قول بقى........انت لسه زعلان!!!!!

موضوع: قول بقى........انت لسه زعلان!!!!! 2010-03-15, 12:40

[center]وبعدين الحزن ورانا ورانا هايسبنا يعنى ويروح فين

(دى كلمه كل واحد بيمر بالحزن او يحصل حاجه تعاند رغبته )

وبينسى الفرح اللى عاشه فى يوم من الايام ويقولك(انا اصلا كل حياتى غم فى غم)

لا اله الا الله ............

طيب اذكر الله كده وحاول تفتكر اى حاجه حلوه حصلتلك ............(هتلاقى كتيييييييييييييييييير واكتر من الحزن كمان)

الله طب ليه زعلان بقى ..........؟؟؟؟؟

اصل الحزن وحش قوى ..........

طب مانا عارف انه وحش قوى بس لازم منه (دا بهارات الحياه)

بس
هى دى طبيعه الانسان البتر والتمرد وعايز الحياه كلها تبقى ابيض بس
.............وينسى انها حلاوتها انها كروهات لان الحياه ابيض واسود
والوان ..................(دا مش اعلان برسيل على فكره)

ليه مانتقبلش الحزن ذى مابنتقبل الفرح بسعه صدر؟

لان طبعا هاتقولى هو الفرح زى الحزن ................

اكيد انا معاك وانه لا بالطبع .............

الله طب بتعاند ليه معايا وعامله فيها فليسوف وانك فاهم الحياه

هاقولك عشان فعلا عمرنا ماهنحس بالفرح الا لو كان فى حزن .............يبقى الحزن هو السبب اللى بيحسسنا بالسعاده .....

يعنى ايه المفروض نتقبله ونفرح بيه كمان؟

ليه مفيش عندك احساس

الله انت جننتينى معاك اعمل ايه يعنى ؟

لا انت فهمتنى غلط ....

.انا
قصدى بلاش تذمر على الحياه ونوصفها دايما انها ظالمه وبتيجى عليك كتير
وانك ماشفتش فيها يوم عدل وانها على طول بتديك على دماغك .....(مش عايزه اقول على قفاك .............بنقى الفاظى اهو)..............

طب انت يعنى الوحيد فى العالم اللى بيشوف الحزن؟

لا طبعا

طب بتشوف مصايب الناس ؟

هو انا فاضى مش كفايه مصايبى

طب ماجايز هما فى هم اكتر منك ؟

لا انا عارف انا المنحوس الوحيد فى العالم

طب ابقى جرب كده وشوف الناس (مابتقراءش صفحات الحوادث ولا ايه )

الله هو انا فاضى

سمعت المثل اللى بيقول .......(من شاف بلاوى الناس تهون عليه بلوته )

لا والله مقاطع الامثال من فتره .....

طب انا قولتك اهو

هو انت يعنى اما ربنا يبتليك يبقى مش بيحبك ؟

لا طبعا انت غلطان ..............

.دا اثبات لحبك ...................

وانه دايما فاكرك ............

وانه عايز يخلص منك فى الدنيا ..........والمرض والابتلاء بينقص من الزنوب (مش بيقولك المرض والصدقه بتنزل الذنوب)

.عشان يكتبلك الخير فى الاخره

وتطلع من الدنيا نضيف (عمرك فكرت فى كده).........

اكيد كلنا عارفين كده

(طب ليه حزين وزعلان ومبوز على طول فكها بقى شويه ربنا يفتحها عليك )

يعنى اما افكها واتقبل الحزن هايهون ؟

اه هايهون ...........بس خلى ذكر الحمد كتير على لسانك .........وفك انت بس الميه وتمانين اللى انت راسمها على وشك دى .......

وصلى ع النبى فى قلبك

....وقولنا بلاش تذمر

واوعى تقولى اشمعنا انا

لان المؤمن مصاب

سامعك بتقول وليه ربنا يبتلينا .....طالما احنا بنصلى ونصوم .ومش بنعمل حاجه غلط ..؟؟؟؟؟؟

هاقول واعيد تانى ..............(مانا فاضيالكوا).............

الابتلاء اولا للمسلمين عشان ايه بقى ............

طقطع ودانك واسمع معايا................

اولا المؤمن مصاب

وبعدين زى ماقولنا فوق ربنا بيخلص منك فى الدنيا ..........

وبعدين مع كل اه بتقولها بتاخد اجر ..................

وكمان دا اختبار من ربنا بيختبر بيه قوه صبرك وايمانك (يعنى ماتقولش انا مؤمن ع الفاضى )

طب تعرفوا ان كل الامراض اللى بتحصل فى البلاد الاجنبيه دى غضب من ربنا عليهم

بس احنا بيبقى ابتلاء واختبار ....وان ربنا يدينا فرصه تانيه نتصالح مع نفسنا ومعاه ...........وكمان بناخد حسنات كتير

زى مرض الطاعون ايام النبى كان ابتلاء للمسلمين وغضب على الكفار واللى يموت منه من المسلمين بيموت شهيد .....

المهم خلونا نرجع للموضوع اصل شكلنا طلعنا منه .............مش عارف ايه اللى جابنا هنا

واه وعايز اقولك حاجه ......سيب الدنيا فى حالها بقى ........مش كل مايحصلك حاجه تقول الدنيا مصتقصدانى وحطانى فى دماغها .......

جربت الحزن ؟

ياااااااااااه دا كتيييييييير متعدش

جربت الفرح ؟

اكيد على طول

طب بذمتك زعلان ليه بقى (دا انت خنقتنى)

طب والمطلوب منى

ولا عايزنى افرح ولا عايزانى احزن ....اعمل ايه ؟

قول الحمد لله

قول بقى انت لسه زعلان ؟

[/center]

» انا زعلان منك يا صفا
» القلب الطيب زعلان!!!
» زعلان من ايفل فورس4