قالولي بتحب مصر فقلت مش عارف

قالولي
بتحب مصر فقلت مش عارف

قالولي
بتحب مصر فقلت مش عارف

المعنى
كعبة وانا بوفد الحروف طايف

وألف
مغزل قصايد في الإدين لافف

قالولي
بتحب مصر فقلت مش عارف

أنا
لما اشوف مصر ع الصفحة بكون خايف

ما
يجيش في بالي هرم ما يجيش في بالي نيل

ما
يجيش في بالي غيطان خضرا وشمس أصيل

ولا
جزوع فلاحين لو يعدلوها تميل

حكم
الليالي ياخدهم في الحصاد محاصيل

بيلبسوهم
فراعنة ساعة التمثيل

وساعة
الجد فيه سخرة وإسماعيل

ما
يجيش في بالي عرابي ونظرته في الخيل

وسعد
باشا وفريد وبقية التماثيل

ولا
ام كلثوم في خمسانها ولا المنديل

الصبح
في التاكسي صوتها مبوظه التسجيل

ما
يجيش في بالي العبور وسفارة اسرائيل

ولا
الحضارة اللي واجعة دماغنا جيل ورا جيل

قالولي
بتحب مصر أخدني صمت طويل

وجت
في بالي ابتسامة وانتهت بعويل

قالولي
بتحب مصر فقلت مش عارف

لكني
عارف بإني إبن رضوى عاشور

أمي
اللي حملها ما ينحسب بشهور

الحب
في قلبها والحرب خيط مضفور

تصبر
على الشمس تبرد والنجوم تدفى

ولو
تسابق زمنها تسبقه ويحفى

تكتب
في كار الأمومة م الكتب ألفين

طفلة
تحمي الغزالة وتطعم العصفور

وتزنب
الدهر لو يغلط بنظرة عين

وبنظرة
أو طبطبة ترضى عليه فيدور

وأمي
حافظة شوارع مصر بالسنتي

تقول
لمصر يا حاجة ترد يابنتي

تقولها
احكي لي فتقول ابدأي إنتي

وأمي
حافظة السِيَر أصل السِيَر كارها

تكتب
بحبر الليالي تقوم تنوَّرها

وتقول
يا حاجة إذا ما فْرِحتي وحزِنتي

وفين
ما كنتي أسجل ما أرى للناس

تفضل
رسايل غرام للي يقدَّره

أمي
وأبويا التقوا والحرّ للحُرَّة

شاعر
من الضفة برغوثي وإسمه مريد

قالولها
ده أجنبي، ما يجوزش بالمرَّة

قالت
لهم ياالعبيد اللي ملوكها عبيد

من
إمتى كانت رام الله من بلاد برَّة

يا
ناس يا أهل البلد شارياه وشاريني

من
يعترض ع المحبة لما ربي يريد

كان
الجواب إن واحد سافر اسرائيل

وانا
أبويا قالوله يللا ع الترحيل

دلوقت
جه دوري لاجل بلادي تنفيني

وتشيب
أمي في عشرينها وعشريني

يا
أهل مصر قولولي بس كام مرة

ها
تعاقِبوها على حُبَّ الفلسطين

قالولي
بتحب مصر فقلت مش عارف

بحب
أقعد على القهوة بدون أشغال

شيشة
وزبادي ومناقشة في مآل الحال

وبصبصة
ع البنات اللي قوامهم عال

لكن
وشوشهم عماير هدها زلزال

بحب
لمعي وعب هادي ومحب جمال

أروح
لهم عربية خابطة في تروللي

كإنها
ورقِة مِسوِدَّة مرميَّة

جُوَّاها
متشخبطة ومتكرمشة هِيَّة

أو
شلِّةِ الصوف، أو عقدة حِسابِيَّة

سبعين
مهندس ولا يقدر على حَلِّي

فيجيبوا
كل مَفَكَّاتهم وصواميلهم

ويجربو
كل ألاعيبهم وتحاييلهم

حتى
ساعات يغلطوا ويجربوا فِيَّا

بس
الأكيد أنهم بيحاولوا في مشاكلي

وإنها
دايماً اهون من مشاكلهم

أحب
اقعد على القهوة مع القاعدين

وابص
في وشوش بشر مش مخلوقين من طين

واحد
كإنه تحتمس، يشرب القرفة

والتاني
غلبان يلف اللقمة في الجرانين

والتالتة
من بَلَكُونِتها تنادي الواد

والواد
بيلعب وغالبهم ثلاثة اتنين

أتوبيس
كإنه كوساية محشي بني آدمين

أقول
بحكم القاموس، إن الهواء جماد

واشم
ريحة شياط، بس اللي شايفه رماد

عكازة
الشيخ منين نابت عليها زناد

يسند
على الناس ويعرج من شمال ليمين

والراديو
جايب خبر م القدس أو بغداد

قالولي
بتحب مصر فقلت مش عارف

لا
جيتها سايح ولا ني أعمى مش شايف

ريحة
البخور في الغورية وألف حبل غسيل

وأيقونات
تبكي لما تسمع التراتيل

كإن
فيه حد يسقي كل لون فيها

تطرح
سماحة على مر السنين وجمال

بيت
السحيمي صدى للشاعر للقوال

خناقة
فيها الزناتي يواجه ابن هلال

وان
حلوة مرت وبانو شعرتين م الشال

الجوز
يكونوا حجج للوصف في عنيها

نشكر الاقدار التى جمعت بين أم البرغوثى وأبوه

حتى تمر السنين ويأتنينا بكلمات مضفرة حب وأنين

والجميل فى الحكاية اننا قرينا الرواية على ايد

(همسة فلسطيـــــــــــــــن )

سلمت اختياراتك

اختيار جميل
ودا من وجهه نظرى
وصف واحد بيحب مصر
شكرااا

ربنا يخلي مصر ام الدنيا والله
واحلا ناس

نورتو صفحتي يا غوالي

والله برافو عليكى يا همس كلامك جامد اوى

كل دة ومنتش عارفة دة انتى بتموتى فمصر

تسلمى يا حببتى

همسة فلسطين

.............................

حمامة سلام ترفرف علينا بمليون جناح

لايهمها من جار عليها

لأنه يكفيها حريتها المرتبطة بالله

وعشقها لتحرير الآخرين

...................................

عشتي عشتي فخرا لنساء المسلمين

يا بنت فلسطين

عبد العظيم شريف كتب:: همسة فلسطين

.............................

حمامة سلام ترفرف علينا بمليون جناح

لايهمها من جار عليها

لأنه يكفيها حريتها المرتبطة بالله

وعشقها لتحرير الآخرين

...................................

عشتي عشتي فخرا لنساء المسلمين

يا بنت فلسطين

ربنا يخليك

شكرا على الاطراء الجميل
والله حسيت اني وسط اهلي

وربنا يعزك ويسعدك

تسلم وتسلم مصر واهلها

وانا اسمي سلام على سيرة حمام السلام هههههه

اجت هيك بالصدفة

لقاء قريب كتب:: والله برافو عليكى يا همس كلامك جامد اوى

كل دة ومنتش عارفة دة انتى بتموتى فمصر

تسلمى يا حببتى

انت الجامدة ومنورة دنيتي بوجودك

تسلمي يا قمر

» قالولى بتحب مصر قولت مش عارف
» رأيت فقيرا يبكى فقلت ... ما الخبر
» لو بتحب
» بتحب المنتدى ؟
» بتحب ربنا ولا تخاف منه !!؟؟