فلسفه 000000نظرتنا للعرب ونظره العرب لنا

فلسفة فارغة

من فترة طويلة كدة سمعت كلام كتير على موضوع حط نفسك مكان اللى قدامك عشان تعرف هو زعلان منك ليه او بيعاملك بطريقة معينة ليه

بصراحة كنت بطبق الموضوع دة بينى بين قرايبى واصحابى بس للاسف كنت بطبقها بعد مالمشكلة تقع بينا

من كام يوم كدة فكرت اطبق الموضوع دة على علاقتنا بالعرب

كل ما انزل اتمشى فى وسط البلد فى وقت الصيف الاقى عرب وخلايجة كتيير اووى وطبعا الافلام العربى والمسلسلات كانت مرسخة عندنا شوية صور زى الفل

دة طبعا غير ماتشات الكورة اللى بينا وبين المغاربة او سكان المغرب العربى بشكل عام اللى كانت بتصور العلافات مابينا ومابين الدول دى انها معارك حربية وان الماتش مقام فى تل ابيب والجماهير كلها صهاينة

وطبعا برامج التوك شو الذيذة اللى كانت دايما بتتسلى بانها تجيب نجومنا المفضلين وهما بيتكلموا عن اخر اعملهم وطبعا ماينسووش يتكلموا على الصراع المصرى السورى اللبنانى

وطبعا والحمد لله مابينسووش يتكلموا عن بعض عيوب الشوام وقد اية فى مواقف هما طلعوا وحشيين معانا وانهم دايما مابيحبوش لينا الخير

ويطلع الحوار فى الاخر ان الكلام على اكل العيش وان كل واحد من دوول زعلان عشان يا حرام هيعمل 3 مسلسلات بس السنة دى وخايف لحسن مايتبعووش فى كل دول العالم العربى بسببب منافسة الدراما السورية

طيب انا فكرت كدة هى اية الصورة اللى اتكونت عندنا ناحية الدول دى نتيجة التخلف اللى احنا فيه

الخلايجة

بنشوفهم بكرش كبييير وكسالى جدااا وجايبين حد يعملهم كل حاجة

يعنى واحد يدير الشركة وموظفين يشتغلوا فى الشركة وخدامين يعملوا كل حاجة

ومش بعيد يجيبوا حد يفكر لهم

لدرجة ان فى حد من اصحابى كان بيقولى انهم بيجيبوا خدام يمسك لهم الرموت عشان مكسلين يغيروا المحطة

طيب السؤال بقى اللى مابنسالوش لنفسنا

هما شايفينا اززاى

ببساطة جداا

شايفينا شحاتيين

والمواظفين اللى بيشتغلوا عندهم بيكونوا طماعين وكل همهم جمع الفلوووس بس



المغاربة

بنشوفهم شكلهم رفيع وغريب كدة واغلبهم عصابيين

وبيتخانقوا لاى سبب

وكمان بيتكلموا فرنساااوى

وبيكرهونا كدة وخلاص يعنى يطيقوا العمى ولا يطيقونا

طيب هما بشفونا ازااى

بيشفونا ناكريين للجميل

لانهم ساعدونا فى حروبنا واحنا مرضناش الجميل

بيشوفونا بندعم اسرائيل وبنضيق على الفلسطنيين

من الاخر بيشفونا يهود وكلمة يهوود دى وصف لطيف كدة للصورة للى عندهم

اهل الشااام

لفترة طويلة مصريين كتيرة كانوا متصوريين ان اى بنت ماشية فى لبنان او فى الشام بوجه عام تبقى مش لابسة ويكون همها الاول والاخير هو الفجووور

