شخبيط لأعز الناس

موضوع: شخبيط لأعز الناس 2011-09-11, 21:36

أيوه أنت واحشنى ، مستغرب ليــه ؟ !!
بكلمك أنت بتبص وراك ، يا عم أنت واحشنى

ماهو اكيد أنت فى يوم هتقرأ كل الحاجات دى بعد خناق وشد شعر ..
وبعد ما أدوخك ورايا ،، وهتبقى أنت عمال تعلى صوتك وتضحك
وأنا
مكسووووفه ووشى أحمر :$

وانت برده مصمم تكمل قرايه ، بس أعمل ايه بقى
بحبك ومش هتعبك معايا أوى.

وأرجع وأقولك واحشنى ..
وطول اليوم بفكر فيك، بقول يا ترى هنتقابل فيــن !!

هكون راكبه اتوبيس وأنت من وسط الزحمه تشوفنى وتعمل سوبر مان وتقعدنى مكانك !!

اتوبيس إيه بس ؟ أنا بركب توكتوك

طب هكون ماشيه وسط الجامعه وأسرح وألاقيك قصادى وفجأه ،، تيرارااا .. "تصوير بطئ"
نخبط فى بعض وكتبى تقع و ....

كتب ايه بس ونخبط إيه !! أنا خلصت أصلا

طب هشوفك فين !!
ولا أنت هتطلعلى منين ..
جايز أنا اللى أطلعلك ، وقتها هتقول عفريت مصرى قصير شخبيط لأعز الناس Icon_smile

شوفتك بتضحــك ... بقى بتقول عليّا عفريت وكمان قصير ؟

طب أنا زحلانه
وعلى فكره دى حجه عشان تصالحنى ...
واتصرف بقى ،

عارفه انك محتار ومش عارف تصالحنى إزاى...
بس انا هقولك

لو فى يوم زعلتنى .. حط إيدك جوه جيبك
وكرمش خمسه جنيه وحطها فى ايدى شخبيط لأعز الناس Icon_biggrin

هنساك وهنسى الزعـــل ...

واحشنى صوتك نفسى أسمعه ، نفسى أسمع اسمى بصوتك انت من بين كل الناس..
أكيد هيبقى أحلى ومختلف
ويــااااه لما اكون منرفزاك وتنادى عليّا بزعيق
وتبقى حواجبك عامله كده
ايوه كده .. زى ما أنت عملتها بالظبط

وأول ما أسمع صوتك
أبص فى الأرض زى الطفل الصغير وأقولك :
_ بتنادى عليّا أنا !!!

مش عايزه اتخيل وقتها هتعلقنى فيــن شخبيط لأعز الناس Icon_smile

بس كفايه أسمع صوتك
وكفايه أرخم عليــك

ساعات بكون قاعده لوحدى وأتخيل حياتنا هتبقى عامله ازاى
إن شاء الله هتكون حلوه
بس انت ربنا يصبرك عليا ،، وليــك الجنـه ^__^

لما تيجى تخرج وأشبط فيك زى العيال الصغيره
وتقعد تحلفلى انك نازل الشغل ..
وأنا برده مش عايزه أسيبك

تقوم نازل جايبلى فيشار وآيس كريم
وتخلينى أتفرج على فيلم عصر الجليد لرابع مره
وأول ما يخلص ألاقيك قدامى شخبيط لأعز الناس Icon_wink

_طبعاً وحشتك فجيت بسرعه ..
احم احم

أول ما هقولك كده تقولى :
_ لاء يا حياتى .. النهارده السبت اجازه واحنا الإتنين نسينا

هبصلك بنص عين O.o وأرميك بالباقى مالفيشار .. ده لو كان باقى حاجه
للدرجه دى نازل وانت كلك إراده تهج مالبــيــت !!

يااااه عالحب

واحشانى غيرتك مع إنى لسه ما جربتهاش
هموت فيك لما تتخانق معايا عشان واحد بص عليّأ ولما شافك عمل نفسه ميت شخبيط لأعز الناس Icon_smile

وهقعد أقولك:
_ وأنا مالى هو اللى بص

بس برده هو معذور .. بزمتك مش معذور !!

ولا لما تقولى اقفلى البلكونه والشبابيك عشان ابن الجيران اللى هيكون لسه فى الإعدادى ..
مش هتضايق من غيرتــك ..
هحبها عشان بس منك

هو انا وحشاك من قبل ما تعرفنى !!
ولا تووووءه !!
:'(

زائر

عارفه انك محتار ومش عارف تصالحنى إزاى...
بس انا هقولك

لو فى يوم زعلتنى .. حط إيدك جوه جيبك
وكرمش خمسه جنيه وحطها فى ايدى Very Happy

هنساك وهنسى الزعـــل ...

هههههههههههههههههههههههه

اعترااااااااااااااف

كلكو كدا يابنات حوا
ماديين

موضوع: رد: شخبيط لأعز الناس 2011-09-11, 21:57

لأ مش كلنا كدا بس بنحب الجيبه المليانه اوي ههههه

» شخبيط لأعز الناس
» من اي الناس انت
» الى كل الناس
» ومن الناس
» ارق الناس قلبا ...