ضيوف على باب الرحمن

زائر

(مائدة رحمن ) هاى كلاس طول شهر رمضان الكريم ..
ما تضيعش الفرصة أكل فاخر و ببلاش كمان !

أول ما تسمع كلمة ( مائدة رحمن )

ذهنك يروح على طول بأنها مكان لإفطار

الفقراء و المساكين و غير القادرين
بهدف فعل الخير فى شهر رمضان المبارك
و لكن الحقيقة مختلفة تماماً ،
عندنا موائد الرحمن أنواع منها العادية
و منها الهاى كلاس و هى دى بقى المهمة
لأنها مش موائد رحمن بالشكل اللى إحنا متصورينه
دى حاجة تانية خالص ،
ممكن كمان لما نسمع عنها ما نصدقهاش ..
لدرجة إن طلاب الجامعة و كثيراً من الشباب
ينظمون رحلات مخصوصة فى شهر رمضان
لـ موائد الرحمن الهاى كلاس ،
و بيعتبروها فسحة مش ها تتكرر كتير فى حياتهم
و ما بيحسوش بأى خجل إطلاقاً من الإفطار
فيها لأنهم بيعتبروها نوع من الترويش ،
و الترويش المريح كمان ،
يعنى لما يفطروا وجبة فاخرة من أحد محلات التيك اواى
أو من احد الفنادق الشهيرة ،
و لما يكون قدامهم أجود انواع المأكولات
و المشهيات المتنوعة لدرجة إنهم ممكن يلاقوا
مأكولات لبنانية و سورية
علشان ترضى جميع الأذواق
و ده اللى بيخلى ناس كتير تتنازل عن أى شئ
و ما تحطش فى دماغها أى حاجة غير الإفطار الشهى
و الحلويات الشرقية و الغربية الملفوفة بشكل جداً و مغرى ..
مش بس كده ده فيه كمان شنطة مقفولة
هتاخدها و إنت ماشى و إنت و حظك
ممكن تلاقى فيها ياميش رمضان و مكسرات
و ممكن تلاقى فيها لحوم يعنى كسبان كسبان
فطار و هدايا كمان ..
طبعاً أكيد بيدور فى خيالكم أسئلة كثيرة أوى
مين الناس دول أصحاب موائد الرحمن الهاى كلاس ؟!
و منين بيغطوا التكاليف دى كلها ؟ ..
و يا ترى إيه اللى يخليهم يعملوا موائد رحمن
بـ البذخ ده و مش للفقراء بس ؟
أسئلة كتير أوى ممكن تسألوها بس الإجابات
أقل كتير من الأسئلة ببساطة موائد الرحمن
دى سياسة عالية أوى و حدوتة كبيرة
و اصحابها غالباً ليهم مصالح معينة ..
و السنة دى هى سنة موائد الرحمن الهاى كلاس
و ده أمر طبيعى بما أننا داخلين على إنتخابات الرئاسه..

فـ رمضان هتلاقيه مختلف كتير
لأنه فرصة عظيمة لكل المرشحين
علشان يفرشوا جناحات السلام
و فجأة ها تنزل عليهم السكينة
و الإحساس بالفقراء و حب الخير ..
و هتتساقط منهم المشاعر النبيلة
و هيتفرغوا تماماً لـ فعل الخير
(يا سلام على التقوى ! )

و طبعاً كل واحد هيدى صوته للـ مرشح الى يصرف أكتر
و يأكلهم أكتر و أكتر و ده طبعاً لأننا شعب جعان ..
و هما فاهمين كده و بيلعبوا على الحصان الكسبان ،
* أما بخصوص موائد الفنانين و المطربين
فأكيد برضه هتكون منتعشة فى شهر رمضان ...
و ده طبعاً لأنه للأسف الشديد جميع شرائط الكاسيت
فشلت فشل ذريع و محدش سمعها ،
فيعملوا إيه غير موائد رحمن على مستوى
علشان يجذبوا الشباب ليها لانهم الفئة المستهدفة ،
و فى نهاية الإفطار يوزع المطربون عليهم
شرائط كاسيت بالمجان ما هى كده كده راجعة لهم بدون بيع
.. يبقى الناس تسمعها أحسن ما هى خربانة خربانة ..
أما بقى الفنانين ففشلهم مش أقل
من من فشل المطربين و لله الحمد ،
و ما فيش فيلم واحد عليه القيمة ..
ففرصة إنهم يستعطفوا الناس علشان يتضامنوا معهم فى خيبتهم .
. و يحاولوا يرجعوا حبهم ليهم اللى ضاع فى أفلامهم الهابطة .

