كشرى مصرى بالصور وبجد بيكون راائع وبالف هنا

طبعاً أنا عملت المقادير بكمية كبيرة لأن كان عندي ضيوف

1_كيلو بصل ويكون حجمة كبير

2_ كيلوا أرز

3_ نصف كيلوا عدس بجبة وينقع 6 سعات

4_ نصف كيلوا حمص الشام وبالمصري بليلة وينقع ست ساعات

5_ وسلقت 3 أنواع مكرونة من كل نوع ربع كيلوا إسبجتي وكوكع ومكرونة ملفوفة

6_ كيلوا طماطم حمراء جداً

7_ ليمون وخل

8_ فلفل إسود وكمون وشطة حمراء وشطة خضراء وثوم

يقطع البصل بالنصف ثم يقطع طرنشاط رقيقة جداً ثم تسخني مقلاة فارغة علي النار ثم تضعي البصل بدون زيت وتضعي عليه ملعقة طعام ملح وتقلبيه حتي تنشف المياة إللي فيه ويأخذ اللون الدهبي ثم تضعي كميه زيت عليه كبـــــــــــيرة علشان يتحمر كويس ولازم يبقي لونة ذهبي محمر وتضعيه في منخل سلك أو مصفاة علشان الزيت يتصفي منه تماماً ودي صورة الصل بعد ما خلص

وثانياً نسلق حمص الشام ونضع عليه ملح في مياة السلق وبعد نضجة يشطف بماء بارد ويصفي وهذة صورتة

ثالثاً يسلق العدس بجبه ويصفي ويغسل من مياة السلق ثم بعد ذلك نجيب حوالي خمس فصوص ثوم كبار ونطحنهم مع ملقة شاي كمون وتحمرفي الزيت علي النار ثم نضع عليه العدس مع الملح وقليل من الفلفل الأسود وهذة صورته

رابعاً تسلق المكرونة ضعي ماء وقليل من الملح وقليل من الزيت وتترك لتغلي ثم نضع المكرونة حتي تمام النضج ثم تصفي في مصفاة وتشطف جيداً وتترك حتي تصفي المياة وهذة صورتها

خامساً الصلصة هتيجيبي الطماطم ولازم تكون حمرة جامد وتقشريها وتسلقيها علي النار وبعدين تضعيها في الخلاط مع فلفل أحمر حراء جداً ويكون طازج ولو مش متوفر الطازج ضعي فلفل ناشف وكمان وضعت حلقات من الفلفل الأخضر الحراء بس بعد ما خلصت فرم ووضعتها في الحلة الطريقة بقي ازاي هتجيبي خمس فصوص ثوم كبار وملعقة شاي كمون وطحنيها ثم تحمريها ثم تضعي فوقها عصير الطماطم مع الملح والفلفل الأسود وملعقة شاي مليانة سكر وتتريكيها حتي تتسبك وهذة صورتها

سادساً ودي أنا بعتبرها أهم حاجة في الكشري الدقة إللي بالليمون والخل بتدي طعم جنان للكشري وهي عبارة عن خمس فصوص ثوم وملح وكمون وشطه حمراء حراءة وتضرب في الخلاط مع قليل من الماء ثم تضع علي النار حتي تغلي ودي بتوضع علي الكشري بعد ما ترصيه خالص بتوضع أخر حاجة علي الكشري ودي بتبقي تبع ذوقك انتي يعني بمعني عيزاة حراء بسيط أو حراء جداً ودي الصورة بتاعتها

وأخيراً بقي طبيخ الأرز بالشعريه وطبعاً كلكم عارفين بنطبخ إزاي وهذة صورته

ثم بعد ذلك ترصي في الأطباق الأرز الأول وبعدين المكرونة وبعدين العدس بجبة ( بقشرة ) أو غير مقشر وبعدين الحمص ثم تضعي الصلصة ثم أخر حاجة تضعيها البصل لكي يعطي شكل جمالي للطبق أما الدقة حسب الذوق وهذة هي الصور

وهذة صورة أخري أوضح

ودي صورة كمان

أرجوا إن ينال إعجبكم ورضاكم

» كشرى مصرى يعمر الدماااااغ.. بالصور
» حتى الحرامى لما بيكون مصرى .... السرقة بتختلف ؟ شوف واحكم
» بالصور.. ننشر تفاصيل مقتل طبيب مصرى بلندن.. القنصلية: لم يتم ذبحه.. وأسرته: الإنتربول الدولى أبلغنا بوفاته بعد 4 أيام من مقتله والخارجية المصرية لا تع
» أنت إنسان راائع..هل تعرف لماذا؟؟
» لو مصرى كان ايه حصل؟