انـا لــيــه مـحـجـبـه ..!!!؟

موضوع: انـا لــيــه مـحـجـبـه ..!!!؟ 2010-10-12, 03:23

أنا محجّبـة ليـه؟ انـا لــيــه مـحـجـبـه ..!!!؟ 17

أنا محجبة -بعد إيماني بأمر ربنا إن الحجاب فرض على كل مسلمة- علشان الأسباب التالية
*******
1 -
انـا لــيــه مـحـجـبـه ..!!!؟ T7241k

علشان انا حرة .. مش من حق حد يشوف مني اللي مش عاوزاه يشوفه إلا بإرادتي .. ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر .. لازم هو كمان يديني مشاعره واللي باقي من عمره عن طيب خاطر
*******
2 -
انـا لــيــه مـحـجـبـه ..!!!؟ T7247

علشان أنا غالية ..مينفعش أقلل من قيمة نفسي واخليها عرضة لكل العيون ..ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني..حتى لو مكنش ده قصدي..بس مش حقدر امنعه..كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك..وده اللي علشانه ربنا فرض الحجاب .. علشان ميطمعش الذي في قلبه مرض.. مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع.. ده يتضمن حتي الزبال اللي بيسوق عربية الزبالة في الشارع.. كل دول بقى من الممكن انهم يبصوا لي.. لأ ده كمان يمكن ماعجبهمش ويدوروا وشهم إعراضاً
*******
3 -
انـا لــيــه مـحـجـبـه ..!!!؟ T7243

علشان أنا باحترم نفسي .. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية
*******
4 -
انـا لــيــه مـحـجـبـه ..!!!؟ T7242

علشان انا جمالي مش خارجي وبس .. ومن حقي ان اللي ييجي يتجوزني.. واللي هديله الباقي من عمري.. واللي هديله كل مشاعري.. واللي هاقاسمه أحلامي وأفكاري..واللي هخلف منه ولادي.. وهربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. علشان كدة مش ضروري يشوفني في كامل زينتي وجمالي قبل ما ي! تجوزني.. الأهم انه يحب روحي ويعجب بشخصيتي.. ويرتاح معايا نفسياً..أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده.. واللي اختارها علشان جمالها.. ممكن قوي يتجوز عليها واحدة أجمل منها.. لأنه أكيد في الأجمل منها يعني
*******
5 -
انـا لــيــه مـحـجـبـه ..!!!؟ T7245

علشان أنا باخاف على أخويا في الله ..اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه
*******

6 -
علشان أنا باشيل هم أخويا في الله .. اللي نفسه يتجوز ومش قادر لضعف إمكانياته المادية.. فمش ضروري يعني ازود عليه همومه... وأخيِلُه في الرايحة والجاية
*******

7 -
ده غير حاجة مهمة كمان .. الكفن بتاع النساء...فيه حجاب.. فاللي مش هتلبسه وهي حية بإرادتها طاعة الله.. هتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف.. ومحدش حيشوفنا تاني ولا حد حيطمع فينا..يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟
*******

الأسباب اللي فوق دي.. هي اللي فهمتني ليه ربنا فرض علينا الحجاب.. مش تعسير ولا تضييق.. الحجاب فعلا عزة وكرامة.. ميعرفهاش غير اللي داق طعم الستر
ربنا يهدينا ويهدي بنات وشباب المسلمين

سلمت يداكي موضوع ممكتاز

جعله الله في ميزان حسناتك

مش الحجاب الموضه بتاع البنات اليوك

انـا لــيــه مـحـجـبـه ..!!!؟ 125c0a9c9b8b

انـا لــيــه مـحـجـبـه ..!!!؟ 4baf4a3ecc

انـا لــيــه مـحـجـبـه ..!!!؟ 4231231972088595192

والله كنت بقول اني اعمل موضوع عن الحجاب من مبارح بس سبحان الله بتقرأي افكاري

وانا وانتي واحد يا قلبي

لأني بجد بشوف بنات كتيرة محجبة بس مش محترمة حجابها

وبنات غير محجبة ونفسها تتحجب

وبنات غير محجبة ولا حابة تتحجب

وبنات محجبة وملتزمة وجميلة

الموضوع اكبر من اي كلام بصفحة نت

بس بنقول

نسأل الله العفو والعافية والرحمة والهداية لكل أمة محمد

سلمتي يا عمري انتي

شيخ احمد

همسة

صدقتم والله فقليلا جدا ان نجد فتاة ملتزمة بالحجاب الشرعى الصحيح

وهى تعلم وتعى انه ليس حجابا للرأس فقط ولكنه سلوك وتصرفات وآداب لابد ان تلتزم بها

انـا لــيــه مـحـجـبـه ..!!!؟ 857133