ياللا بينا نحب مصر من تاني

موضوع: ياللا بينا نحب مصر من تاني 2011-12-11, 04:23

تذكير بمساهمة فاتح الموضوع :

ممكن اعرض فكرة علي اعضاء المنتدي الكرام .
عاوزين نعرف اللي مايعرفش عن مصر عن اهل مصر عن شعب مصر عن سواحل مصر عن شواطئ مصر عن نيل مصر عن قري مصر عن مدن مصر عن كل شبر في ارض مصر

اكيد كل واحد فينا زار محافظة علي الأقل من محافظات الجمهورية .
اعتقد ان الكلام دة مافيش فية خلاف .
لازم يتكلم عنها وانا بارشح الاستاذ/ عبدالله شعبان
وبعد ان ينتهي يختار من يبدأ وهكذا دواليكم

ياللا بينا نحب مصر من تاني - صفحة 2 232011_md_12984670101

تنبيه مملؤء بالود لجميع المشاركين والذين سيشرفوا المشاركة بهذا الموضوع القيم

رجااااااااء

أن لا يحيد المشارك او من يقوموا بالرد عليه عن اصل الموشوع

وحتى لا تتوه منا خيوط الموضوع والغرض المنشود من سرد وقائع جولات ورحلات

السادة أعضاء المنتدى .... وهو حب بلدنا من تانى واكتشاف جمال اراضيها ومناطقها

واتاحة الفرصة لكل من لم يزور مناطق ومحافظات مصرنا الحبيبة

ان يزورها من خلال جولات المشاركين

ولا تنسوا الفضل ينكم .. فالتقدير كل التقدير للاستاذ عبد الباسط لفركته ولصفحته التى جمعت الجميع

على حب مصر

وننتظر المزيد من افكارك الرائعة استاذ عبد الباسط

ياللا بينا نحب مصر من تاني - صفحة 2 Images?q=tbn:ANd9GcRUd7e7rpqNmsuVFlm8nU5N3_3ephCzwqs1rxOjJRBc7rAryeWFwqW6CQ

ياللا بينا نحب مصر من تاني - صفحة 2 Images?q=tbn:ANd9GcRUd7e7rpqNmsuVFlm8nU5N3_3ephCzwqs1rxOjJRBc7rAryeWFwqW6CQ

ان جاز لى لاقتراح يا عبد الباسط فى مشاركة خاصة بك

فنظرا لأهمية المشاركة ومن باب أنها أصبحت ملك للجميع اسمحلى اقترح اقتراح لصالح المنتدى

وبصفتى الرسمية ( نائب رئيس مجلس ادارة المنتدى ) احم احم

اصدر فرمان بأن صاحب الفكرة يستلم دفة الموضوع يسطر لنا ما فى جعبته عن محافظات مصر

حتى ينتهى ابو يوسف من انشغالاته وينور الصفحة

وهذ حتى لا يتعطل موضوع مهم كهذا وبالذات انه لاقى ترحيب واستحسان الجميع

فلتتفضل استاذ عبد الباسط .. نحن تواقين لمعرفة جولاتك

مع التقدير

اين انت ياابا يوسف
وللا نعمل عملية تبديل تاني .
وللا نسمع كلام السيدة/صفاالروح
نائبة رئيس مجلس الإدارة إحم إحم إحم ....
انا محتار جدا

