يا اسكندرية يا معجبانى .. ايش حال عيونك يا الاسمرانى؟

وفى حب اسكندرية اقولك اللى ما قبل كدة اتسمع ولا اتقال اسمع يا سيدى بقة منى الكلام وما تسألنيش ان كان ده حقيقة

ولا خيال ؟ ولا كلام شاعرولا قالوه فى الموال .... ادفى حضن ممكن تحسه فى حياتك حضن مش عادى حضن دافى جدا من

شمسها الى بتجيلها كل يوم ترقيها من عين حسادها وتسلمها للقمر وتوصيه ياخد باله منها فيغطيها بنوره الابيض

اسكندرية بحرى اسكندرية المنشية ومحطة الرمل اسكندرية النبى دانيال والكتب القديمة المترصصة على الرصفان وانا واقفة

بنقى واختار

اسكندرية يبقى ريحة اليود والبن البرازيلى وريحة البن الى طالعة بتجننى اسكندرية ديه تبقى اهم كاتمة لاسرار اى اسكندرانى

وغير اسكندرانى بس تلاقى ناس كتير اوى من هواة كل ما يحصلهم حاجة نروح للبحر ونحكيله وناخد رايه ونفضفضله

ويسمعلنا ونرتاح ونروح

اسكندرية اجمل وقت فيها فى الشتا والجو برد والمناخير ساقعة وانت ماشى كده على بحر ايدك فى جيبك

اسكندرية يبقى المينا الشرقية والسمك الى طالع من المياه والصيادين الغلابة وهما طالعين بمراكبهم هقولكم ايه ولا ايه ما انتم

تلاقيكم زى ويمكن اكتر كمان انا هسيبكم دلوقتى مع كلمات احمد فؤاد نجم وهبقى ارجعلكم تانى

اسكندرية

يا اسكندريه

بحرك عجايب

ياريت ينوبني م الحب نايب

تحدفني موجه

على صدر موجه

والبحرهوجه

والصيد مطايب

أغسل هدومي

وأنشر همومي

على شمس طالعه

وأنا فيها دايب

كأني فلاح في جيش عرابي

مات ع الطوابي

وراح في بحرك

كأني نسمه فوق الروابي

م البحر جايه

تغرق في سحرك

كأني كلمه من عقل بيرم

كأني غنوه من قلب سيد

كأني جوا المظاهره طالب

هتف باسمك

ومات معيد

كأني صوت النديم

في ليلك

بيصحي ناسك

يشدوا حيلك

كأني طوبه من بيت في حاره

كأني دمعه

في عيون سهارى

كأني نجمه فوق الفناره

تهدي الحيارى

والبدر غايب

يا اسكندريه

يامصراويه

على سن باسم

على ضحكه هاله

البحر

شباك ومشربيه

وانتي الاميره

ع الدنيا طاله

يا اسكندريه عاشقة

وبدى

ارتاح في حضنك

والود ودي

يكون كلامي

عربون غرامي

وبالمحبه

ناخد وندي

يا اسكندريه فيكي الغلابه

ع الرزق يسعوا ولايناموش

صبح صباحهم

رجع مساهم

وزاد شقاهم

ومارتاحوش

يا عيني ع اللي الزمان تعبهم

وضاع تعبهم

ومالتقوش

نزل شبكهم

في بحر طامي

طلع شبكهم

على فاشوش

وفيكي بين البشر

ديابه

وفيكي فوق البشر

وحوش

وفيكي ناس مغرمين صبابه

لو خان زمانهم

مابيخونوش

وف حبك انتى

سلمت امري

ما اقدرش أحبك

وما أولكيش

يا اسكندرية يا معجبانى

أيووووه ياجدعان

الواد ده بحرى؟ آآآآه ده واد شقاااوى ..

سمك يا بني يا اسكندراني

في العشق واحد

مالكش تاني

سمك يابني يا اسكندراني

في الحسن ساحر ومعجباني

سمك يابني

والعشـق غيه

تبدأ بنظره

تبقى ملاغيه

وكل عاشق وله بهيه

وكل شاعر وله اغاني

وأنا اللي عشق الصبايا كاري

أعشق وأغني ما أدرش اداري

واي نظره بتجيب قراري

وايشحال عيونك

يا الاسمرانى ؟

وف حبك انتى مأدرش أدارى

» اسكندرية ماريةا وترابها زعفران
» اسكندرية العتيقة ... تنسموا معى عبق الماضى وعطر الذكريات
» انظر عيونك
» فتح عيونك للهوا والنور
» اعرف شخصيتك من خلال لون عيونك