بالهناوالشفا

موضوع: بالهناوالشفا 2010-03-07, 19:29

السلام عليكم ورحمة الله وبركاته

اليكم جميعا اخواتى واخوتى

نبدء سويا وعلى بركة الله

ندخل مطبخ دبركى سوا

****

** بما انى ادبست ف المطبخ واللى كان كان يبقى لازم اشمر عن ساعدى البس مريلة المطبخ بس بلاش البتاعة

اللى بيلبسوهاعلى راسهم دى شكلها بينرفزنىومش ادرة افهم لحد الان ليه تصميمها عامل كدة .. عموما مش مهم

المهم اننا نبدء وعلى بركة الله

**بداية وقبل ما ابدء الاكل فى اساسيات نتفق عليها

اولا الاعتدال فى الكمية وفى التكاليف وده بامر من الله ورسوله

قال تعالى( كلوا واشربوا ولا تسرفوا انه لا يحب المسرفين)

وكذلك نلتزم بنصائح رسولنا الكريم صلى الله هليه وسلم

بألا نأكل الطعام حارا ولا متكأ ولا نأكل بشراهة حتى لا نرهق المعدة ونحافظ على نعمة الصحة وسلامة جهازنا الهضمى

واقدم لكم جميعا بعض النصائح او الاساسيات البسيطةوالاولية فى انتقاء الجيد من بعض الانواع

من الاطعمة عند شرائها وايضا ستكون لنا بامر الله بعض الارشادات فى كل مرة نتقابل سويا بمطبخنا

مطبخ دبركى لان تلاقينا هنا مش للطبخ فقط لا للاستفادة ايضا ببعض المعلومات والارشادات الخاصة

بحفظ انواع الفاكهة والخضروات وامثل انواعه عند الشراء وهكذا نستفيد جميعا ببعض الخبرات ده غير الاستفادة

بالطعم الجيد للاكل
ارشادات
هامــــــــــــة

1: لو وضعتى الزبد ى الفريز أو التلاجة راعى ان يكون مغلف جيدا وبعيدا عن الاطعمة ذات الرائحة القوية

وذلك لان الزبد تمتص الروائح ويتأثر طعمها بذلك

2: كلما كانت الخضروات طازجة فهذا افضل للصحة العامة اما لو احتجنا حفظها بالتلاجة فيجب الا تزيد عن اربع

ايام .

3: بالنسبة للبقدونس والنعناع والشبت وكل ما ينتمى لهم يحفظ بداخل التلاجة باكياس نايلون مملوءة بالهواء

حتى يساعد وجود الهواء داخل الكيس على منحهم مدة اطول بالتلاجة.

4:عند شراء السمك لابد ان نلاحظ ان تكون خياشيمة حمراء وزعانف صلبة وعيناه لامعتان حتى نتأكد من جودته.

اكيد جعتم صح.. حااضر

** بما ان مطبخنا بالحجز وانا عندى حجزين من قبل ما نبتدى

البسلة بالجزر والفراخ المشوية مع البطاطس

نبدء بالبسلة بالجزر حستخدم ابسط واسهل الطرق ليها وده طبعا علشان العرايس الجداد وعلشان

وعلشان كل من وضعته الظروف فى الاعتماد على نفسه فى اعداد طعامه بنفسه يعنى مطبخ دبركى

مش للنساء فقط مطبخ دبركىمتسع للجميع
**

** البسلة بالجزر الاصفر طبعا

المقادير: 1 كيلو بسلة مقشرة_ ربع كيلو جزر اصفر 1 كيلو طماطم_ فلفل اسمر_ فصين ثوم مهروس_ ملح

معلقة كبيرة سمن او زيت ذرة حسب الطلب وطبعا اللحم حسب المتاح

الطريقة

عند بداية عمل اى اكل لابد حتى نحصل على طعم جميل له ان نبدء بتتبيل اللحم مع البصل المبشور وفصين الثوم

