحن لحبيبها وترسل له فلوووووووس وهدايا عشان يكلمها
عرفتوا ليش ؟؟؟؟؟؟

ولاتظني يامن تكلمي شاب بالرسائل الخاصه او بالشات او بالماسنجر او بالجوال ان الوضع سوف يصل الى هذه الأمور بس .
لا والله .

الشيطان شاطر والله عز وجل قال ( ولاتتبعوا خطوات الشيطان ) والله عز وجل قال ( ولاتقربوا الزنا ) أي

أقطعي جميع السبل من البدايه لأن اليوم كلام بمنتدى بكرة رسائل خاصه بعده ماسنجر بعدين جوال بعدين مقابله بعدين فضيحه والشاب بيرفسك برجله

والله سألت من كانت له علاقه قلت له كيف بعد ان تقضي وطرك من البنت وش تسوي ؟؟؟ قال والله نفسى ارفسها برجلىىىى وربي هذا كلامه والله هو الشاهد .

ولاتظنين انك تعرفتي على شاب خارج مدينتك انك لن تنفضحي كما يفعل كثير من البنات .

الله ان اراد ان يفضح احد فضحه لو في عقر داره .!!

انا مرت علي قصه اقولها لكم للعبره:
جاء لأحد الشباب من حفر الباطن واللي مايعرف حفر الباطن هي بحدود الكويت والشخص القادم من حفر الباطن اخذ صاحبنا يوريه منازل البنات اللي يعرف ( وربي كثير ) و طلع يعرف زوجة عم صاحبنا رغم انه صاحبنا ساكن في الغربيه يعني المسافه بين المدينتين حوالي 1500 كيلو ..
ولكن الله عز وجل اراد ان يفضحها مع العلم ان الشاب القادم من حفر الباطن مستعد يسافر لأي مكان فقط لكي يحظى ينظرة ويحدثنا بلسانه انه سافر لقطر والامارات وكثير من مدن المملكه بس ليراها من بعيد..!

لكي تصدقوني اذا قلت لكم ان الشاب مستعد يسوي المستحيل بس عشان يكثر البنات اللي بحوزته ويفاخر واذا ملّ منك رماك كأتفه شيء عنده وانتي وش تعرفين عنه يامسكينه ؟؟؟؟

واذا مو خايفه من الفضيحه ولا تدمير مستقبلك و عادي ودك تكونين لعبه بأيادي الشلل ومكالمات اخر الليل وبيتكم معروف ( بيتكم معروف = اغلب الشباب اللي يعرف بنت في بيت معيّن على الاقل على الاقل اخبر عشره اشخاص ان في هذا البيت ........ ) واذا مو خايفه على ابوك او امك او اخوانك او اخواتك خافي من اللي خالقك لاتخسرين الدنيا والآخره .

و ارجوكم ارجوووكم ارحمونا من عبايات السهره واستتروا بالاسواق لأنك اذا فتنتي ولو بنظرة ممكن النظرة هذي تحفزه يسوي افعال انتي السبب .
يمكن مايرقمك ولايكلمك ولكن ينظر اليك وانتي تكوني سبب في تهييجه وجعله يعاكس غيرك او يفعل اي شيء وانت تكوني السبب؟
هل ترضين انك تكوني سبب في فساد مسلم .؟؟؟؟؟
اذا اجبتي بلا فالله يجزاك الجنه ويعوضك الفردوس الاعلى وأستتري من اليوم واللي صبرت عنه بالدنيا بتجدينه بالاخره ان شاء الله .

أخواتي

أخواتي
أنتن أغلى من الجوهر والله اذا حافظتي على نفسك

أما إذا أحتقرتيها وأرخصتيها فأنتي بلا قيمــه وأرخص من التراب وخصوصاً في عيون من يزينون لكِ هذه الأعمال لأنهم يريدون متعه مؤقته فقطـ فلاتكوني رخيصه وشتان مابين الثرى والثريـــا

أختي أنتي أغلى من بطاقة بل أغلى من كل الأموال أقســــــم بالله أن المرأة إذا صلحت فإن خلقاً كثيرا سوف يصلح خلفها ولو صلحوا جميع النساء لصلح المجتمع كله فلاتحتقري نفسكـ بارك الله فيك

ولو فسدت وجلبت لنفسها العار والذل فإن ورائها ناس كثير بتنزل روسهم واولهم اهلها ولكن يوم القيامه لن يحاسب على خطأها أحد هي وحدها سوف تقف بين يدي الله عز وجل وراح يسألها عن كل شيء سوته كل شيء عن العبايه المخصره وعباية الكتف واللثمه وعن الماسنجر وعن الخاص وعن كل المكالمات وبالنسبه للمكالمات لو قلتلك ان فيه واحد سجّل عليك مكالمه فإنك ماراح تنامين اياااااام وتبكين وتبلغين الهيئه والا يمكن تنتحرين مثل مايسوي بعضهم ولكن عندما نقول لكِ ان مايلفظ من قولٍ إلا لديه رقيب عتيد وأن كل شيء مسجل عند الله فإن ردك أقبح من ذنبك فلاتجعلي الله عز وجل اهون الناظرين اليك

أرجوا من قرأ موضوعي ورآه مفيداً أن ينقل إلى منتدى آخر لعل الله ان ينفع به فإنها والله من قلب صادق محب الخير لبنات الإسلام

أخوكم تائب لله

منقول (قرأته في إحدى المواقع )
__________________

جزاك الله خيرا على الموضوع المهم

كل الحب

اشكرك على مرورك واهتمامك

كل الود

لا حول ولا قوة الا بالله

لفتة جميلة منك لكل البنات وتنبيه مهم

جزاكي الله كل خير

سلمت الايادي

سلمكى الله وسلم بنات الاسلام جميعا

من براثن الرزيلة والمخادعين

اللهم امين

» فوائد قيمة قبل دخول شهررمضان المبارك
» من العجائب مفيش شروق
» أجمل قصص مصورة لأولادنا ومفيش مانع لينا احنا كمان
» احلام الشباب الزواج العرفى لا مانع ادخل وحدد موقفك
» قميص سبب في دخول 300شخص للاسلام