admin
رئيس مجلس اداره المنتدى
عدد المساهمات : 2174
نقاط : 11844
التقييم : 4
تاريخ الميلاد : 02/12/1987
تاريخ التسجيل : 12/08/2009
العمر : 36
تعاليق : تخيل في يوم اختفيت
و رنيت عليا و ما رديت
و جالك خبر اني انتهيت
و وقفت على قبري و بكيت
يا ترى ساعتها هتقول كنت بحبك!!!!!!!!
و لا هتقول استغنيت؟؟؟؟؟
 |  موضوع: صميده بقا رئيس جمهوريه  2010-04-25, 14:24 | |
| لو صميده بقى رئيس جمهوريه هيعمل ايه
نشوف كده أول نشرة الأخبار بعد ماصميده قعد على الكرسي وشرب المعسل بتاعه وظبط دماغه
صرح مسؤل كبير جوي جوي جوي يابوي انه من الآن فصاعدا سيتم تنفيذ خطه -قال ايه- جديده عشان نواجه الأزمه اللي بيجولوا عليها ديه
وطبعا وحتما ولابد الالتزام بالخطه. واللي مش هيلتزم هنبلغ عنه جرجاوي وزير الداخليه عشان يحط السيخ المحمي في جفاه
نبدأ بالطيران
بيجولوا ان الطيران كتر جوي وان الواحد من دول واخد السكه من هنا لبلاد بره جياسه
وده ياحلوين مينفعش, وعشان نوفر في تمن الطيران وفي نفس الوجت نعمل فردات زياده قررنا تعيين كل سواجين الميكروباصات اللي شغالين على خط بولاق امبابه في مصر للطيران. السواج من دول يعملوا في اليوم الواحد اربع فرد كده وهوا مريح وحاطط ردل على ردل والجوزه جنبه
وطبعا السواج من دول هيركب اربعه في الكنبه اللي ورا
الأكل
بيجلوك ان احنا بنصرف على الأكل ياما, وده من حجنا, لكن جال ايه الناس طالعه في التجليعه الجديده بتاعة التيك اوااااااااااااي. لأ لأ مينفعش وعشان نربي جيل يجدر يشيل الهباب والطين وميجولش أي, هنجلب كل محلات التيك أواااااااي ديه لمسامط وهنخلي الدليفري لحد باب اوضة نومك
يلا خلي الشعب يعيش ودكاتره الجلطات يشتغلوا
بالنسبه لوزارة الصحه
نما الى مسامعنا في الفتره الأخيره ان نسبة الفرافير في البلد زادت جوي جوي يابوي. ليييييه؟ جال ايه بيجولك بيجيلهم انفلوسا. ياض انت وهوا داحنا زمان كان العيل يتولد وعنده البري بري والسكاربوتو ويجوم يجري زي الوحش ولا حد يهمه. والست من دول كانت تبجى حامل في الشهر الأربعين وشايله في بطنها دسته عيال وتنزل الصبح تلم الدوده من جفا الفلاحين في الأرض
شوفوا بجي من هنا ورايح هنرجع للطبيعه, مفيش دوا ومسخره ديه
كل يوم الصبح وانت نازل تضرب طبج الفول المتين ومعاه بصلتين وتومايه, وجري على شغلك. وهتبجوا زي الفل كلكم بعد أسبوع واحد
الاعلام
من دلوجتي وانت طالع وداخل مفيش مسخره الفيدو كليبات والمرجعه ديه, خلاص زمن الرداله ابتدى
نرجع بجا لفن الربابه والتحطيب بتاع زمن الرداله, والفاصل هيكون حلجه من مسلسلكم اللي بتحبوه "التار ولا العار ياجبيصي"
الدفاع
الجيش هيبجى 15 سنه واجباري على الكل كليله
وهندخل سلاح النبابيت وهنعمل سلاح النبوت الطائر وصاعقة الغيط
المواصلات
التك تك في الأحياء والجمل في المناطج الواعره
واللي هنلمحه راكب عربيه ولا حتى بينضفها هنطخه بالمراكيب لغاية مايبانله صاحب
واللي هنشوفه ماشي في الشارع ولا على كوبري جصر النيل ومعاه درمه من اللي مجلكبنشوفهم اليومين دول, هع هع هع, وش عل اللي هيحصله
عشان اللي هيحصله مينفعش يتجال
الرياضه
من هنا ورايح مفيش المتشات المايعه بتاعتكم
المتشات كلعها هتتلعب في الجبل
والفريج هيكون 70 لاعب مسلحين بالبنادج عيار 1000 ملي وخرطوشتين رصاص حي لزوم الخطط
والماتش هيتلعب تلات ايام واربع ليالي
والفريج اللي هيتغلب هنرميه للمطاريد والديابه
والحكام دوليين من كفر الزعبلاوي وابو راسين
الأحوال الشخصيه
الواد من دول لما يوصل سن 19 سنه لازمن يتجوز, واللي مش هيتجوز هنجوزه احنا بمعرفتنا
بلاش صياعه ودوران على حل شعره
والحرمه اللي هتطلب احمر ولا ابيض من جوزها, هنجوزها لواحد من الغفر الخصوصي بتاعنا
وذنبكم على جنبكم
فاصل ومش هنواصل
اجفل التلفزيون ياض منك له عشان النهارده خلص
اجفل
| |
|
صفا الروح
نائب رئيس مجلس الاداره
عدد المساهمات : 10588
نقاط : 20552
التقييم : 11
تاريخ التسجيل : 16/02/2010
المزاج : بنعمه والحمدلله
تعاليق : 
| | موضوع: رد: صميده بقا رئيس جمهوريه 2010-04-25, 14:35 | |
| | |
|