الصورة التانية والواضحة للشوام هو فكرة انهم حاجة من اتنين

يا اما رجال اعمال وغالبا بيكونوا بيتاجروا فى السلاح او المخدرات

او شبة العقيد ابو شهاب فى مسلسل باب الحارة



طيب هما بقى بيشفونا ازاى

للاسف لو مصر متقسمة لساحل شمالى وعاصمة وصعيد

فهما بيشوفوا ان الشمال يعنى تجار مخدرات وحشيش

والصعيد تجارة سلاح و مخدرات

وما بينهما وهو الوسط ارض للفجور والشحاتين





الغرض بقى من كلامى فى الموضوع دة مش انى اقول لا تعيرنى ولا اعيرك

لان لللاسف فى جزء من الحاجات دى موجودة بالفعل

الغرض من كلامى هو ان للاسف فى عصور سابقة كان عشان تقدر تشوف نفسك كويس لازم تبص على مشاكل اللى حواليك وتقعد تعايرهم بيها عشان مايبقاش حد احسن من حد وكمان عشان لما تشوف نفسك فى مريتك تقووول يااااااه دة انا فى نعمه والبلاد دى كلها متخلفة واحنا احسن نااااس والطفل المصرى اذكى طفل فى العالم

بلظبط نفس المبداء اللى كان الاعلام بيطبقوا وقت لما يحصل حادثة قطار

تلاقى نشرات الاخبار لمدة 3 ايام عبارة عن الاتى انقلاب قطار فى تشيلى وتحطم طائرة فى سيبريا وعشر اتوبيسات انقلبوا فى كوالالمبور



دة طبعا غير سياسة التعتيم والفرقعة اللى كانت بتحصل دايما مع كل حادثة مهمة زى حادثة العبارة تلاقى بعدها بنص ساعة خبر عن مرتضى وشوبير او شبانة وسمير زاهر

سبكوا بقى من الكلام الفاضى دة وةنرجع لموضوعنا

اية العيب فى ان واحد اتولد لقى نفسه عايش فى خيمة والبنية التحتية عنده ضعيف ومع ذلك بداء يجيب ناس تعلمه القراية والكتابة ويجيب خبراء يديروا امواله لحد لما يوقف على رجله ولا كان مفروض يعمل زى القذافى ويوزع الفلوس على الشعب ومايبقاش فى مستشفى واحدة فى ليبيا فيها جهاز منظار

وبعدين مهو بيعمل كدة عشان يبقى حالته احسن لحد مايبقى فى جيل تانى وتالت احسن منه يلاقوا فى مدارس وجامعات ومصانع فيحصل نمو فى بلده

اما المغاربة

فهو واحد اتولد لقى بلده كانت محتلة لحد فترة قريبة وظروف الاحتلال بتفرض عليه لغة معينة وتدخل فى اساسيات التعليم ومع ذلك بيحاولوا يقربوا

واية المانع فى كل دة

اية المانع فى ان كل شخص عنده عيب وبيحاول يغيروا

العيب فعلا فى ان الواحد مايشوفش عيبه ويركزززز اوووى فى انه يعاير اللى حواليه


احنا وصلنا لدرجة اننا لما بنقابل اى حد عربى ونصاحبه لفترة ونبداء نتكلم معاه فجاءة كدة نلاقى نفسنا بنقوله باستغرراااب اوى اية دة ما انت كويس اهو امال هما بيقولوا عليكوا كدة لية
كفاية تخلف بقى وخلينا نفكر صح ونفكر فى اللى يوحدنا مش فى المعايرة والكلام الفارغ وكمان مانسمعش كلام حد بيهاجم او بيدافع عن حاجة عشان مصلحتة

حاجة اخيرة عايز اقولها فى مقولة عجبااانى اوى كانت بتقوول

قال أعرابى لآخر:سبعة لا ينبغى ان تشاورهم
فقال الآخر:من هم
فاجاب الاعرابى:جاهل،وعدو،وحسود،ومرائى،وجبان،وبخيل،وذوهوى
فقال زدنى ايضاحا
فقال العرابى:الجاهل يضل..
والعدو يريدالهلاك..
والحسود يتمنى زوال النعمة..
والمرائى واقف مع رضا الناس..
والجبان من رأيه الهرب..
والبخيل لا رأى له فى غير المال..
وذو الهوى اسير هواه فلايقدر على مخالفته




يا ريت فعلا نتغيير ولو فعلا فى ثورة فى البلد يا ريت تكون الثورة دى فى النفووس مش بس فى الهدوم او فى تغيير الكراسى
ويا ريت كمان نتعلم من الدرس ونشوف احنا بنسمع لمين وبنشوف بعنيين مين