انتخابات الاعادة بين الفكر الثورى والفكر الوطنى المنحل

كما تكونوا يولى عليكم اخى الحبيب

كلمه اردت ان اذكرك بها لاننا بين اختارين يظهر فيه الناس مدى قابليتهم لتغيير

لن يحتاج الامر الى الاختيار الطويل بل كل منهم اختار لنفسه رئيسا ودح فيه


كما تكونوا يولى عليكم
ارجو من الله ان يظل المصريين يختاروا رئيسهم
بدون ضغط من احد عليهم لا هذا او ذاك وهذا ماراه قريبا

ربما ياتى فى هذه الانتخابات ولكن فى انتخابات اخرى ان شاء الله
المصريينصنعوا حضاره من قبل وسوف يصنعونها ثانيه ان شاء الله




[b]

وصلت رسا لتك

ادليت بصوتى امس فى الانتخابات الحمد لله وقد انتخبت دكتور محمد مرسى

وانا واقف فى الصف سالنى واحد ليه مش عايز تنتخب شفيق قلتله اسمه الفريق شفيق

قالى مش مشكله الفريق شفيق قلتله لا لازم تقول لقبه لان النبى صلى الله عليه وسلم وصانا بقوله ((( انزلوا الناس منازلهم )))
فقالى تصدق انا عرفت الفرق بينكم كاسلاميين وبين ولالالاد ال..... اللى قالوالى انتخب شفيق
انكم بتحترموا حتى الناس اللى مش معاكم غيرولالالالاد طبعا لازم نتحفظ على الالقاب اى الالفاظ الجارحة
فقالى طب ليه دكتور مرسى فضلته على الفريق شفيق برغم انك مبتحبش الاخوان
قولتله فعلا لا اميل الى فكر الاخوان السياسى
لكن صلى على النبى
هجيبلك اخر حاجة قالها الاخوان واخر حاجة قالها الفريق شفيق
الفريق المحترم قال ان الاخوان هما اللى قتلوا الثوار فى معركة الجمل
رد الاخوان وقالوا هات دليل وقدمنا للمحاكمة
انما لما الاخوان قدموا دلائل على تورطه فى معركة الجمل وطلبوا شهادته
الفريق المحترم رفض زهابه فى الحال لادلائه بشهادته فيمن قتل الثوار وطلب تاجيلها لبعد الانتخابات ليه؟؟؟
لان اللى على راسه بطحة بيحس بيها
حاجة تانية ومش هطول عليك
لما الناس كلها شافت الثوار او اخواننا فى الوطن مسلمين او ملة اخرى
اتقتلوا فى الميادين
وطلع المتهمين كلهم براءة
وطلع الفريق شفيق يقول انا بحترم القضاء
وطلع الدكتور مرسى قال من قتل الثوار بعد هذه البراءاة
وان نجحت ساعيد محاكمات هؤلاء ثوريا واحترم القضاء ايضا
اذن ما العمل ؟؟؟
هل اترك دم هؤلاء الناس يضيع هباء منثورا
ام اقف بشرف بجوار دكتور مرسى واتنازل له لاجرب سياسة الاخوان التى لم يعرفها احد الا عن طريق خصومهم السياسيين من الحزب الوطنى فكونوا عندنا ثقافة كره الجماعه من اجل الكره لا الاختلاف البناء
واختم مستغفرا ربى جل وعلا واعلنها لك صديقى العزيز سانتخب دكتور مرسى
لاحترم القضاء واطبق قانون العزل السياسىى على من افسدوا البلد


والان انتخبت دكتور مرسى وطبقت قانون العزل بيدى