مجرد حلم حوار بين مواطن والريس

زائر

مجرد, يتحقق

مجرد حلم .. فهل يتحقق .. ؟!!

مناظره بين مواطن وأحد الرؤساء

تبدأ المناظره بتقديم كل شخص لنفسه

الرئيس : انا رئيس الجمهورية

المواطن : مواطن عادى زى الناس كدا يعنى

الرموز المختاره لكل شخص وماذا يعنى له هذا الرمز ؟

الرئيس : الحمامة

دا رمز للسلام والحريه والحب والتطلع الى الافق العالى كى نسبح فى الفضاء سويا

المواطن : الكوز

الكوز اللى عشت فيه اجمل احلامى .. على قد ما هو صغير فى عينيكم على قد ما شال هم ايامى

يعرفوه كل الفقراء كويس وعايشين فيه من قبل ما يجى الريس

البرنامج الانتخابى لكل شخص

الرئيس : انا برنامجى معروف من زمان .. وفات الكتير يا ولاد ما بقى الا القليل

اصبروا .. !!

المرحله اللى جايه فيها زياده مرتبات وعلاوات وشقق للمحتاجين واراضى للفلاحين

وفى الصيف .. !!

اخوانا بقى اللى هيصيفوا شاليهات علشانهم

الحرانين طبعا لازم يطلعوا يشموا هوا نضيف

اما الشباب .. !!

هنعينهم كلهم وهنوظفهم وهنجوزهم كمان

المواطن : برنامجى برنامج حب .. برنامج شبيه بالحلم

برنامج اساسه العدل وبنيانه الحرية

المواجهه بين الرئيس والمواطن

المواطن : العدل يا ريس !! الظلم كتر اوى
الظلم بقى على ودنه والمظاليم مش لاقيين باب

الرئيس : انا عمرى ما كنت ظالم .. والظلم دا انا ما بحبوش

المواطن : يمكن انت .. لكن العله فى كل الشله اللى حاططهم بينا وبينك

الرئيس : انت بتحاول تشوه الصوره .. انا بابى دايما مفتوح

المواطن : ليهم هما مش للشعب !! .. هما قالولك بلدنا دى جنه وكل الشعب بيبوس رجليك

شله منافقه بمليون وش .. قدامك وشوشهم ناعمه .. اهل التقوى والاحسان !! اما علينا فهما غيلان

خطفوا الفرحه من وش العيل .. سرقوا اللقمه من الغلبان

الرئيس : احترم نفسك وشوف انت بتكلم مين

المواطن : انا اسف يا ريس .. ما تزعلش منى يا ريس الواحد تَعبان

الرئيس : قصدك تقول انك ثعبان .. كلامك مش صادق .. كذب !!

الكلام دا مش جه ليا ابدا فى تقارير !!

المواطن : بتعرف حالنا من التقارير ؟؟!!!!!!

طب دا التقارير وصفانا حمير !!

اللى يعلى صوته ارهابى واللى ماشى فى حاله حقير !!

طب قالولك ايه عن الفواتير عن الطوابير ؟!!

قالولك ازاى الليل بيعدى على المديون ؟!!

جابولك سيرة ام معاها 6 عيال ودايخه على معاش المرحوم ؟!!

اللى اصلا مات من الجوع

الرئيس : وانت ايه برنامجك ؟ يعنى هتحكم البلد ازاى ؟

المواطن : مش هخلى بينى وبين الناس حواجز ولا ابواب

ولا شلة من الذئاب ولا قرايب ولا اصحاب

نمره موبايلى هتبقى مع الشعب كله

اللى عايزنى فى اى وقت يرن بس هيلاقينى بين ايديه

الرئيس : يعنى هتحكمها ازاى ؟ بالمحمول ؟!!

المواطن : لا .. هحكمها بقلبى

الشعب دا محتاج قلب يحكمه .. مش عقل يتحكم فيه

محتاج حد حنين يحضنه ويطبطب عليه

المواطن : انا بوعدكم بالتغيير

امتى هيجى اليوم اللى يظهر فيه مواطن زى دا فى كل دوله عربية

الموضوع دا مجرد حلم

يارب يتحقق

الحلم خلاص قرب يتحول واقع ملموس بأمر الله

لان الاقنعة تساقطت من على الوجوه الناعمة والمتلونة

سلمت يداك يا مصطفى

أنا نفسي ياريس طبق الكشري يبقى بنص جنيه ويكون العدس فيه كتيييييررر وشطة قليلة

أنا قصدي طبعاًً الريس مصطفى مش أي ريس تاني

زائر

منور يابوشهد عنيا حاضر

هههههههههههههههههههههههههههه

وياماما صفا مين قالك العهد القديم خلص كل الى حصل

الاقنعه وقعت من ناس ناس تانيه قامت ولبستها

بس اتمنى انو يخيب ظنى يارب

» عجله لكل مواطن
» فضفضة مواطن ليبى
» مجرد اسم مستعار
» مواطن لـ"العيسوى": قهوة المعاشات أصلح لك.. والوزير: الأمن سيعود
» مجرد حلم