مشكلة المواصلات

اعتقد انها مشكلة نعانى منها منذ زمن طويل وذلك لعدم وجود مواصلات عامة تربط القرية بالمدن او القرى المحيطة فمثلا اذا فكرت فى الذهاب الى منشاة سلطان سوف تعانى لانك سوف تاخذ الطريق على مرتين احداهما الى العراقية والاخرى الى المنشية وهذه مشكلة كبيرة قد تكون سبب فى عزوف الكثير عن التعليم الثانوى او عدم حصول الكثير منهم على مجموع فى الثانوية العامة لوقتهم الضائع الكثير فى الذهاب والاياب ثم العودة اذا كان ياخذ درس خصوصى وهكذا
ايضا اذا كنت عائد من القاهرة مثلا ممكن تقف فى العراقية وقت طويل جدا رغم انها مسافة اربعة كيلو متر فقط فيضيع الوقت هباء منثورا
وايضا عند السفر صباحا ممكن تخرج من الفجر ووتطلع عليك الشمس وانت لاتجد مواصلات ذلك لان وسائل المواصلات فى القرية يحكمها الاهواء الشخصية لاصحاب السيارات الخاصة والسائقين اصحاب المزاج العالى
ممكن الكل يقول الان ده شىء كلنا عرفينة وانت لم تاتى بجديد فهل هناك حل
اعتقد ان الحل داخل كل طموح
ممكن يتبنى المشكلة شباب زى الفل ويرفعوا ذلك الى نواب الدائرة مع صبر ومثابرة والحاح ومتابعة
ممكن مشاريع خاصة يشترك فيها شباب جالس كل يوم على القهوة وبدل خطوط التوك توك داخلى تتحرك شوية ونعمل رخص ونتحرك الى العراقية وهناك نلاقى فرص اوسع للرزق
ممكن شباب يشتركو فى سيارات للقاهرة مباشر والسفر للناس بقى كل يوم ومفيش خسارة ابدا مع سعى
ممكن حد اخر يطرح افكار وحلول تانية
يلا نحل مشكلنا بايدينا
مشكلة المواصلات وعلاجها هام جدا لينا كلنا
مش كده ولا ايه
لعل وعسى تتحرك افكار وتتشمر سواعد كلها غيرة على بلدنا
منورين يا شباب
عبدالله شعبان
يرسل لكم التحية والدعاء

والله مشكله فعلا يمكن علشان انا ازهرى مش بعانى منها الثانوى فى البلد
والكليه فى شبين
والموصلات معايا كويسه
ومعرفش منوف اوى شكل القاهره
بس لما بفكر اروح منوف اتعقد بجد وبكبر دماغى
موضوعك هايل ومشكله
لازم نبحث ليها عن حل
طرحك للموضوع شيق
والاروع الحلول الى اظنها مناسبه للموضوع
تقبل مرورى استاذى الفاضل
تلميذك
مصطفى الفقى
[b]

وانا مستعد للوقوف بجوارهم ورفع صوتهم للمسؤولين وحل هذه المشكله مع نواب مجلس الشعب والشوري الذي اعرفهم جيدا ولي علاقات خاصه معهم

وعلي فكره لو رجعتم وبحثتم عن سبب ردم وتغطيه المشروع الصغير انا كان فيه ناس تقدموا بطلب ومنهم الحاج احمد غالي والحاج ربيع غانم والحاج زغلول زيدان وانا رفعت الطلب للمهندس احمد عز وتابعت الموضوع حتي اتيت بالموافقه وصوره من الموافقه موجوده مع الحاج احمد غالي

ايه الافكار الجميله دي يابو طارق جميل جداااااااااااااا
بورك فيك يا كابتن
بس اوعي حد يسرق منك الاختراع

والله مش عارف يابو طارق انا خايف عليك طول عمرك مستهدف مش عارف ليه خلي بالك من نفسك ومن الاختراع الحق سجله

[b]
والله ياسامه انا فكرت فى الموضوع دا
كتير اوى
بس الحل من اين
يارب بس يتسمع صوتنا

محلات ايه يا ابو طارق انا مش معاك
كل واحد عامل فى بيته محل واثنان
فيه حلول تانية
وبدل الحلاوة نشوف جبنة

الشيخ احمد يعرف مسئولين
طب يعمل مشروع سرفيس بدل التوك توك
وعربية زبالة بدل الاكوام المتلتلة
دنا اعرف شباب صدرو الزبالة للصين وتجبهلنة جواكت نلبسها
ايه رأى شيخنا

اقولك ست شهور ليه
اعمل استفتاء وانت تعرف الاجابة

احنا لازم نقدم طلباتنا للمسؤلين علشان تتحل المشكلة

هههههههههه انهى مسئولين؟!!!


لا حول ولا قوه الا بالله


مش قادر اصدقك ههههههههههههههههههههه

كلام جميل جدا
مشكورين جميعا

يا باشا التوك توك حل المشكلة


واخونا احمد عز بيركب الناس ببلاش انت مبتنزلشى

ولا ايه


حرية راى

الى الشيطان
استحلفك بالله منتدى بينادى بحل مشكلة زى دى وانت اول واحد بتعانى منها حتى لو رايح تلعب كورة فى شبرباص مثلا
يستاهل منك انك تحارب وتهد
مش يمكن فى يوم من الايام حد يسمع شكوانا ويساعدنا فى حلها
يارب افكارنا تعجب الشيطان