فيا سلام على رمضان و موائد رمضان و بذخ رمضان ..
فسح الموائد السنة دى ها تكون مسلية و لذيذة ..
و كلها حسبة و مدروسة و العائد على اصحابها أكتر و أكتر ..
لأنهم خططوا لها صح ..
و الدعاية الناجحة تتيح الوسيلة المستخدمة
و كل سنة و أنتم طيبين
و على موائد الهاى كلاس متجمعين ..
و جربوها هتلاقوها فسحة مربحة و روشة و ببلاش تماماً .

و جربوها هتلاقوها فسحة مربحة و روشة و ببلاش تماماً .
عقد النية والعزم الصادق والهمة العالية
على صلاح القول والعمل والإجتهاد
فى الطاعة والذكر وتعمير رمضان بالأعمال الصالحة ،
وإعطاء الصيام والقيام حقه

قال تعالى :
(* طَاعَةٌ وَقَوْلٌ مَّعْرُوفٌ فَإِذَا عَزَمَ الْأَمْرُ فَلَوْ
صَدَقُوا اللَّهَ لَكَانَ خَيْراً لَّهُمْ*)
]محمد : 21]
وما عزم عبد على طاعة الله ونوى بقلبه أن يؤديها
فحال بينه وبينها حائل إلا بلغه أجرها .
وكم من أناس ماتوا فى أوائل رمضان .
هنيئاً لهم إن كانوا عقدوا النية الصالحة
فى أول الشهر على الطاعة والإجتهاد ،
فأخلص لله عز وجل فى العبادة والنية
فإنك لا تدرى متى ستموت والله عز وجل
يعطى العبد من الخير على قدر نيته وإخلاصه .

استحضار أن رمضان كما وصفه الله عز وجل أيام معدودات ،
سرعان ما يولى ، فهو موسم فاضل ولكنه سريع الرحيل ،
واستحضار أن المشقة الناشئة
عن الإجتهاد فى العبادة تذهب أيضاً ،
ويبقى الأجر وانشراح الصدر ،
فإن فرط الإنسان ذهبت ساعات لهوه وغفلته ،
وبقيت تباعها وأوزارها !
وعن قريب وبعد غد نلتقى فى العيد إن شاء الله
وقد مر رمضان كالبرق فاز من فاز وخسر من خسر ! .
كل سنه وانتم بخير

طبعا دى مقدمه لذيذه صح
اللى حابه اقوله
اننا هنا برمضان عاوزين نتعزم عن احد الاعضاء او المعلمين

واكيد هيعزمنا على الفطار هنا با المنتدى ويقولنا هو بمحافظه ايه
وايه اهم عادات وتقاليد محافظته وايه الاماكن اللى ممكن يذهب بنا اليها
وهيعزمنا على ايه وهنصلى معاه فين و وبعد الفطار هنعمل ايه
وهنصلى معاه التراويح وهنسهر معاه سهره سمر روحانيه رمضانيه
فعلى كرماء القهوه الحاتمين المبادره بحجز يومه ليعزمنا
واكيدكلنا عارفين مافى اكرم من المصرين
اكيد انا هبدى بنفسى واعزمكم بيوم رمضانى
ارجوكم لا تحرجونى
قال: رسول الله صلى الله عليه وسلم: " من فطر صائما في شهر رمضان
من كسب حلال صلت عليه الملائكة ليالي رمضان كلها،
وصافحه جبريل ليلة القدر، ومن صافحه جبريل عليه السلام
يرق قلبه وتكثر دموعه" ..

موضوع: رد: ضيوف على باب الرحمن 2011-07-23, 16:21

اللهم بلغنا رمضان

شكرا يا تريكة

موضوع: رد: ضيوف على باب الرحمن 2011-07-23, 16:24

ربنا يبارك لنا في اعمارنا ونعيش لآخر يوم في رمضان
اللهم بلغنا رمضان يا رب العالمين
كلنا مشتاقين للايام الفضيلة
يسلمو يا مصطفى كتير حلو موضوعك

» لو عندك ضيوف كتير وتعبت من صب القهوة أو الشاىتعمل ايه ؟؟؟؟
» دموع هزت عرش الرحمن‎
» عباد الرحمن
» سيجعل لهم الرحمن ودا
» بسم الله الرحمن الرحيم