ونضيف عليهم الفلفل الاسمر والملح وبسيط من البهارات

فى اناء حتى ونتركهم حتى ننتهى من اعداد باقى المقادير

يتم تقطيع الجزر وغسله يقطع الى قطع صغيرة بحجم حبة البسلة حتى تتناسب معها

يتم عصر كمية الطماطم وتصفيتها من القشر لنحصل على شكل افضل للبسلة عند الانتهاء منها

ويضاف الجزر والبسلة والطماطم مع ملعقة السمن او زيت الذرة الى اللحم والبصل الذى قمنا بتتبيلهم فى اول خطوة

ونضعهم فى اناء مناسب مع الكمية ونضع عليهم كمية الماء المناسبة ونرفعها على النار ونتابع حتى النضج

وكلمة بقة فى ودنكم: لو وضعناها ف الفرن ستاتى بنتيجة افضل بكتير لكن نراقب المياة فيها خلال السوا حتى نحافظ

على كمية مناسبة من السائل داخل الاناء اى ( الدمعة)

وبالهنا والشفا

** الفراخ المشوية بالبطاطس

طبعا بدايةلازم يكون وزن الفرخة اقل من2 كيلو حتى نضمن حسن التسوية
ده فى حالى اننا لن نقطعها الى اجزاء

اما لو ستقطع اجزاء فى صنية فلكى الحرية فى وزنها

تغسل الفرخة جيدا جدا بالخل والليمون والدقيق والملح

ثم نبشر كمية من البصل وشرائح ثمرتين طماطم وملعقة زيت مع فصين ثوم مهروسين وقليل من البقدونس

وكمية جيدة من البهارات والفلفل الاسمر والملح حسب الطلب والشبت والفلفل الاخضر

وتتبل الفرخة ونقوم بحشوها بهذا الخليط من الداخل ونحشو حتى ما بين الجلد واللحم بشكل كافى

وكلما تركنا الفرخة وقت اطول وهى متبلة بكل ما سبق كلما حصلنا على طعم رائع ونتيجة هائلة

ثم نقطع من نصف الى كيلو الا ربع بطاطس حلقات متوسطة السمك ونضعها فى الصنية مع رشة زيت ونخلطها

بجزء من نفس الخليط المتبلة به الفرخة ونضعها فى الفرن ونجعل حرارته بسيطة ولكى نحصل على

نتيجة اكثر من رائعة اتبعى الاتى

تترك الفرخة مدة لا تقل عن ساعتين فاكثر حتى تتشرب من الخليط الذى تبلناها به

ضعى صنية البطاطس داخل الفرن ومعها بعض الماء وضعى الفرخة على شبكة الفرن

بحيث تكون الصنية فى نفس حيز الفرخة اى الصنية على ارضية الفرن والفرخة اعلاها على الشبكة

منفردة وكلما نضجت الفرخة تساقط بهريزها كله داخل الصنية الى توضع اسفل الفرخة ويتم نضح الفرخة

بشكل اجمل من ان توضع بداخل الصنية وراعى ان تكون النار هادئة وممكن ان تقطع الفرخة او توضع

كاملة مع البطاطس فى نفس الصنية للكم مطلق الحرية

ومدتها ف الفرن حوالى ساعة ونصف مع النار الهادئة
وبالهنا والشفا

بمناسبة بقة الاشراف لية وللاستاذ ثروت نقدم نوع بسيط من الحلويات

**

اصابع الجلاش بالكريمة

المقادير: نصف كيلو جلاش _ اتنين باكو كاستر ( كريمة صفراء) _ فانيليا_ 2 كوب سكر كبيرة
1 كوب ماء كبير

ومقدار نصف كوب زبد بلدى سائل

عمل الشربات اولا: يوضع 2 كوب سكر + ا كوب ماء مع نقطتين عصير ليمون ويتم رفعهم على النار

حتى نحصل على قوام اقل قليلا من قوام العسل وفى نهاية الغليان نضع نترات بسيطة جدا من الفانيليا

تجهيز الكريمة: نقلب محتو ى 2 باكو كريمة فى كوبين من الماء على البارد مع دون سكر ثم نرفعها

على النار مع التقليب المستمر ويراعى اننا لابد ان نحصل على قوام سميك لها اكثر من قوام الكريمة العادية

