يوم الحق

يا رب انت الحق والعالم
مين المظلوم من الظالم
يقول الناس ما يقولو لكنك شايف الباطن
ضحايا كتير وظََلمه كتير
ويوم الحق يبان الحق
لاكذب حينفع ولا تجميل
ميزان عادل بايد عادل
كله فى يوم العرض واقف خايف من عمله ومن نواياه
اللى كانت للاذى دفعاه
يخدع يغش يدوس عالكل يكنز قرش يطلع عرش
يتكبر ويتمخطر على المساكين على الملايين
وماله ماهو كله عشان مجده يبيعه رخيص
ضميره اه ودينه اه ابوه امه عياله كمان
لسانه ما صان يخوض فى الزور عشان يوصل
وسرقه عشان مايبقى كمان فى انسان غنى عنه
يهد بيوت ويزرع موت وايه يعنى دى عالم عاله وحثاله
ماهو الاعلى ماهو الاقوى ومين يقدر فى يوم يأذيه
نسى نفسه نسى ربه
ويوم الحق لسانه يقول وايده تقول وكله لظلمه حيسيبه
ميزانه يبان كله سواد ووشه فى الحضيض حيكون
ولا رحمه لامثاله ولا غفران
لانه اليوم حساب حيكون لرب الكون
وعالمكشوف كله يشوف عمل بعضه وياخد حقه من خصمه
وصاحب الخير يلاقى الخير وصاحب الشر يشوف القهر
فى قعر جحيم
ماهو زرعه حصاده هناك
ومن يزرع لابد يلم


قراتها مرة ومرة ومرة
وفى كل مرة الاقى بين السطور معانى ومعانى


وكم انت هائل يا كبير
وفعلا
من يزع لابد يلم
ياترى ما نوع زرعنا
اسال الله ان نكون من عباده الصالحين
وان يكون زرعنا خير لنحصده خير
فى مشاركاتك كم هائل من الفوائد يا ابو حسام
تترك فى قلوبنا مساحة كبيرة من الحب اكثر واكثر لك

الله عليك .. ما اجمل الكلمات والمعانى

تقبل احترامى