قول من غير خجل .. كنت بتكتب ايه على تختتك فى المدرسة فى مراحل الدراسة

كلنا لنا ذكريات مع تختتنا بالمدرسة فى مراحل الدراسة المختلفة

من ايام الابتدائى ومريلته والاعدادى وزى المدرسة واصدقاء التختة

واصداء الفصل ومدرس او مدرسة لا ننساهم ابدا

اما لبصمة طيبة لهم فى قلوبنا او العكس

اللى يدخل يحكى براحته عن كل ما سبق

التختة وما كان يتكب عليها

المريلة وزى الدراسة

زملاء التختة وزملاء الفصل

المدرس او المدرسة الذى لا ينساهم ولماذا؟

ناظر مدرسته لكل مرحله ماذا كان يمثل له

مع كل الود للجميع

الله يا صفا رجعتينا لايام جميلة ولا تنسى

بسى يا ستى بخصوص الزى كان

عادى جدا مريلة بيج فى المرحلة الابتدائية

ودرل ازرق فى المرحلة الاعدادية

ودرل رمادى فى المرحلة الثانوية

بالنسبة للاصدقاء كانوا كتير

بس كان لية صديقة واحدة مقربة لنفسى

جدا كانت زى خيالى وكنت زى خيالها ما بنسبش بعض

لدرجة انه لو وحدة فينا دخلت الفصل من غير التانية

كان المدرس يسألها فين نصفك التانى

وما زلت على صلة جميلة بها حتى الان رغم بعد المسافات بيننا

بخصوص التختة الصراحة انا كنت بأرسم مش بكتب

ارسم شكل هندسى, شجرة شمس اواى حاجة من الطبيعة

بس دا طبعا فى غير الحصة

اما بخصوص المدرسين بصراحة كان كلهم كويسين

بس ساعة ما سألتى راح ذهنى

لمدرس علوم كان علية فى المرحلة الاعدادية

بصراحة كان متدين وعلى خلق

مع نميزه فى المادة العلمية

بس اللى انا فكراه اوى انه اول جائزة اعطاها لى لتفوقى والحمد لله

تخيلى كانت ايه؟؟؟؟؟؟؟؟؟؟

خماااااااااار

ساعتها كنت البس طرحة عادية وفرحت جدا بالهدية

ورحت المدرسة بالخمار تانى يوم

وافتكر كمان مدرسة كانت عليه فى المرحلة الثانوية

كانت ذات شخصية رهيبة

كانت شخصيتها قوية جدا وفى نفس الوقت ما تقدريش

تكرهيها وبصراحة اتمنيت انى اكون فى يوم من الايام شكلها

اما النظار بصراحة ما كنش لهم دور اوى معانا

ولا اى احتكاك مباشر الا فى اثناء الطابور

معلشى طولت عليكى بس انتى اللى جبتيه لنفسك

حد قالك تفكرينه بالايام الجميلة دى

الله عليكى يا شمس وعلى ذكرياتك

ودردشتك والله كل كلامك رائع رائع

طولتى ايه بس ده انا كنت حاسة انى عاوزة اقرء كمان

جزاه الله كل الخير مدرس العلوم هذا

وبالنسبة للمدرسة احب انا جدا هذه الشخصيات سواء فى التدريس او اى محال اخر

قوة الشخصية التى لا تتنافى مع الروح والقلب المحبين الخييرين لكل من حولهم

انا بقة كنت زيك كدة ارسم مش اكتب .. كنت دايما ارسم عيون جميلة

او ورووود ووجه امرءة لانى أهوى الرسم جدا كنت ارسم ببراعة

طول ما القلم فى ايدى ارسم على التختة

اياااااااام جمييييييييلة حقا

كل الحب والود الصافى

هلا انتو بتحكو التختة بس احنا بنقول الدُّرْج

المهم

انا كنت دايما راسمة شمعة مضوية وما بمسحها نهائي وكل ما تيجي مديرة المدرسة تقولي امسحيها اقولها ماشي وما امسحها ههههه عنيدة
ولما ترجع تلاقيها لسا موجودة تقول خلص خليها وكل ما تيجي تشوفني راسمة شي يعجبها تقولي ارسميه على ورق واعطيني اياه عندي