اتكل على الله يا عبدالباسط دا فرمان من المندوب السامي الدبركاوي

يعني مفيش مفر

في انتظارك

موضوعك رائع مثلك يا عبد الباسط
وفعلا انت ما تعرفشى الدنيا يال ما زرت مصر

مصر أطيب واجدع شعب
مثل انبل وأطهر ناس
اجمل ما فيها ان لقمة هنية تكفى مية

احترت ابدأ منين يا عبده
لكن اللقمة الهنية ال بتكفى مية هيا ال هبدأ بيها

فى عام 90 كانت رحلة شاقة بدأت من القاهرة والمفروض نروح الاسكندرية وطبعا دى كانت ايام الجاهدية .. صحينا من النوم فى الفجرية واصلا ماكان فيه لا نوم ولا غطا ولا حتة بطانية كل ال معانا من الزاد صفيحة جبنة بيضا وشوية جراية وكل واحد يدور على نفسه بقى دا كان كلام الكل ليا
ركبنا قطر يسلام بيسير بسرعة سحلية لا دا السحلية اسرع بكتير قوى وحياة عنيا .. المهم الكل بيتسامر والاشاعات ملية كل عربية محدش عارف على فين المشوار ال ابتدا من الفجرية .. ناس تقول الاسكندرية وناس تقول رايحين نحمى السعودية وناس تقول احنا رايحين نجيب صدام من الاراضى العراقية .. مرينا ببلاد وبلاد وفجأة لقينا نفسنا فى الاسماعلية وهنا بانت شهامة المصرى والمصرية ولاد البلد الجدعان ياه موقف مش هنساه ابدا
القطر وقف عربية ورا عربية والكل جوعان ونازل ينادى هاتو اكل لينا او شربة ميه .. راجل شايل قفص عيش رماه من يده فى اقرب عربية ورجع تانى يجيب كمان شوية وفجاة لقيت ست عجوزة باين عليها بلغت من العمر تقريبا ميه
خطفت قفص عنب من تاجر فارش قدام عربية وهو بينادى عليها تعالى يا ولية انت يا ولية .. هب سمعنا فرملة عربية وقعت الست وقامت فى اقل من ربع ثانية... ورمت قفص العنب وراجعه تجيب واحد تانى شدها التاجر من الجلابية ........ردت عليه وقالت له هدفع لك حسابك دول عساكر ولقمة هنية اكيد بتكفى مية ...كل دا والقطر واقف وكانه مصدق لاقى الست الكريمة ال لابسة جلابية ومن يومها عرفت ان فعلا لقمة هنية بتكفى مية لانى مش هنسى ابدا موقفها الست ال كانت من بلد اسمها ((نفيشة )) احدى قرى محافظة الاسماعلية

اسيبك تتسلى بالكلام البلدى دا يا عم عبده
وبعدين هكملك الكلام والرحلات شوية شوية

ياسلام

متعتنا شويه بحكاويك عن الست ام جلابيه

بس المره الجايه تكون الحكاية اطول شويه

قولوا يا ناس
فين غير مصر الجميلة تلاقى الاخلاق دى
لما تكون جالس على كرسى ومسترخى واخر انسجام ومصدقت تجلس فى اتوبيس زحمة وتلمح ست او شيخ مسن او واحد مش قادر يقف على طول عقلك مش يقدر يلف ولا يدور على طول بتنادى وتقول اتفضل اقعد مكانى او اتفضلى اقعدى مكانى .. هرجع أقول من تانى دى اخلاق المصرى ال مش قى مكان تانى .. هيا دى الرجولة والجدعنة ومتلاقيش حد يقول وانا مالى .. بكل بساطة تعالى يا حج اقعد مكانى ..صعب بجد تلاقيها غير فى مصر ولا فى اى بلد تانى ..

الحقيققة قصة مصرية

وكلام جميل محمل برائحة النيل

وعطرالطيبة فى الشعب المصرى الأصيل

اعتقد اني الاستاذ/ عبدالله رد من قبل والان لاأجد ردة .
فية اية يا درش

انا آسف جدا يادرش .
العطل من عندي انا ....
الاستاذ عبدالله شعبان اتأخرت علينا في الرد وعندما رديت امتعتنا بما ذكرت عن الست ام جلابية وعن الاخلاق المصرية الاصيلة التي لاتوجد في اي مكان في العالم الا عند الشعب المصري ...
جازاك الله خيرا .
والآن تتغير دفة الحوار وتتجة الي السيد رئيس مجلس الإدارة الاستاذ/ مصطفي الفقي ....
فليتفضل علينا ويمتعنا بواحدة من جولاتة الشيقة لإحدي محافظات بلادنا الحبيبة ....
اتفضل ياريس

