العمل ايه

إيـه العمـــــل بس قولـــــولى......يا فرحتى بعرضى وطولى
قـــــــــاعد مفيش ولا شغلانة......ترضينى أو ترضى ميــولى
مضطر اسيب أهلى ونـاسى......هغيب وهبعد وهقــــاسى
فى بلاد غريبة هعيش عمرى......دة زمن صحيح مر وقاسى


حرام يدوم الحال دة كدة على طول
الخير كتير يبقى أكيد فى حلول
عذابنا زاد . امتى يارب يزول
ونعيش أحلى حيـــاة


أنا زيي زي كتيـــــــر غيرى......كل اللى شاغل تفكيرى
أعيش واموت وسط حبايبى......يرتاح من الهم ضميرى
مش حــــابب الغربة وراضى......بالغيبة عن أهل بلادى
بس مفيش حــــــاجة بإيدى......لازم ادوخ فى الدنيادى


حرام يدوم الحال دة كدة على طول
الخير كتير يبقى أكيد فى حلول
عذابنا زاد . امتى يارب يزول
ونعيش أحلى حيـــاة


بتمنى حد يشجعنى......ويشوف مشاكلى ويسمعنى
جوايا حلم وخير يــاما......نفسى محـــــدش يمنـــعنى
طب شوفو كام واحد فينا......هـــاجر وذنبه فى رقابينا
فى الغربة حقق طموحاته......يبقى كدة الحق علينـــا

كلماتك جات على الجرح يا احمد


كم من أبناء اتغربوا واتغربت معهم قلوب الأمهات

واتعذبوا واتعذبنا معاهم وعلشانهم

لكن الامر لله من قبل ومن بعد