وبالاخر صار عندها كراسة كلها مني محتفظة فيها لحد الان وبعدها شجعتني ادرس فن تشكيلي لما اخلص ودرست سنتين ورجعت درست عربي ولهلأ علاقتنا ببعض كتير منيحة

هاد بالنسبة للدرج اما البنت اللي قاعدة عندي فاسمها كان سحر وكل ما حد يحتاجني وما يلاقيني يسال سحر او العكس ازا سحر غابت كنا روحين بجسد واحد الله يسعدها ويوفقها

هاد طبعا في مرحلة الاعدادية لغاية الصف العاشر
لأنو الابتدائية كانت مختلطة ما كنت بعرف كتير بنات

بالنسبة للمريلة وزي المدرسة ما كنا نلتزم لأنو الاغلب مدرسين وكانو يخجلو منا يقولو التزمو بس لما انتقلنا للمدرسة الثانوية كان في التزام

الزميلات كانو طبعا كتييييييير وحبيتهم كتير بس انا ما كملت في نفس المدرسة درست ب3 مدارس وكل كم سنة اجدد ناس جديدة وعلاقات جديدة فكانو كتييييييييير بس كلهم حبوني وحبيتهم

انما بعد الصف العاشر طلعت من المدرسة وتجوزت وانتقلت مدرسة تانية وما كان فيها بنات متزوجات فكانت النظرة شوية فيها عدة استفسارات وخجل واسئلة وانتقادات و
و
و
الباقي عندك اكيد

بس حاولت قد ما اقدر اكمل رغم صعوبة الموقف وكملت ونجحت وطلعت منها وانا مبسوطة ولهلا نفسي ارجع طالبة مدرسة

المدرس او المدرسة الذى لا ينساهم ولماذا؟

اوووووووووو كتير

بس اكتر واحد كان اسمو محمد الله يرحمه كان مدرس انجليزي ودايما علامتي عالية معاه وبعمرو ما ضربني او سمعني كلمة كنت مجتهدة بقا ومثل للكل الله يرحمه

وفي كمان المس اسمهان ونهى وعايدة وسهى وفريااااااااااال حبيبة قلبي

الله يسعدهم كلهم

ناظر مدرسته لكل مرحله ماذا كان يمثل له

لما كنت في ابتدائي ما كنت احب المدير تبع مدرستنا بس لما رحت مدرسة البنات حبيت مديرتنا ( الناظرة ) كتير كانت نعم المربية والله وسبحان الله من شوية كنا نحكي عنها انا وبنات حماي الله يوفقها

ولما رحت ثانوي ما حبيتها ابدا رغم انها كانت تحاول تقرب مني لأني الوحيدة في المدرسة متجوزة من الطالبات وتحاول تفهمني كيف اتعامل مع البنات بس ما كنت بحب طريقتها معي

ااااااااااااه ما احلا ايام المدرسة ياااااااااااريت ارجع بنوتة بمريلة وكتاب

احلا شي بحياتي ايام الطفولة والمدرسة

تسلمي يا ست صفا طولت عليكي لكن شدني ورجعني موضوعك لزكريات قديمة

كل الحب

يعجبنى جدا الاستفاضة فى الرد وبالاذات عند سرد الذكريات

كل ذكرياتك رائعة مثلك وكلماتك من القلب علشان كدة بتدخل قلبى بلا استأذان

كل الحب

ايه الحكاية هم الرجالة ملهمش ذكريات مع المريلة والتختة وهم صغار؟

أيبن أنتم ؟

» مراحل تكوين
» مراحل تشريع الصيام
» مراحل تشريع الصيام
» مراحل الرقي بالشخصية
» قصيدة بنت ملت من الدراسة