احمد الفقي عضو مجلس اداره
عدد المساهمات : 2467 نقاط : 9733 التقييم : 0 تاريخ التسجيل : 14/08/2009 تعاليق : سبحان الله والحمد لله ولااله الا الله والله اكب
اللهم احمي مصر واجعلها بلدا امنا واحفظ اهلها واحفظنا وسلمنا من هذه الفتن التي نحن فيها ووحد كلمتنا
| موضوع: من انواع الاسماك البوري والزرقاء 2013-01-09, 14:19 | |
| سمكة المياس ( السمكة الزرقاء)- Bluefish
البيئة الطبيعية : سمكة بحرية جوالة أو مهاجرة تعيش في البحار و المحيطات في المناطق الإستوائية و المدارية على عمق حتى 200 متر تعتبر سمكة هامة في رياضة صيد الأسماك و يتم صيدها بواسطة الطعوم الحية و الصناعية . تتواجد في المياه الإستوائية و المدارية في المحيطات بإستثناء شرق المحيط الهادي في شرق الأطلنطي تتواجد من سواحل البرتغال إلى جنوب أفريقيا مرورا بالبحرالأبيض المتوسط و البحر الأسود و جزر ماديرا و الكناري و في غرب المحيط الأطلنطي من كندا و برمودة حتى سواحل الأرجنتين , وفي المحيط الهندي على طول الساحل الأفريقي الشرقي و مدغشقر و جنوب عمان و جنوب غرب الهند إلى خليج مالاي و غرب أستراليا , وفي جنوب غرب المحيط الهادي و أستراليا ما عدا المناطق الشمالية و نيوزيلاندا , لا تتواجد في شرق و شمال غرب المحيط الهادي . تتواجد في المحيطات و البحار و المياه الساحلية و شائعة في مياه الشواطيء و رؤوس السواحل الصخرية و المياه النقية ذات التيارات القوية و النشطة و تتواجد أيضا في المياه الرائقة بطيئة الجريان المياه الضحلة الساحلية على عمق 2 متر على الأقل تتجمع في أسراب تطارد الأسماك الصغيرة و خاصة تجمعات البوري أو السردين , و هي تدمر أعداد كبيرة من أسماك هذه الأسراب أكثر من حاجتها للطعام , و تتغذى على الأسماك و القشريات و السبيط و الكاليماري و تشارك أسماك القرش و المفترسات الأخرى في التواجد . سمكة مفترسة و عدائية جدا وهناك تقارير تفيد بأنها تعض عندما يتعامل معها في بيئتها الطبيعية , وهى متجولة في أغلب اطوار حياتها و تهاجر للمياه الدافئة في الشتاء و المياه الباردة في الصيف . تعتبرسمكة جيدة لهواة رياضة صيد الأسماك نظرا لأنها سمكة مقاتلة , سمكة طيبة للأكل موسم الصيد: يتواجد المياس طوال العام و لكن يكثر فى فصلي الربيع و الصيف .
أنسب اوقات للصيد: من العصر لغاية بعد غروب الشمس بساعة تقريبا , ومن قبل الفجر بساعة لغاية شروق الشمس
طرق صيد : هناك طريقتين لصيد المياس :- 1- و يتم الصيد من القارب و ذالك باستخدام غزل الصنار وهذا يتكون من شعر رقم 100 او 120 وطولة ممكن 200 او 250 متر, و يتم ربط كل 2 او 3 متر صنارة كبيرة في سلك , وبين كل صنارة والثانية رصاصة ( ثقيل ) ويطعم في كل صنارة سردينة كاملة او نص سردينة ويفرد الشعر في الماء و يترك من الليل الى الصباح . 2- باستخدام البوصةو الماكينة الشعر المستخدم رقم 40 او 50 بوصة الصيد تكون من نوع ممتاز تتميزبالصلابة , و يتم استخدام صناررقم 1 او 2 باستخدام سلك صلب مخصص لصيد الاسماك ذات الاسنان القوية ,الرصاص متوسط الوزن . الطعم المستخدم : الاسماك الصغيرة و يفضل السردين – المرمار–الموزه
البوري
