سياسه الاباحه ام اباحة السياسه

سياسه الاباحه ام اباحة السياسه

فعلا سؤال لولبى ومحتاجله اجابه
واللى فرض السؤال الواقع اللى بنعيشه بعد ثوره يناير
مفيش اى حوار سياسى فى اى مكان بين اى اتنين
غير والاباحه والاهانه والشتيمه لازم تكون موجوده فيه
وكأن الاباحه بقت سمه من سمات السياسه
وكأنه
عشان تبقى سياسى ووطنى وثورى
لازم يبقى اسلوبك فيه شئ من الاباحه

ثوره اتعملت واطاحت بنظام فاسد
جميل جدا
نبدأ بقى من جديد
نبنى البلد نشوف مستقبلنا
بالفعل والعمل مش بالاباحه والاهانه

الغريب بقى
ان الاباحه ما اقتصرتش فقط على النظام السابق ووزرائه الفاسدين
بالعكس
دى تعتبر طالت جميع الشعب المصرى
اى اتنين بيتكلموا دلوقتى فى السياسه لازم يختلفوا
ولما يختلفوا لازم يخونوا بعض
وبعد التخوين يجى بقى دور الاباحه والاهانه

انا بقى كل خوفى
ان دا يكون طريقنا وسياستنا فى المرحله المقبله
سياسه الاباحه

ساعتها مانستبعدش
مليونيه للعراه
او دعوه لـ نزول التحرير ملط
او......الخ
ما هى اباحه بـ اباحه بقى
-
-
-