الرد موجود يا عبد الباسط

وواضح ادامى..يمكن النت ضعيف عندك؟

ويسأل فى ذلك مصطفى

اتفضل يادرش .
وللا إنت كمان مشغول

زائر

ههههههههههههه هيا جت عليا يعنى

لا مش مشغول معلش النت كان فاصل

دخلت اهو وهحكى

بس فين العصير

ماشي ماهو انت الريس ليك حق تطلب عصير

أجمل عصير لأجمل ريس

يارب نلخص و ننجز

بعد اذنك يا عبده أنا عزمت عليه بالعصير علشان ميبقاش له حجه

واحد يامحمد ...
المهم ننجز بقي

واحد يامحمد ...
المهم ننجز بقي

طبعا عذرا تانى للتأخير

وهسرق الميكروفون لحد الريس ما يشرب العصير ال محد قال حتى اتفضل
يلا

احكى ليكم حكاية خفة دم المصرى وطيبة قلبه

واختم بيها جولاتى مع وعد انى هقدم حلقات تانية فى النهاية لما الدفة تيجى تانى

فى الصيف الحار
كنا نحب الهزار... مع أكل سمك مشوى وتسالى ليلا بالفيشار

كنا فى المدينة الجميلة ال ما بنزورها ال لما الجو بيكون حار
تعال شوف الحكاية
فى يوم كنا فى البحر بنغسل هموم ايامنا
لقينا شباب همها تعكنن على الناس
قلنا ناخد منهم الجو
ونخليهم يضحكوا من غير ما يغلسوا
كنت انا واحد صاحبى اسمة حسن

ايه يا حسن مال البحر كده النهاردة

ماله يا عبد
ياعم انت مش فى الدنيا
صحيح منتا نمت انبارح بدرى
ايه يا ابنى ال حصل
يا عم اسكت اسكت
انبارح حصل فيضان كبير قوى فى السودان
اها
وبعدين
وبعدين ايه يا ابو على
بقولك فيضان جامد
علشان كده فتحوا السد العالى والميه جاية كتير
دا حتى ميه البحر النهارده عدبة ( ملحها قليل )

حسن طبعا فاهم حوارى
اوهم صاحبنا ال حط ودنه فى فمنا
وسمع كلامنا
وقبل حسن ما يحط الميه فى بقه
كان صاحبنا الاسكندرانى شارب الميه
وقال صحيح الميه عدبة
هههههههههههههه
وهاتك يا ضحك انا وحسن والراجل ال شرب المقلب
قصدى حلى بالميه

قطسنين من الضحك

وفى اليوم التانى
حسن
ايه رايك
فى بتاع الطرشى على على اول القمة
ايوه
الراجل ال اشترينا منه انبارح طرشى علشان نتسلى بيه
ايون
انت عارف
ماله
دا راجل معندوش ضمير
تصدق
لقيته نازل يملى براميل الطرشى ميه من البحر
وسألته بتعمل كده ليه
قال لى
انا لسه هشترى ملح وادوب ماهى الميه مالحة جاهزة

يدخل شاب وسيم بيعوم جنبا
انت بتقول ايه يا كابتن
الراجل عمل كده
ايون
بتاع الطرشى
ايون
ال فى اول الشارع ده
ايون
نهار ابوه ..........
انا مش هاكل منه طرشى تانى
قلنا له انا وحسن احسن يا راجل
وتاكل طرشى ليه
هات كوباية واملاها ميه واغسل بيها الخيار هتلاقيه حادق

ههههههههههههههه
المسكين صدق كلامنا
وفى اليوم التانى
لاقناه بالصدفة منتظرنا فى اول مدخل الشاطىء
منكم لله يا كباتن
انا صدقتكم
وروحت المحل
لاقيت الراجل مش بيعمل كده
رديت انا وابو على
هههههههههههههههه
انت لسه فاكر
ضحك وفضل يستنى ننزل البحر وينزل معانا علشان يكمل الافلام الهندى

ونسيتا الهموم
واهو كده المصرى يقدر ينسى احزانه بنكته او ضحكة

واشرب انت العصير يا ريس
واستنى انا بقى لما الدور يجى تانى

طولت عليكم معلشى
ههههههههههههه

زائر

لما احكى هحكى عن المنوفيه بس الاول لازم اجيب صور عنها وتاريخها وحدودها وبعد كدا نحكى حكايات شخصيه

زائر

محافظة المنُوفية، محافظة مصرية، تقع شمال العاصمة المصرية القاهرة في جنوب دلتا النيل، وعاصمتها هي مدينة شبين الكوم، وأكبر مدنها مدينة السادات المستقطعة من محافظة البحيرة منذ عام 1991.[4] بلغ عدد سكانها حسب الإحصاء الرسمي 3,270,404 عام 2006، ومساحتها 2543.03 كم². وينحصر حوالي نصف مساحة المحافظة فيما بين فرعي نهر النيل دمياط ورشيد، بينما النصف الآخر يمتد كظهير صحراوي غرب فرع رشيد ليضم مركز السادات أكبر مراكز المحافظة. وتتألف المنوفية بشكلٍ عام من تسعة مراكز إدارية تضم عشر مدن هي: شبين الكوم، منوف، مدينة السادات، سرس الليان، أشمون، الباجور، قويسنا، بركة السبع، تلا، الشهداء.[5]

تصل نسبة الأمية بمحافظة المنوفية إلى 36,7% من إجمالي السكان، وتعد جامعة المنوفية أهم المؤسسات التعليمية بالمحافظة، وقد تم أنشاءها بقرار جمهوري عام 1976، ولها فرع آخر بمدينة السادات.