البورى من انوع السمك التى تعيش فى مجموعات كبيرة و يطلق بعض الصيادين على البورى حسب حجمة اسماء منها البوري الصغير: جران المتوسط: بوري الكبير: كمبوت غير طبعا اسماء كتير زى جعبوب – طوباره – اصفر ودن و ينتسب له 10 اجناس و حوالى 100 نوع سمك يتواجد البورى عادة في المياة متوسطة العمق يعني من 3 ل 6 متر تقريبا و بيعيش فى المياه المالحه و العذبه موسم صيد البوري : يتواجد البورى طوال العام و لكنة بيقل جدا في الصيف والشتاء يعني لما المية تسخن قوي ولما تبرد قوي طرق صيد البوري البوري عادة بنصطاده بالبوصة العادية وده بيكون بطريقتين 1- الصيد بالفلة البورى من الاسماك الحساسة جدا علشان كده لازم نختار وقت الصيد وعدة الصيد المناسبة صيد البوري يكون بهدوء شديد ولو بتصطاد بالنهار لازم تختار مكان لا ينعكس الظل المترتب عن خيالك على المية يعني لا تجعل الشمس في ضهرك علشان ظلك مايجيش على المية الشعر الاساسي مش اكتر من 25 شعرالارمه من 12 ل 20 السلاح 10-11-12 صيد البوري بالفلة يكون طعمك عجينة ومش اي عجينة لازم تكون طرية . بالنسبة لشعرالارمه بيكون قصير يعني فرع 25 سم والتاني 20 سم العمق اللي بتصطاد علية يكون نص عمق المية اطعم العجينة وارمي.. خطاء يرتكبة جميع الصيدين احنا قلنا ان البوري حساس جدا لاي حركة غريبه لو انت رميت زي ما بترمي يبقى مش حتلاقي ولاسمكة بورى في المية يبقى احنا لازم ننزل الفلة بالراحة في المية و توكل على الله . البوري مش بياكل زي باقي السمك البوري فيه ناس بيقولو انه بيلحس الطعم وده طبعا مش صحيح لانه بياكل ولكن لان بقه فتحته لفوق وبقه صغير جدا فبيسحب من الطعم حتت صغيرة جدا وعلشان كده لما بياكل بنلاقي ان الفلة مش بتغمز بنلاقي ان الفلة بتتحرك حركة بسيطة احنا بنقول انه بيخنق الفلة لما السمكة تاكل معاك اوعى ترد فيها جامد وده لسببين اولا لاننا قلنا ان اي حركة غريبة حتخلي السمكة تفزع وثانيا لان بق البوري ضعيف لو اديتة واحدة جامده شوية حتلاقي بقة بس هو اللي طالع وطبعا لو السمكه كبيره حيتقطع الشعر علشان بنستخدم شعر رفيع . 2- صيد البوري بالربع (المشنقة) شعر اساسي 25 شعر الارمه 15 ل 20 الصيد بدون فلة الشعر الاساسي طولة نص عمق المية السلاح كبير شوية يعني 6 او 5 وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم , ونحط رصاص شريط حوالين مكان توصيل السنانير ,الصيد بيكون بعجينة ناشفة , بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية في الطريقة دي البوري هو الي بيوقع نفسة وعلشان كده سموها المشنقة. وممكن نستخدم طعم تاني مع الطريقة دي وهو السردين تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة . صيد البوري بالبوصة والماكينة (السندويتش) الشعر الاساسي 40 شعر الارمه 30 او 35 وده لازم لان السمك اللي بيضرب عليك سمك تقيل السلاح بيكون حوالي 6 او 7 بنربط 10 او 15 سناره كلها متواليه فى شعر حوالى متر و نصف وبتكون الرصاصه متوسطه الوزن و حره يعنى مش بنثبتها ونجيب قطعة فل حوالى 15 سم فى 10 سم و عيش بلدى بس نقلب الرغيف بحيث يكون الجزء الداخلى هو اللى بره ونلف العيش على الفله ونلف الشعر بالسنار على العيش بحيث يكون السنار موزع على جميع اجزاء العيش ونجيب استيك عادي من بتاع الفلوس علشان يثبتهم كلهم مع بعض . لما بترمى بالماكينه علشان الرصاصه حره بتنزل و تثبت على الارض و يطفو العيش على سطح و ما يتحركش مع تيار المياه و لما السمك بيحاول ياكل العيش بيشبك نفسه فى السنار .
