حازم امام اقالك الا القشره .انت هتقوول ايه

زائر

طبعا كلنا
عارفين الاعلان ده

وكانت الاجابه ايه

دماغى فيها حاجات كتير اوى

الكورة والبلاى ستيشن والفيديو جيم والبرامج الا القشره و.........

ونضيف ع القشره دى كمان كذا حاجه

منها طبعا القران وديننا للاسف كل الشباب دلوقتى مشغول بالبنات وازاى
يكلم دى ويحب فى دى وياللا نلعب كوره وياللا نروح البلاى ستيشن ده ان
هاقطعكم بس زى مادماغنا فيها الحاجات دى لازم يكون فيها اهتمام بديننا
وبالمسلمين

وادينا شايفين المسجد الاقصى بيروووووووووح من ايدينا واحنا واقفين

مش عارف مستنيين ايه

احنا عاملين زى مايكون فيه واحد قاعد فى بيته وجه ضيف عنده ورحب بيه
وشويه شويه الضيف جاب قرايبه وقعدوا وصاحب البيت مرحب وبعد كده الضيف طرد
صاحب البيت وقعد هو وقرايبه وصاحب البيت مرحب برضه بكده

انا عارف ان مش فى ايدينا حاجه وكل اللى فى ايدينا اننا ندعى ان ربنا
يسترها معانا والعرب يفوقوا من نومهم لاحسن نلاقى الضيوف جم عندنا وهانفضل
مرحبين

زى ما دماغك فيها بنات وبلاى ستيشن وكوره لازم يكون فيها نصره لدينك
وندعى ان ربنا ينصرنا على الجزم والقرود دول

ومحدش يقوللى تعالى نعمل مظاهرة لانها مش هاتفيدك بحاجه ومش بعيد تلاقى
نفسك محبوس بسبب اثارة الشغب

الحل فى ايد حكامنا هما فين وايه السكووووووووت ده وطبعا احنا عارفين
ايه اللى هايحصل هايقولوا انعقاد قمة عربيه طارئه وايه النتيجه؟

ياريت حد يقوللى

اصحوا للاقصى يروح اصحوا قبل فوات الاوان اصحوا قبل ما الضيوف يدخلوا
بيوتنا احنا كمان ويقعدوا فيها وبرضه هانرحب بيهم

غير الاقصى وفلسطين وبنقول لما نحل مشكاكل بلدنا
الاول

انتوا عندكوا حق

البلد خربانه ومحتاجه تتظبط من اول وجديد

وطبعا الحكومه سبب رئيسى فى البوظان ده

بس احنا سبب رئيسى برده

لاننا بقينا مهملين فى حياتنا وبنرمى المشاكل والاتهامات على بعض وبنهرب من
حلها

انا كل الى عايز اقولوه

ان مدام فى دماغنا كوره وبليستيشن ونت وبنات

نبص برده على الحاجات المهمه

مش هقولك روح حرر فلسطين ولا حارب امريكا واسرائيل

بس اهتم بحياتك وخلى فيها هدف

يفيدك اولا ويفيد الى حواليك ويفيد البلد

وصدقنى هتلاقى فى الاخر الحاجه ديه مهما كانت قليله بس ليها طعم

على الاقل هتحس انك عملت قيمه لنفسك

فى اخر كلامى هسألك سؤال واحد

ورد عليه

ونشوف كل واحد فينا جواه ايه

ياترى بقى انت كمان دماغك فيها ايه؟

يا ســــــــــــــــــلام

لما تلاقي انسان بيفكر في اللي انت بتفكرفيه

ويقول لك انا دماغي فيها كده

انت دماغك فيها ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقول لك دماغي فيها ايه

فيها اولا ان لازم اغير من نفسي اولا

اما ثانيا لازم انصر الله

.....................................

اما الأولي لازم ارفض الإستهانة والإستكانه واقول كفايه كده

عشان ما بقاش في العمر (أد)اللي فات

اما الثانيه شريعة اللي خلقني لازم احيها واطبقها قدر المستطاع

واحقق نصرة حقيقية في مجتمعي

ودا دوري ودورك ودورنا كلنا

(ان نتشبه بالصالحين ان لم نكن منهم)

................................................................
........................................
..................

اقولك انا ايه اللى فى تفكيرى

واللى فىقلبى وبتمناه

بجد نفسى اوى الناس تكون كالاتى وانا اولهم

** محدش يتدخل فيما لا يعنيه

** محدش يسىء الظن ابدا ولا يحكم دون دليل

** الكلمة الطيبة ثم الكلمة الطيبة ثم الكلمة الطيبة

البعد عن حسد غيرنا واستكثار النعم على الاخرين

عدم الاستخفاف بعقول وذكاء الاخرين

وعلينا ان نتأكد تمام التأكيد ان الاحساس رسول لا يكذب

فمن اسلوب كل انسان بتتضح بواطنه مهما اخفاها

التواضع فى التعامل اثناء السرور والغضب

مراعاة شعور كل من حولنا دون غطرسة وتشبث بالعزة بالاثم

ان تكسب حب وود صديق وتكسب احباب واهل وخلان

لابد ان تكون لين القلب جميل اللسان بشوش الوجه

واسع الصدر والعقل وتكون معطاء دون انتظار الأخذ

كل هذا اتمناه ودايما فى تفكيرى ليه الناس ما تكنش كدة او حتى تحاول تقترب من كدة

ومن غير قشرة يا مصطفى والحمد لله

كل الود

زائر

منورين الدنيا

اسعدنى المرور الطيب

ووجهة النظر الرائعه

» صرخات من تحت التراب....حازم شومان
» مناسبة رمضان سلسلة ( الطريق الي القرآن ) مع الدكتور/ حازم شومان
» ما شاء الله .. امام سوبر استار
» ضع علامه ( √ ) او (×) امام العبارات التاليه
» رفع علم فلسطين امام السفاره الاسرائيليه