اعتـرافــات شـاب .... ( الكلام موجه للبنات )

كنت
قد توقفت أمام أحد المقاهي وذلك لشعوري بالعطش في احد الشوارع وعندما دخلت
المقهى فوجئت بإحد الشباب فيه الكثير من الوسامة تبدو عليه الأناقة
المفرطة يعطي رقم هاتفه إلى فتاة بدون أي إعتبار لأحد من الموجودين قائلا
لها بصوت عالي على الساعه التاسعة ونص فاتجهت نحو طاولته وسألته ممكن أجلس
معاك لو سمحت ؟

فقال .. يا أخي إسمع لو عايز تعطي نصايح فالجواب ... لا
وإذا عايز تدردش وتتعرف اهلا بيك

ضحكت من إجابته التي تدل على الملل الشديد ولكن قلت مفيش نصايح ولكن مجرد كلام ومعرفه ومنكم نستفيد
فقال إتفضل
قلت هو فقط سؤال بسيط ليه يعني كتابة ارقام وشغل و حركات فين الإنترنت والبلوتوث يعني انت مش ماشي على الموضه...!؟؟
فقال يا عزيزي كلنا ثعالب... و كل ثعلب له طريقه وله هدف
فقلت أنا لي هدف ولكني لست ثعلب فأنا أصل لهدفي مباشرة فقال لابد أن تقوم بإي حركه أو مناورة حتى تصل لهدفك
فقلت طيب يا ثعلب ما تخافشي إن هذه البنت المسكينه تكتشف إنك ثعلب وساعتها تديلك على دماغك
فقال مش مهم الاقي غيرها الفاضيات كثير.. وغير كده.. مستحيل تكشفني
" لاحظوا الغرور فيه"
فقلت وليه يا أخي مستحيل تكشفك إذا دخلت قصة حب بتقولك تعال أخطبني قولي ايه ردك وقتهاا ؟
فضحك ضحكة عاليه وقال باين عليك غشيم طبعا لازم قصة حب هل تتوقع أقول
ألو... لو سمحتي ممكن أتسلى بشرفك شويه رفع ضغطي ولكن مسكت أعصابي
وقلت ما رديتشي علي وايه عذرك لو قالت تعال أخطبني
ضحك مرة أخرى وقال .. أول عذر وأشهرهم عذر( أكمل ) فقلت تكمل إيه فقال
أكمل أي حاجه ... أكمل المدرسة ..أكمل الجامعه ..أكمل المعهد ..لسه ما
توظفتش ..أكمل الشقه المهر المهم أكمل أي شي ناقص

فقلت إفرض يا ذكي قالت تعال أخطبني وكمل على مهلك هتتصرف ازاي ..
قول فقال مش قلت لك إنك غشيم (..أهلي...أهلي)

فقلت سلامة أهلك
فقال لا .. أهلي مش موافقين قبل ما أكمل فقلت والله عذر معقول ..

لكن إفرض قالت لك أهلك وليه أهلك إنت طفل انت يا اما راجل او مش راجل تعال أخطبني لو راجل..

قوللي لو إنت حريف هتهرب ازاي من هذه فقال أولا.. مفيش بنت تقول كده ولو قالت بسيطه أقولها .. السكر

فقلت ماله السكر فقال لي: أقول .. أمي عندها السكر ما أقدرشي أزعلها
أو أبويا عنده القلب والكلام الفاضي كثير.. يا عمي إنت ما بتشوفش تمثليات

فقلت لا والله مش متابع لكن في أعذار غير عذر أكمل

فقال ياعم الأعذاركثير بس أنا اْديلك أشهرها خذ مثلا .. إذا إنت ولد مدلع
تقول لازم نتعرف على بعض أكثر مش معقول نتزوج على طول لازم نحب بعض

فقلت الله يخرب بيتك هذا معناه كلام بالتلفون ومقابلات و.. و .. و
فقال طبعا .. ايوه امال انا مديلها الرقم ليه ؟؟ قلت طيب اعذار تانيه نعرف بعض فيه غيره
فقال يا أخي أنا قاموس أعذار وحجج خذ عندك مثلا اقولها عمي
فقلت يا أخي ده انت زهقتني قول كله علي بعضه .. مره أكمل وبعدين سكر وشويه أهلي ودلوقتي عمي وبعد شويه الخدامه
ضحك وقال يعني أنا خاطبين لي بنت عمي ثم تنهد وقال بصوت رومانسي يحمل
الأسى والحزن إنتي عارفه عاداتنا في الزواج يا منال .. اديني فرصة وأنا
حتصرف

