راجع اصالحك

ضميني يا أرضي.. يا أمي .. يا طيبة
يا اللي من روحي ونفسي قريبة
راجعأابوس كل الحواري والبيوت
ناوي أعيش هنا .. وناوي أموت
مهما يكون في القلب من جرحك
خلاص نسيت .. خلاص أنا مسامحك
راجع عشانأاراضيكي أصلحك

كل شارع .. كل جامع .. حتي نيلك بيناديلي
وف غربتي انا كنت سامع
كان بيموتني حنيني
لأمي وأبويا لأختي أخويا
لغية حمام فوق سطحنا
لبنت الجيران .. لطعم الامان
في بيت واخدنا كلنا
للعب العيال ..
ونط الحبال..
لزفة ماشية في حيينا
وماترمينيش للغربة من تاني
دا انا نبت أرضك .. أنتي عنواني
مهما أضمك برده وحشاني
يا مصــــــــــــــــــــــر .. عشقك دمي وكياني .
يا مصــــــــــــــــــــــر .. عشقك دمي وكياني ..
يا مصــــــــــــــــــــــر .. عشقك دمي وكياني ...

تسلم الايادى والاحاسيس الرائعة

لك كل الود والتقدير

يا استاذ عبد العظيم احنا معانا حبة اعضاء فى المنتدى كلهم مواهب جميله .. من مصطفى لــ صفا لــ خالى عبد العظيم لــ ثروت لــ عبدالله شعبان لــ الشيخ احمد لــ ابو سعد لــ اسامه لــ شريف لــ ................................ وكل الاعضاء طبعا .. والله انا مش بحب اذكر اسامى علشان مش انسى حد بس بجد اجمل اعضاء فى اجمل منتدى

كل الحب