من هم فريق الحياة وما اهدافهم ؟

استغاثة من نهر النيل نهر الجنة الذى عبده الفراعنة واقاموا له الاحتفالات بالقاء عروس فى يوم عيده ماذا فعلنا نحن فيه اخى اختى هذه استغاثة قبل فوات الاوان استغاثة من النهر العظيم الذى اصبح مصدر للأمراض

نهر النيل مصدر الحياة.. نهر الحب والخير والرخاء.. شريانٌ يجرى في دماء المصريين.. يستغيث من وءد نقاءه وطهارته.. ينادى أبناءه.. ساعدونى طهروا مائى من النفايات.. إملأوا شطآنى بالاشجار.. لا تلقوا بالملوثات داخل مياهى.. فهل من مجيب.
نعم هنــــــــاك من يجيب
نحن فريق حيــــــــــــــــــــــــــــــــــــــــــــــــ ــاة
ليه إسمكم حيــــــــــــــــــاه؟
لان حياتنا في النيل و(وجعلنا من الماء كل شيء حي)
مين هو فريق حيـــــــــــــاه؟
هو فريق من اكاديميه اعداد وتطوير الذات مع الدكتوره هدي طاهر خبيرة التنمية البشريه
ايه هو هدفكــــــــــــــــــم؟
احنا شباب من اجل النيل
هدفنــــــا حماية النيل من جميع انواع التلوث وتنقية المحافظات واحدةً تلو الآخرى من اي تلوث فيها
( مخلفات بشرية او حيوانيه او انتاجيه - الحفاظ عليه من التلوث البييئى )
ايه هي امكانياتكــــــــــم؟
احنا عندنا إراده وحب للعمل التطوعي والجماعي وعايزين نعمل حاجه لبلدنا مصر وكمـــان
إستطعنـــا الإتفـــاق مع العديد من الجمعيــات داخل مصر ووفقوا على مساعدتنــا وتمويل مشروعنــا
طيب ليه اخترتم مشروع النيل مخصوص؟
عشان النيل هو هبة مصر وهو سر الحياه فيها ولازم نحافظ عليه
انتو متوقعين انكم تنجحـــــــــــــــــو؟
عندنا ثقه فربنا سبحانه وتعالي وفارادتنا وعزيمتنا باذن الله
انتو انجزتم حاجه دلوقتي من عمل الفريق؟
ايوه احنا شغالين في محافظة سوهاج بداية المحافظات في فريق حياه باذن الله وهنكمل مع باق المحافظات تدريجيا وربنا يقوينا
ايه المطلوب عشان تقدرو تستمرو؟
احنا محتاجين مساعدات يعني لازم نكون ايد واحده الجهات المسئوله(الحكومه+المصانع+الجمعيات الخيريه+الجمعيات الأهليه)تساعدنا فلنشر ومش بس كده تساعدنا فلمحافظه علي النيل بامدادنا بادوات ومعدات ماليه او حتي معنويه لاكمال المرحله الثانيه من المشروع
طيب إحنــــــا نقدر نساعدكم إزاى ؟
تقدروا تساعدونـــا بإنكم تصوروا لينـــا أكثر الآمـــاكن الملوثة من ميــاه نهر النيل فى محــافظاتكم , أو إنكم تدلونــا على جمعيـــات تقدر تســـاعدنـــا سواء كـــان بالتمويل أو الدعــاية أو بمســاعدتنــا فى إزالة مصــادر التلوث .بالإضــافة إلى دور كل واحد فيكم داخل محــافظته من نشر التوعيه بخطر التلوث بين المواطنيين وأيضــا عدم إلقــاء أى نفــايـــات أو قذورات
بداخل الترع أو القنوات أو حتى البحيرات الصغيره وأيضــا عدم السمــاح لأى شخص بإلقــاء النفايات فى ميــاه نهر النيل
إزاى نقدر نتواصل معـــــــــــــــــاكم
من خلال جروبنـــــــا ع الفيس بوك
https://www.facebook.com/group.php?gid=145211925489680

كم جرت مياهه غاضبة.. من لوث مياهى فمن أجاب.. من ألقى بالنفايات.. من دمر الأشجار.. فمن أجاب.. من خرب الشطآن.. من غاب عن الاصلاح.. من ترك الاحلام.. وساعد الاعداء.. فهل من مجيب.........
كم ساعدنا نهر النيل في عبور الحروب والازمات.. كم مرة ساعدنا وارهب الاعداء.. كم مرة ساعدنا وارشدنا الى طريق النجاة.. فمن يساعده الآن وينزع تلوث المياه.
كم بكى يطالبنا أنهضوا أبنائى ولا تلقوا الملوثات... امنعوا من يلقى بالنفايات.. انهضوا وتحرروا من قيد الاستسلام.. طهروا المياه.. نقوا نهر الرخاء.. والعطاء.. ازرعوا الاشجار.. هيا ابدأوا من الآن.. هيا ابدأوا وانزعوا عنى الاحزان.

موضوع غاية فى الاهمية

وتسلم ايادى هؤلاء الشباب وربنا معاهم ان شاء الله

ودى نماذج مشرفة للشباب المصرى الواعى بمشاكل بلده الساعى الى

ايجاد حلول يلا بينا نساعدهم قدر الامكان

جزاكى الله خيرا ام عبد الرحمن

فى الاعلان عنهم

» فريق الكشافة فى بيوتنا
» فريق الكشافة في بيوتنا !!!؟؟؟
» فريق الكشافة في بيوتنا............
» الحياة ..
» سوق الحياة