فقلت لاحول ولا قوة إلا بالله

ثم سألته طيب يا أخي ليه تتنقل من واحده لواحده وليه بنت واحده ما تكفي ؟

فقال يا أخي خلاص ما يبقاش لها طعم والجديد دائما له طعمه طيب عمرك شفت
وحده تشتري فستان ولو غالي وما تلبسشي غيره يا أخي اذا زي المدرسه إلي هو
الزي الرسمي بتاع البنات تلاقي عندها واحد ثاني شوف بقي بنت جديده وكلام
جديد ومواعيد جديده

فقلت طيب فين الحب الأول والكلام الكبير إلي يقولوا عليه

فقال وقد غير من جلسته: شوف ... اول فتاه لها سحر خاص وأول مكالمه وأول
جواب لكن أعطيك مثال شفت الصياد إللي يصيد سمك تلاقى أول سمكه صادها فرحان
بيها وتلقاه حاططها قدامه طوال الرحله لكن أول ما يوصل هو بنفسه يحطها في
النار وهو أول واحد يأكل منها والبنات زي كده الشباب يدوروا علي الحب ومع
أول بنت أو شاب يقولوا هو هذا الحب لحد ما العلاقة تبرد ويدوروا علي حب
ثاني وثالث ..

وهكذا فقلت يعني إنت تعترف إن مفيش حب بين الشاب والفتاه

فقال أيوا .. حتى في القرآن الله عز وجل يقول (( وجعلنا بينهم مودة ورحمه )) شايف مودة ورحمه مش حب ومقابلات

فقلت كلام منطقي ومعقول لكن ليه كل الشباب بدون إستثناء يحبوا يتكلموا عن
البنات إلي يعرفوهم قدام بعض .. يعني يفضحوا نفسهم ويفضحوا معاهم البنات
فقال دي مش فضايح .. يعني إنت لو إشتريت سياره جديده توريها لإصحابك وإلي
يبني عماره يوريها لإصحابه وإلي يفوز بمسابقه يعلق الميداليه فرحان بيها
وإلي في سننا مالوش غير البنات يعني ولد صياد بنات لسانه حلو ووسيم ويوقع
الطير زي ما يقولوا

فقلت لكن الواحد يفتخر بشي يملكه كيف تفتخر بإنسانه ما تملكها

فقال لا يا حبيبي أنا أملكها ونص .. يعني أمها وأبوها يقولوا لها لا تكلمي
أحد وتكلمني ويقولوا لا تخرجي مع أحد وتخرج معاي وأقدر أكلمها أي وقت
وأشوفها أي وقت يبقى أملكها ونص يا أخي إذا كان ربنا يقولها لاتختلي بغريب
وبتقابلني يعني عصت ربها عشاني ازاي تقول ما أملكها ؟

رفع ضغطي بقوه لكن كلامه صح

ف قلت طيب إذا كنت بتقابلها أي وقت وتشوفها أي وقت ليه تطلبوا صور وبعضكم يسجل عليهم وبعضكم يصور فيديو والعياذ بالله

فقال هذه يا حبيبي ضمان وإثبات محبه يعني لو كانت تحبك بتعطيك صوره وإذا
تحبك أكثر انا اللي اصورها زي ما انا عايز والمبتدئين يسجلوا بالتلفون
المهم الإقناع

فقلت أي إقناع هذه أعراض وشرف وفضايح ازاي تقنعها

فتبسم إبتسامة الثعلب وقال بإسلوب مسرحي رائع لدرجة أنني كدت أن أصدقه ..

دي أخرتها إنتي مش واثقه فيا ولا في حبي دي آخر مكالمه بيني وبينك صدقيني
صورك أخذها علشان أحطها قدام عيني أنام وأملي عيني منها وعمري ما ابص
لواحده ثانيه ولا خلينا نتصور سوى ... يا غبيه مش احنا هنتجوز هنتجوز ؟؟
وكلام كثير...

ألف طريقه وطريقه المهم تعرف ازاي تضرب على الجرح زي ما يقولوا فقلت طيب إفرض مثلا مااديتلكشي لا صور ولا يحزنون بتسيبها ؟

فقال طبعا لا .. أنا صياد والصياد صبور وما يمل فقلت هنا المشكلة طيب والفضايح إللي بتحصل البنات يعني ما بيفكروش في الفضايح

فقال عارف ايه المشكله.... إن كل واحده بتقول أنا واثقه من نفسي وحريصه أو
انتوا مش فاهمين والله فلان يختلف عن غيره أو أصابع يدك مش زي بعض أو أحمد
إبن ناس مستحيل يعمل كده أو ماجد يحبني موت اصلا أنا لو غبت عنه يتجنن ..

