اهبل وعبيط

موضوع: اهبل وعبيط 2010-03-26, 04:08

أهبل وعبيط

طلعت من صغرى بحب الرسم والشخابيط

وقلت بكرة أبقى محاسب وليا فيها سمعة وسيط

لا حبيت أتعلم صانعة ولا حتى أزرع زرعة فـ غيط

وشعاري فيها كان دايما..أمشى جنب .. أو جوه الحيط

لا أهادن ولا انافق حد ......... إن اتشلت حتى أو اتحطيت

لا عملت ضهر ولا سند ليا ولا رضيت يكون لى فيها وسيط

لكن ياخسارة لاقيتها مش ماشية .. غير بالجرى والتنطيط

ومشى ياعم حالك وادفع... وأبج .... ولكل واحد بحر غويط

واعمل قيمة للى ما يسوى.... ولو دورت تلاقى أصله لقيط

واللى يقولك ماشى أمورك .. وربى ياعم عيالك القطاقيط

مينفعش معاها المتعلم ...بس ... ولا اللى عامل فيها أليط

ولا حتى الطيب ولا الغلبان و لا اللى صوته ماللى الدنيا سويط

ما يعشها غير اللى فاهمها كويس .. وبيمشى حاله بالتظبيط

دى حقيقة ... واللى يقول غير كده .. يبقى واحد أهبل وعبيط

موضوع: رد: اهبل وعبيط 2010-03-26, 06:22

تسلم اختياراتك يا مصطفى

لك كل الود

موضوع: رد: اهبل وعبيط 2010-03-28, 09:27

لكن ياخسارة لاقيتها مش ماشية .. غير بالجرى والتنطيط

عندك حق .. ولكن

تقبل احترامى

موضوع: رد: اهبل وعبيط 2010-03-28, 14:17

منوره صفا

بسعد ديما بمرورك

الرائعه دئما عطالله
والله وحشتنى
يارب متغبش عننا تانى

موضوع: رد: اهبل وعبيط 2010-03-28, 14:33

با حبيبى انت اللى واحشنى جدا جدا .. وانا من بدرى مستنيك

تقبل احترامى

موضوع: رد: اهبل وعبيط 2010-03-28, 14:37

ربنا يخليك ياريس بس النت كان فاصل
كنت داخل من الموبايل فشوفتك موجود اتصلت
علشان يجى علشان بجد انت منور الدنيا

موضوع: رد: اهبل وعبيط 2010-03-28, 14:43

والله يا ريس انت بتحرجنى بذوقك ده ... بجد غلبتنى .. ويا بخت من بات مغلوب ولا باتش غالب

نقبل احترامى

» الحب أعمى وأهبل وعبيط وبيعمل دماغ كمان