طريقة تحضيرالعجينة لصيد البوري :- اولا العجينة الطرية كوب دقيق – مية حسب الاحتياج - سكر يخلط الدقيق مع الماء و كميه صغيره من السكر و يقلب جدا حتى يصبح القوام متمكاسك و يرفع على النار ونقلبة لغاية بقى متماسك بيبقى قوامها عامل زي قوام الشحم اللي بنشحم بيه . سيبها تبرد وحطها في علبة بس لازم لاحظ ان تطعيم العجينة الطرية عايز خبرة لانك لازم تطعمها بفمك بمعنى انك بتاخد حتة عجينة صغيرة على السنارة في فمك وتلف العجينة على السنارة بلسانك فالغلطة حتلاقي انك اصطدت نفسك . ثانيا العجينة الناشفة ودي بتكون للصيد بالربع وهي عبارة عن عيش بلدي عادي جدا وبنبلة ونعجنة بادينا ونسيبة جنبنا في الشمس او الهوا ولو احتاج مية تاني نديلة وده تطعيمة ساهل جدا لانك بتاخد حتة وتحط الرصاصة في نصها وتلف العجينة عليها بايدك و تضغط عليها زي ما تكون بتعمل كفتة . لصيد البوري يجب ان تنفذ بعض الاجراءات وهى تحضير المرمى , وهو انك لازم تجمع السمكة الاول وده بيكون بالتزفير ,والتزفير بيكون بعيش مبلول في جردل مية لغاية ما يفرول وتعملة كور صغيرة وترمية في المية ,والتزفير للبوري شئ اساسي لان البوري بيتجمع على ريحة العيش في المية وكمان لازم تلاحظ ان مع كل سمكة تطلعها لازم ترميلك كورة او اتنين تزفر بيهم علشان تثبت السمكة تحت منك التزفير بيكون قبل ما تبتدي تصطاد بفترة ممكن توصل ساعتين ويكون متواصل علشان تقدر تجمع اكبر كمية من البوري . ========== | |
|
احمد الفقي عضو مجلس اداره
عدد المساهمات : 2467 نقاط : 9733 التقييم : 0 تاريخ التسجيل : 14/08/2009 تعاليق : سبحان الله والحمد لله ولااله الا الله والله اكب
اللهم احمي مصر واجعلها بلدا امنا واحفظ اهلها واحفظنا وسلمنا من هذه الفتن التي نحن فيها ووحد كلمتنا
| موضوع: رد: من انواع الاسماك البوري والزرقاء 2013-01-09, 14:20 | |
| ياريت تظلل الفراع حتي تعرف فوائد الاسماك عايزين عزومه سمك بجد | |
|
أبوشهد مراقب عام
عدد المساهمات : 1862 نقاط : 7304 التقييم : -1 تاريخ الميلاد : 01/05/1983 تاريخ التسجيل : 30/06/2010 العمر : 40 المزاج : عـــــ العــال ـــــال الحمد لله تعاليق :
| موضوع: رد: من انواع الاسماك البوري والزرقاء 2013-01-09, 18:03 | |
| حلوه فكره التظليل دي ا شيخ أحمد
شكلك بتحب السمك أوي
| |
|
ياسرجلهوم مشرف دبركاوى
عدد المساهمات : 1269 نقاط : 7198 التقييم : 0 تاريخ الميلاد : 12/08/1970 تاريخ التسجيل : 28/07/2010 العمر : 53 تعاليق : ان لم تروني يوما هنا فلتعلموا اني قد رحلت فاتمني ان تكون القلوب صافيه والنفوس عني راضيه
بالاخوه قابلتكم وها انا ذا بها اودعكم
اعتذر لكل القلوب التي يوما ما ادميتها
الإنسان لا لحمه يُؤكل ولا جلده يُلبس
فـ/ماذا فيه غيرحلاوة اللسان وجمال الخلق
سمع عُمر بن عبد الخطاب صوت الرعد ، ف بكى بكاءً شديدًا !
فقال له احد رفاقه : مايُبكيك يا أمير المؤمنين ؟ ، فقال : هذا صوت رحمته فكيف صوت عذابه
| موضوع: رد: من انواع الاسماك البوري والزرقاء 2013-01-10, 06:34 | |
| احمد لو جبت العسل اعزمك علي سمك | |
|
احمد عاشور المشرف العام
عدد المساهمات : 902 نقاط : 6318 التقييم : 0 تاريخ الميلاد : 22/08/1981 تاريخ التسجيل : 17/08/2010 العمر : 42 المزاج : الحمد لله رب العالمين تعاليق : اعلم ان الأمة لو اجتمعت على أن ينفعوك بشيئ لم ينفعوك إلا بشيئ قد كتبه الله لك ، ولو اجتمعت على أن يضروك بشيئ لن يضروك إلا بشيئ قد كتبه الله عليك .
| |