وكل واحده مستحيل تتخيل نفسها بطلة فضيحه مستقبلا وشوف بنفسك الإنترنت مليان فضايح وكلها بدت بقصة حب
فقلت طيب بعد الفضيحه ايه ذنب المسكينه إلي سلمتك قلبها

فقال أولا أنا بالذات مش اللي بدعت الحكايه دي هذا حال الدنيا وماحدش ضربها على ايدها
وقال لها اتكلمي بالتيلفون ولا كانت صبرتلحد ما يجيلها نصيبها
سألته قائلا بصراحه لو فيه بنت تورطت بمكالمات وصور ازاي ممكن تخرج من دوامة التهديد
فقال مبتسما شكلك كده عايز تعرف سر المهنة لكن أقولك وخليها بيني وبينك
علشان الشباب ما يزعلوش... شوف ياعمي مايرد التهديد إلا التهديد يعني حتى
الولد مش عايز فضايح .. يعني ممكن تقوله أنا اْقول لأبويا عنك وأخليه يبلغ
الشرطه وأكل علقه واحده من أبويا .. ولا أنذل لك طول عمري أو حتى تبلغ
مديرة المدرسة أو الوكيله وصدقني حصلت كثير والوكيلة تعرف ازاي تكلم أبوه
او تكلم مدير المدرسه أوالجامعه أو حتى تكلم الشرطة بالمعروف بينهم وبشكل
رسمي بس سري ... ومن غير حتى أهلها ما يعرفوا علشان المشاكل والفضايح
وأحسن لها المديرة تعرف .. ولا أهلها وجيرانهم وأصحاب الإنترنت كلهم
يعرفوا

وصدقني الشرطة إسم يخوف اتخن شنب في الشباب

سألته ... إنت مش خايف أنشر هذا الكلام وسوقكم يوقف
فقال ضاحكا ... يا عمي والله لو تنشره وتخلي كل بنت تقرأه في طابور الصباح
مش حيبطلوا حتى لو .. كم وحده حتبطل .. ميه .. ألف ... خليهم يبطلوا
الباقي نصيبنا معشر الشباب نظرت إلى ساعتي إنها الثامنه وعشر دقائق ولملمت
مشترواتي وودعته

فقال رايح فين ؟لسه ما قعدناش فقلت خلاص صلاة العشاء
فقال لسه باقي على الأذآن عشرة دقائق
فقلت يا دوب أدور علي مسجد وألحق الصف الأول فضحك ضحكة عالية جدا
وقال ... شفت أنا قلت لك إنت تنظر في الساعه وتخطط علشان تلحق الصف الأول
علشان تصيد الأجر .. مش قلت لك ياحبيبي كلنا ثعالب وكل واحد يتفنن فـ صيد
هدفه

ضحكت مجاملة له وانصرفت وكلماته ترن في أذني ثم تسائلت إن نشرت هذا الكلام

كم فتاة ممكن ان تترك المكالمات وكم فتاة تبقى من نصيب الثعالب

"ثم تذكرت قوله تعالى " من يشأ الله يضلله ومن يشأ يجعله على صراط مستقيم

بنات

فكري لمجرد دقيقه بأبوك هذا اللي يمشي قدامك والا بأمك اللي تدعيلك
وتحبك ولا بأخوك اللي مهما اخطأ هيفضل سندك بالحياة ولا باختك البريئه
اللي بتنظلم عشانك ازاي تهينينهم يعني ترضين تحسسينهم بالذل ويمشون طول
عمرهم راسهم بالارض

طيب فكري بنفسك وبحالتك مهما حسيتي انك واثقه بشخص او انك تحبينه باب
بيتكم يوسع جمل ليه ما يخبطش فأن قلتيله وطول الموضوع اعرفي انه كذاب
(( ومن ترك شيئاً لله عوضه الله خيراً منه ))

خلليكي ذكيه وتذكري ابوك وامك ساعتها وازاي بتكسريهم وتهينيهم قدام العالم لمجرد غلطه !! وان كنتي عاقلة بتفكري بربك قبل الكل

google_protectAndRun("ads_core.google_render_ad", google_handleError, google_render_ad);

الله عليك يا درش .. لا يفوتك اى شىء

وانا بضم صوتى لصوتك وبقول

فكروا وقدروا الامور .. قبل ا ى خطوه تاخدوها

تعرف يا مصطفى
ان اساس اي علاقة مبني على علاقة هذا الانسان بربه ودينه
والله الذي لااله الاهو
لايغار على عرضه من لم يغار على دينه

اسمح لي اقول لك يا درش انت انسان عظيم يا ابني
ربنا يبارك فيك

يا هادى ياااااااااااااااااااااااااااااارب

» استفسار موجه لرئيس مجلس ادارة دبركى
» من حلو الكلام
» درر الكلام
» عذب الكلام ..
» همس الكلام