لـو عندك دم روح

زائر

الموضوع بأختصار عن مستشفى سرطان الاطفال 57357
ودى رسالة المفروض انها لشخص بيتكلم عن المستشفى واحتياجهم للدم ..

اقتباس:

النهارده انا كنت من معدي من عند مستشفى سرطان الأطفال 57357 وانا من زمان كان نفسي أزور المستشفى دي المهم رحت هناك عشان اتبرع بالدم واتبرعت الحمد لله ولقيت انهم في المستشفى دي محتاجين التبرع بالدم أكتر من التبرع بالفلوس .

تخيلوا انهم بيحتاجو 200 كيس في اليوم يعني 73000 كيس في السنة للأطفال دول ففكرت وقولت ليه أنا مكتبش موضوع عن كده وادعوكم للتبرع بالدم

الحوار مش صعب خالص هو كل مافي الحكاية إنه يكون وزنك فوق 50 ك وسنك فوق 15 وتروح تفطر فطار حلو وتركب تاكسي وتقوله مستشفى 57 وهو هيوديك هناك وتروح تتبرع بالدم . متقولش بخاف أو انتي متقوليش بخاف على فكرا هي مفيهاش حاجة دي شكة ابرة وبعدين فكر في البسمة اللي هترسمها على وشوش الأطفال دي لما تتبرع لهم بالدم ولما الطفل يجي ياخد الجرعة بتاعته ومحدش يقوله خليها كمان شويا عشان مفيش اكياس دم ليك . تخيل لما أبو أو أم الطفل دا يدعيلك دعوة بظهر الغيب واحنا دلوقتي داخلين على موسم من مواسم الطاعات والنفحات والخيرات بس إوعا تتبرع وانت صايم

وفق الله الجميع لما يحبه ويرضاه

اتمنى ان اللى يشوف الموضوع ويقدر انة يروح المستشفى
ويتبرع بالدم يبقى ثوابة عند ربنا كبير ..

وزى ما كنا بنسمع زمان دايما ,
اننا لما بنتبرع بالدم دى حاجة مفيدنا لجسمنا ,
دة غير انها مش بتضرنا أبداً بالعكس ,
والشىء الاكبر انك بدمك دة هتاخد ثواب كبير عند ربنا
وهتساعد طفل انة يمكن يخف ويكون دمك دة سبب فى ان بنى أدم يعيش ..وهتبقى أعمالة الخير كلها فى ميزانك
إن شاء الله .. دا غير ثوابك العظيم فى إحياء نفس

قال تعالى
{ وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا}

اتمنى يكون فى تجاوب وعلى الاقل عشان ربنا يحفظنا من كتر ذنوبنا دى ونعمل حاجة تفيدنا فى حياتنا وفى اخرتنا ...

فى النهاية حاجة اخيرة ومهمة .
لو مش ناوى او مكسل الجروب ع الفيس إن شاء الله
يساهعدك ويشجعك ..

وياريت على الأقل تنقل الرسالة دى لمنتدى
او شخص اخر وكله فى ميزان حسناتك كصدقة جارية
إن شاء الله

قال رسول الله صلى الله عليه وسلم { من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا }

ودة الجروب بتاع الحملة على الفيس بوك ..

وياريت اللى يروح ويتبرع يرجع هنا ويكتب انة راح واتبرع ..
وبالتوفيق يا شباب ان شاء الله ..

..
..

» خلي عندك امل
» عندك خيارين!!
» بيتك ضيق؟؟..عندك سطح..؟؟ تعالي هون
» الكتب أصبحت عندك
» لماذا نترك المنتدى؟!