خليك فى حالك يا غلس

موضوع: خليك فى حالك يا غلس 2010-05-02, 03:51

خليك فى حالك يا غلس

نتكلم بقي فى الموضوع.

يا جماعة موضوع الاعتداء على حرية الاخرين والتدخل فى شئون ملناش علاقة بيها ، وعدم

احترام اراء الآخرين ، والنميمة على اى حد حتى لو ماشي فى الشارع ومنعرفش عنه حاجة

بقت حاجة منتشرة وسخيفة قوى وغير محترمة .وانا اقصد بكلمة التعدى على حرية وحقوق

الاخرين الحقوق الدينية والدنيوية .يعنى مثلا الراجل اللى بيشرب سجاير فى اى مكان يدخله ،

دة واحد بيتعدى على حقوق الاخرين فى الراحة فى المكان اللى هما فيه، هما مش داخلين

عشان يتخنقوا او يتضروا صحيا.دى حاجه .

وحاجه تانيه .

الناس بقي اللى بتسأل فى اللى ملهاش فيه خالص دى يعنى مثلا.

1 / هو انت متجوزتش ليه لحد دلوقتى؟

2 / هو انت ليه سايب شعرك كده ؟ ده كبير أوى !

3/ هو انتى ليه بتحطى ميكاج

4/هو انتى مش محجبه ليه؟

5/هو انت ليهلابس كدة؟

6/هو انتى ليه متلبسيشاسدال؟ (الإسدال نوع من انواع الحجاب )

7/هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة

فى الموضوع دة كتيرة اوى اوى واشكالها مختلفة)

8/الست دىماشية كدة ليه؟

9/هو الراجل دةلابس كدة ليه؟

10/ايه دة ايه حد فى الدنيا يلبساحمر على ازرق؟ دة طبعا واحد بينم على واحد ميعرفوش

اصلا .

11/هو ليه مش بيشترى هدوم كتير ويغير فى لبسه؟

12/دى اكيد بنتقليلة الادب طالما ماشية مع اولاد؟ (وطبعا ممكن تكون ياعينى ماشية مع

اخوها ولا خطيبها ولا جوزها )

13/هو انتوا ليه اتطلقتوا؟

14/ ولما تيجى تتكلم فى الموبيل تلاقي واحد متعرفوش اصلا بيقللك كنت بتكلم مين؟

15/ هى ليه بتتكلم فىالتليفون وهى ماشية فى الشارع ؟.. يا عم دى بتتمنظر علينا، آل

يعنى محدش غيرها معاه موبايل. (على اساس انه متأكد انها بتتكلم عشان تغيظه مثلا)

16/انت ليه بتحب النوع دة من المزيكا ؟ (سؤال غبي طبعا)

17/انت ليهمدايق اوى كدة ؟ (ولو قال مثلا مفيش حاجة مدايقانى او قال معلش دى حاجة

خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)

18/انتى ليهتخينة اوى كدة ؟ ( متخسي)

او انت ليه رفيع اوى كدة ؟ (انتى لازم تتخن شوية

مع ان اللى بيقول كدة دة ممكن يكون مفيش علاقة بتربطه باللى قدامه ابدا )

19/انتى ليه صابغة شعرك اللون الغبي دة؟ (طبعا هنا مفيش احترام للاذواق خالص)

20/هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك
ولا حاجة خالص)

21/انت على فكر رأيك متخلف جدا؟

(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى
مفهوش احترام للاراء)

22/انت ليه مبتقلش السلام عليكم؟ ليه بتقول مساء الخير؟

دى بعض الجمل لو قعدت اقول فى جمل زى كده مش هخلص.

الجمل دة ممكن نقبلها من حد قريب قوى مننا ،انما مش من اى واحد كدة يسأل فى اى
حاجة.

دى حاجة حاجة التانية مهمة قوى بقي،سواقين التاكسي الرغايين اوى دول اللى الشكوى زادد
منهم قوى ، نفسي يرحموا أ نفسهم من التدخل،يعنى مثلا وحدة ولا واحد يركب معاه ،يبتدى

، هو انت بتشتغل ايه هو انت مش عارف ايه؟؟

هتقللي ناس طيبين وغلابه ، حأقول لك ماشى . بس ميتكلموش فى حاجات شخصية.

فهل الناس مش عارفين كلام ربنا

((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا

خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ

بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))

موضوع: رد: خليك فى حالك يا غلس 2010-05-02, 05:33

جميل الموضوع يا درش

ياريت والله كل واحد يكون فحالو ودى خلقة ربنا مش ينفع اننا نتدخل فيها

وكمان دع الخلق للخالق الا اذا كان للنصح مش نتعبهم بكلامنا

موضوع: رد: خليك فى حالك يا غلس 2010-05-02, 06:55

شوف يا مصطفى

أولا فحوى الموضوع فعلا ممتاز

لكن عندى اقتراح .. ارجو الا يضايقك

اسم الموضوع ايه رئيك لو اصبح من حسن اسلام المرء تركه ما لا يعنيه

والتحفظ التانى على الموضوع

فعلا فى اسئلة وتدخلات سافرة وملهاش اى لازمة اننا نسألها لبعض ولا يجوز الوض فيها والتدخل

لكن فى امور اخرى هى نصائح واجبة علينا

لابد ان نسال عنها وننصح فيها اما بالتلميح او التصريح

كل حسب حالته وما يستعديه الموقفمن طريقة النصح

وجزاك الله خير

كل الود والتقدير

موضوع: رد: خليك فى حالك يا غلس 2010-05-02, 12:38

بطل بطل يا تريكه .. هوه ده التميز

لكن احنا كأصحاب ممكن نسأل بعض الاسئله دى لبعضنا

لكن مش هنقبلها من اى حد تانى زى انت ما فولت يا ريس

كل الحب

» خليك في حالك
» خليك جريء وادخل" انت وهى"
» خليك راجل بجد عشان تكونلك ست بجد.
» انا نازل شغلي بكره وانت خليك ......
» حالك يا زمن