زجل لواحد اتولد مظلوم و عاش محروم

عايش حياتى كلها يا ناس مظلوم

من كل شئ عايزه ياناس انا محروم
و مستنى بقى تتعدل باين انا موهوم
عايش فى جو كله سموم فى سموم
عايش مع ناس فاكرين انى مت و بقت خلاص مرحوم
كل الى بيشوفنى يطالبى بالمعلوم
حتى مراتى بتقولى عيشتنا دى كده استحاله تدوم
شفلك بقى حل يا تسيبنا و تقوم
اعمل ايه و النبى و انا فى الحياه مفروم
باشتغل صبح ومسا و ساكت ومكتوم
بدور يوماتى فى ساقيه و عيشتى كلها هموم
لا عايز اكون غنى ولا امسك النجوم
انا عايز يدوب لقمتى و مش مهم هدوم
انام عريان وكمان معدتى تصوم
و كل شئ غلى حتى البصل و التوم
عملت ايه فى دنيتى ده اللى مش مفهوم
ما تعيطيش يا نفسى و كفايه بقى لوم
و استحملى بقى شويه لحد القيامه ما تقوم
وعجبى على واحد اتولد مظلوم وعاش و هيموت محروم

[i][b]انا ايه اللى جابنى هنا

مين يا جماعة طفى النوووووور

وظلم الدنيا اكتر ما هى مظلمة

لكن الجميل ان نورك ونور اختيارتك أشرق على المنتدى اضاء اركانه

يا محمود

كل التقدير

» هل انت محروم ؟؟؟ ام من الذين حيزت لهم الدنيا ومافيها ؟؟؟؟؟؟؟؟؟؟؟
» رساله من مصرى لواحد صاحبه انجليزى بالترجمه
» مظلوم يا ...........حمار
» قصة إهداء لكل مظلوم :
» دعاء ( مظلوم)