ازاى تعكنن على واحد نايم؟؟؟؟

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النداله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

وصدقني ممكن يقتلك فيها

أولا : اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا زفت انت ) .

طبعا إحنا اتفقنا إنك بارد عشان كدا

متديلوش أي إهتمام و تذكر القانون الثالث لنيوتن في التنفيض

" لكل فعل تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

ثانيا : اكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة

طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدقدقه وتحريك
السرير ولكن إنتبه ممكن يصحى من النوم فيجدك تحت السرير

او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح إنجليزي

.. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أجرى بأقصي سرعة
ومتنساش المثل اللى بيقول
الجرى نص المجدعة
دلوقتى بئا يا حبيبى هو المجدعة كلها

ثالثا : اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل التكيف واطلع ومتنساش

تقفل البيبان والشبابيك كويس اوى.

واذا كانت في دفايه بالغرفه , ياعيني شغلها بقي علي أسخن حاجة وسيبه
واطلع بره كأنك لا تعرف عن الأمر شيء .

لسه ما قامش ؟؟

إوعي تيأس

رابعا :
لو كان لسه ماقامش !!!

ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

و يا سلام لو كانت بتاعت أغاني هابطة من نوعية

( حبيبي فوق حبيبي تحت حبيبي رايح حبيبي جاي )

وعلي الصوووت على الآخر و امشي إنت كمل فرجة على التليفزيون .

خامسا :
اذا كان لسه نايم وانت شبعااان نوووم بس عايز تتونس

جيب ماية ساقعة وقرب من النايم ونقط على وشه نقطة نقطة هايترعش
ويمسح وشه فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم
ما تمشيش برده
سادسا :
خذ منديل ولفه لحد ما يبقي على شكل عود كبريت كدا... الغرض ان يكون نهاية
طرفه حاد ..

وبس بقى .. أخينا رأسه أصبحت ملعب وأنت الهداف

ممكن تحطها في ودنه ( الحركة دي مستفزة جدا ومجربة ) .

ممكن تحطها في بؤه

ممكن تحطها في منخيره

ممكن تمشيها على وشه

انت و ضميرك بئا

لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم

واذا مانجحتش كل الطرق اللي فوق... تأكد انه مش آدمي . . خليه نايم

نصيحة لاسامة جعفر
اوعى تفوت الفرصة
عليك بكدا كل يوم
صباحا ومساء
وسوف ارسل كارت دعوة لجميع سكان دبركى فى الحدائق لتصوير المشهد الاول
سكووووووووووووووووووووووووووت
هنرخم هنرخم

يا استاذ عبد الله انا صابر عليه علشان ابو حسام
وبعدين والده موصينى عليه

وبعدين احنا ولاد بلد واحده وما ينفعشى نفرج الناس علينا

بس اللى هاقدر اوعدك بيه اننى ممكن اخليه يزور عنبر العظام بمستشفى منشية البكرى

طبعا هتسئل ليه مش مستشفى قريبه عن كده

لأنهم مش هيقبلوا الحالة فيحولونا على مستشفى فيها امكانيات اكبر

وانا من مكانى هذا بشهدكوا جميعا على اللى هيحصل فيه

كان معكم ابو طارق من حدائق القبة القاهرة
قطاع الاخبار لمنتدى دبركى

ممكن نجيب ورقه ونولعها بين صوابع رجليه

الف شكر للاسامة وكل المشاركات

والبادى اظلم

وابقى قابلنى وقول لوالدى مش مواصيك عليه

حااااااااااااااااااااااااااااااصر اتق شر الناءم

حرام عليك يا شريف سيبه ينام

ما تبس يا عم شريف

خلاص يا اسامه حقك علي
لو عملها اول مره عديها له
عشان خاطري

اعملها ياشريف

حاضر

وانا الابن المطيع

سانفذ كلام عمى

وتقبل الامر بهدوء مستر اسامة

اذا فهى الحرب

نأخذ من كل رجل قبيله
ثم

نغير عليه

ونتقابل فى قسم الجروح بمستشفى منشية البكرى

يارتنى ساكن معاك والله كنت كملت باقى الطرق عملى

تقبل مرورى حبيبى يا بش مهندس

بدووووووووون زعل

اوعى يا اسامة تكون معرفتش تعمل حاجة

اصلى بشوفه على المكتب كل يوم سليم

ولا تصدق مضايق بقاله فترة والغريب بدون سبب

ربنا يعينكم ولو عايزين اى مساعدة فى من طرق الغلاسة والرخامة موافق بس انا مش رخم والله
بحب اشارك بس

» ردا على موضوع ازاى تعكنن على زوجتك
» 10 طرق عشان تعكنن على مراتك!!!!
» ازاى تعامل خطيبتك
» اعمل نفسك نايم .... اعمل نفسك نايم
» تعالو كل واحد يختار جمله ويقولها للي جرحه هي جمله واحد بلاش افتري