ازاى تقضى وقت مفيد على الانترنت

السلام عليكم ورحمة الله وبركاته

حبيت يكون أول موضوع ليا فى المنتدى يكون غرضه الافادة

اعتقد ان معظمنا بيقضى وقت كتير على الانترنت واعتقد ان معظم الوقت دا بيبقى بفائدة ضئيلة
فالموضوع هايبقى عن ازاى اقضى وقت كويس على الانترنت واحقق استفادة كويسة واكون مبسوط برضه

هاحاول اعرضلكم اهم المواقع المفيدة على الانترنت وبعض المعلومات عنها

wikipedia


http://www.wikipedia.org/

موسوعة الانترنت الكبيرة جدا الويكيبيديا
البادئة ويكى wiki دى بتعبر عن ان محتوى الموقع حر وقابل للتعديل من اى حد
وفعلا الموسوعة دى مشارك فيها ناس كتير جدا من كل انحاء العالم وممكن انت تشارك فيها
موقع الويكيبيديا ضمن اكبر 10 مواقع على النت كله

الموسوعة دى هاتلاقى فيها كل انواع المعارف اللى انت عاوز تعرفها
كمان ممكن تفيدك فى موضوعات علمية كتير ومعلومات حياتية وفى التاريخ ومعرفة الشعوب

مبدأيا الويكبيدبا متوفرة بلغات كتيرة جدا اهمها بالنسبة لينا

النسخة الانجليزية
http://en.wikipedia.org/
وفيها اكتر من 3 ملايين وربع مقالة او صفحة وهى تضم محتوى غزير جدا من المعرفة الانسانية بجد

النسخة العربية

http://ar.wikipedia.org/
وفيها حوالى 125 الف صفحة

اسهل حاجة انك تخش على النسخة اللى انت عاوزها منهم وفى مربع البحث تكتب الحاجة اللى انت بتدور عليها

وممكن فى الصفحة الرئيسية تبدأ تستعرض المقالات الموجودة من خلال التصنيفات والاقسام زى طب ودين واحياء وتاريخ وغيره

فى خلال قرايتك للمقالة هاتلاقى التنظيم شديد جدا وجميل اوى
ومن خلال اللينكات ممكن تشوف تفاصيل فرعية كتيرة
والميزة الافضل فى النسخة الانجليزية بالذات اهتمامهم بالتوثيق وذكر المصادر وارفاق المصادر فى المقالة واللى منها ممكن تعرف اكتر عن الحاجة اللى انت عاوزها

نسلم ايدك يا استاذ هاني
جزاك الله كل خير