وعند الانتهاء منها نبعدها عن النار ونضيف اليها كمية بسيطة من البشر والفانيلي وكمية بسيطة من

الزبد السائل ونقلبها جيدا ونتركها تبرد بعض الشىء

نقطع اوراق الجلاش الى نصفين ثم اربع قطع ثم الى ثمن قطع حتى نحصل على مربعات

تقارب نصف كف اليد ونبدء كل مربع على حدة نضع قليل من الزبد السائل بفرشاة خاصة بذلك او بملعقة صغيرة

ثم نضع جزء من الكريمة بنفس الملعقة ونلف ورقة الجلاش على شكل صوابع ونكرر نفس الشىء مع

كل مربع من ورق الجلاش حتى تنتهى الكمية

توضع الصوابع فى شكل متساوى فى الصنية ويدخل الفرن ومدة سواه لا تزيد عن ربع ساعة فقط حتى نحصل

على اللون الذهبى

وعند الانتهاء منه نضع عليه الشربا ت بعد ان يكون تم تبريده وبعد ربع ساعة تقريبا نرفع الاصابع

من الشربات ووضعها فى طبق وبالهنا والشفا

يارب تنفذوا وتأكدوا انها حتعجبكم جداااااااااااااا

وكفايا كدة انهاردة احسن تعبت والاطباق كتيييرة والحلل اكتر

ولو سمحتم ما حدش يقولى جعااان قبل اسبوع من انهاردة

فى امان الله

موضوع: رد: بالهناوالشفا 2010-03-07, 20:27

السلام عليكم
ازيك اخت صقا موضوعاتك هايل جدااااااااااااااااااااا

بس حنبدا من اولها في الكوسه ولا ايه

انا طلبت من اول شئ بطايه لداتي انتي بقا بسله وجزر وكمان بطاطس بالفراخ

انا بجد كدا حزعل
بس بجد بالهنا والشا لك ياعطالله انتا ودرش

موضوع: رد: بالهناوالشفا 2010-03-07, 21:03

** البسلة بالجزر الاصفر طبعا

انها من افضل ما تحبه نفسى فى عالم الطبخ

وتسلم ايدك

وبالهنا والشفا

ومعذرة سيتم نقل الموضوع الى قسم المطبخ

عشان مبحبش حاجة تقع برة الصينية

تقبلى مرورى

موضوع: رد: بالهناوالشفا 2010-03-07, 22:07

هههههههههههههههههههه

معاك حق انقله ولا يهمك

شاكرة مرورك

موضوع: رد: بالهناوالشفا 2010-03-07, 22:25

حلوله البطاطس والبسله وانت ياعم الشيخ انتظرنا شويه
ناكل احنا الا ول

ههههههههههههههههههههههههههههه

وتعالى منابك متعان

ولا انت مصمم تاكل هنا

موضوع: رد: بالهناوالشفا 2010-03-08, 00:22

** الجايات اكتر يا شيخ احمد

** مطبخ دبركى مليا ن بخير ربنا

** ومصطفى عنده بط يعنى مش حتحتج مطبخنا

احترامى للجميع

موضوع: رد: بالهناوالشفا 2010-03-08, 00:55

السلام عليكم عموما شاكر لكم جميعا وانا حعمل بوصيه صفا

يادرش جهز البط طالما وقعنا في وسط ناس بخلا

بقالنا سنه بنتحايل عليهم علشان بطايه
ربنا يخلي لي الحاجه مغرقاني بط

ولا الحوجه ليكو

وعموما متشكرين وححخلي ام عبده تروق لي اكله بط ممتازه

موضوع: رد: بالهناوالشفا 2010-03-08, 05:22

يعتى مش مخلى
عقايق وعزايم
وولائم
ارحم
رحمتك يارب

موضوع: رد: بالهناوالشفا 2010-03-28, 12:06

انا متشكر جدا جدا يا شيف صفا على وصفة البسله بالجزر .. ولكى كل تقدير

تقبلى احترامى

موضوع: رد: بالهناوالشفا 2010-03-28, 13:17

الف هنا وشفا ليك وللجميع .. انت تؤمر يا عندليب

لك كل الود المعطر بعبير الورد