شكرا ليك ياريس

زائر

شكرا ليك ياريس
على انجزاتك لمصر ولشعب مصر على تلاتين سنة
تلاتين سنة من الديكتاتورية والنظام الفاسد والنهب والسرقة والجوع والفقر وسرق احلامنا وانتهاك ادميتنا

وشكرا ليك ياريس
ان فى وقت ما كانت سياسة البلد الداخلية محتجاجك كنت انت مشغول بالمؤتمرات والقضية الفليسطينية وتارك القضية المصرية للوزراء الحرامية

وشكرا ليك ياريس
على كام عاملية ارهابة حدثت فى مصر واخرها حادثة كنيسة القيديسين والفتنة الطاءفية وانت عايزنا نتظاهر بان مصر بخير وسلام وكان شئ لما يكن

وشكرا ليك ياريس
على فساد الاكل والكيمويات المسرطنة الى اندست فى محاصيلنا وجابتلنا السرطان والكبد

وشكرا ليك ياريس
على المياه المليانة امراض وتلوث والى لو عاملنلها فحص هانلقيها غير صالحة للاستعمال الادمى

وشكرا ليك ياريس
ان الشعب المصرى بقا طبقتين طبقة غنية تقدر تجيب كيلو اللحمة ابو 50 و60 جنيه وطبقة فقيرة ما تقدرش تعيش ولا تاكل ولا تشرب ولا تلبس ومبقاش فى وجود للطبقة المتوسطة الحال طبعا على ايد حكومتك الكريمة

وشكرا ليك ياريس
ان الشباب المتعلم والغير متعلم بطالة على القهاوى بيتقتل طموحهم ويحطم قدرتهم وان حلم كل واحد فيهم انه يهاجر لاى بلد علشان يلاقى نفسه ويقدر يثبت زاته حتى لو هايتهان فى الغربة وممكن يموت

وشكرا ليك ياريس
لما حكومتك تعالجنا بادوية منتهى الصلاحية وفاسدة وان المستشفيات الحكومية الى داخل فيها على راجله بيخرج على ظهرواعلشان طبعا سرقة الاعضاء الى فى المستشفيات

وشكرا ليك ياريس
لما مواطن مصرى يبيع عضو من اعضاءه او عيل من اولاده علشان مش لاقى لقمة العيش ولا هو ولا اسرته

وشكرا ليك ياريس
لما الزبالة مفيش اكتر منها فى الشوارع لان حكومتك مش هاين عليها نعيش زاى اى شعب فى نظافة وبيءة صحية

وشكرا ليك ياريس
لما كل سنة طالب من الثانوية العامة ينتحر بسبب صعوبة الامتحانات والتعليم وان وزير التربية والتعليم كل يوم بيصعب على الطلبة وان فجاءة ابتداءى باقيت ست سنين والمدارس القومية باقيت تجريبية

وشكرا ليك ياريس
لما حكومتك والشرطة يضربوا على شباب بيتظاهر مظاهرة سلمية رصاص حى ورصاص مطاطى محرم دوليا وغاز مسيل للدموع وعصا كهرباية

وشكرا ليك ياريس
على غلاء الاسعار المستمر على مواطن بيقبض اقل من 500 جنيه ومرتبات ماتاكلش عيش حاف

وشكرا ليك ياريس
على ابسط حقوقنا الانتخبات الى بتتزور دايما والى يقول الحق يعتقل

وشكرا ليك ياريس
على الوزراء ورجال الاعمال الى هربوا بالمليارات وسرقوا البلد وفى الاخر بيرجعوا وكان شئ لم يكن

وشكرا ليك ياريس
على عشرات بل ميات القرارات التى تصدرها الحكومة المصرية لصالحها دون التفكير فى الشعب ومصالح الشعب وعلى الشعب القبول بالامر الواقع
شكرا ليك ياريس انت وحكومتك على تلاتين سنة
فقر
جهل
جوع
اهانة
زل
قتل ادمية
تشرد
ضياع
فساد
ظلم

وشكرا ليك ياريس
على تلاتين سنة حكمت فيهم بلدنا غصب عننا بانتخبات مزورة وغير عادلة

وشكرا ليك ياريس
على اولادنا وشبابنا الى حكومتك قاتلتهم بظلمها وبرصاصها وبالرغم من كل دا ان اراد الشعب ان يحيا يوما فاعلى القدر ان يستجيب وعلى القيود ان تنكسر

(الساكت عن الحق شيطان اخرس)

موضوع: رد: شكرا ليك ياريس 2011-04-20, 14:42

وشكرا ليك ياريس
ان
فى وقت ما كانت سياسة البلد الداخلية محتجاجك كنت انت مشغول بالمؤتمرات
والقضية الفليسطينية وتارك القضية المصرية للوزراء الحرامية

شكرا ليك يا ريس مصطفى

زائر

نغم كتب:: وشكرا ليك ياريس
ان
فى وقت ما كانت سياسة البلد الداخلية محتجاجك كنت انت مشغول بالمؤتمرات
والقضية الفليسطينية وتارك القضية المصرية للوزراء الحرامية

شكرا ليك يا ريس مصطفى

الموضوع مش زى مفهمتى يانغم

تعرفى انا كنت بحب الريس اوى وكنت شايفه ملاك

لكن الى بسمعه بيغيرنى

لكن التاريخ هو الى هيحكم

وعموما فلسطين ارضنا ومافيش امام مسجد بيسيب صلاه الا لما نشاركو الدعاء

بالنصر

شكرا لمرورك

يانغوم

موضوع: رد: شكرا ليك ياريس 2011-04-20, 15:04

انا كان اعتراضي على مبدأ أنو القضية الفلسطينية كانت شاغلة ريسكم عن وطنكم

في الوقت اللي ما في حدا مهتم فيها غير مصر وبعض البلدان العربية

انا متلك هيك كنت بحب مبارك وبتعجبني وقفته معانا وما كنت اهتم بما تحت الطاولة

كنت يا مصطفى فرحانة انو في حد مهتم بقضيتنا

بس لما شفت الموضوع انو بيزعجكم كشعب
وانو كمان ما عمل شي حيال القضية الفلسطينية يعزز النصر وقفت مكاني

طبعا كتييييييييير افكار راودتني شوية منها سلبي وبعضها ايجابي
بس ككل أهل مكة أدرى بشعابها

انشالله الايام الجاية احسن للجميع
لفلسطين ولمصر

وسوري لو ضايقتك على الصبح

كتبت بالاخضر حتى نمشي على طريق المصالحة والسلام

بتقبل ؟؟؟؟؟

زائر

ياخبر انا عمرى مزعل من اختى

تسلمى ويسلم قلمك والله كلنا نفسنا فى القدس

عندنا الطفل الصغير تسئليه نفسك فى ايه

يقولك اموت شهيد فى فلسطين كلنا معاكو والله
وانشالله القادم احلى

موضوع: رد: شكرا ليك ياريس 2011-04-20, 15:30

الله يرضى عليك أهم من كل الدنيا

موضوع: رد: شكرا ليك ياريس 2011-04-20, 17:58

يا جماعة سيبونا من الي فات وتعالوا نفكر في الي جاي

موضوع: رد: شكرا ليك ياريس 2011-04-20, 18:09

يا جماعة سيبونا من الي فات وتعالوا نفكر في الي جاي

صح يا ابو شهد الكلام ده

» أنا آسفة بجد ياريس
» بنحبك ياريس
» اسفين........... ياريس
» للى بيقولو احنا اسفين ياريس
» فين المصداقيه ياريس نرجوا تقديم الاعتذار