النشاط الاقتصادي الرئيسي لسكان المحافظة هو الزراعة، لأن أراضي المنوفية القديمة فيما بين فرعي النيل تتميز بخصوبة التربة ووفرة مياه الري بشكلٍ دائم من نهر النيل، كذلك الزراعة موجودة بصحراء مركز السادات عن طريق استصلاح الأراضي. وتوجد بالمحافظة كافة أنواع المحاصيل النقدية والخضر والفاكهة. كذلك يساهم النشاط الصناعي بقوة بجانب النشاط الزراعي، خصوصاً بعد ضم مدينة السادات للمحافظة التي تعد من أكبر المدن الصناعية في مصر، كذلك توجد مناطق صناعية أخرى بمدينة قويسنا بجانب صناعات خفيفة بمدينة شبين الكوم.[6]

احتلت محافظة المنوفية المرتبة الحادية عشر عام 2003 في ترتيب المحافظات المصرية الموجودة في وادي النيل والدلتا من حيث جودة الحياة ورُفي مستوى الخدمات. أما بالنسبة للطرق والمواصلات؛ فيخترق المحافظة طريقين من أهم الطرق في مصر، أولهما طريق القاهرة - الإسكندرية الزراعي، والثاني هو طريق القاهرة - الإسكندرية الصحراوي، وتتميز معظم طرق المنوفية الباقية بسوء حالتها وإهمالها رغم كثرة الوصلات النقلية التي تصل معظم أنحاء المحافظة ببعضها.

في العصر الفرعوني كانت تسمى أراضي دلتا الجنوبية الجنوبية باسم نيت شمع، أي نيت الجنوبية، وكانت عاصمتها "برزقع" الواقعة مكان قرية زاوية رزين الحالية بمركز منوف. وفي العصر الروماني تم تقسيمها إلى وحدتين إداريتين؛ الأولى باسم كونيو وتقع بمنطقة جزيرة قويسنا ما بين فرع دمياط وبحر شبين، والثانية باسم طوا التي ضمت باقي أراضي المنوفية شرق فرع رشيد. وكانت المدن الواقعة في هذا الإقليم وقتها هي:

"ان تنن" أو "باثنون"، وهي قرية البتانون الحالية شمال شبين الكوم.[17]
"مصطاى موت"، والتي عرفت أيضاً باسم مدينة "مَسْد" إدارياً، و"حوت توت رع" حسب التسمية الدينية، ومكانها الآن قرية مصطاي التابعة لمركز قويسنا.[18]
"برانت"، وتعرف الآن بكوم الكلبة الواقعة بالقرب من قرية مليج.
"شليمي"، وهي الآن قرية أشليم تابعة لمركز قويسنا، وكانت مدينة مقدسة لعبادة الإله أوزوريس.[19]

وقد ظهر اسم المنوفية الحالي نسبةً إلى مدينة منوف الحالية، التي كانت قرية فرعونية قديمة معروفة باسم "بير نوب"، الذي يعني "بيت الذهب"، واسم منوف أشتق من اسمها القديم من نفر بالهيروغليفية وبانوفيس باللغة القبطية وأونوفيس بالرومية (باللاتينية: Onouphis)،[20] والذي تحوّر إلى مانوفيس بعد الفتح الإسلامي لمصر، وتعني الأرض الطيبة، ولسهولة النطق أصبح يُطلق عليها من نوفي، ومع الوقت أصبحت مِنوف.[21]

وتذكر الروايات معركة الشهداء التي حدثت بمنطقة مركز الشهداء شمال المحافظة، والتي استشهد فيها «محمد بن الفضل بن العباس» ابن عم «النبي محمد»، فقد كان أميراً لأحد قوات الجيش الإسلامي الذي تولى طرد البيزنطيين للمرة الثانية بعد الفتنة التي دارت في مصر عقب مقتل الخليفة عثمان بن عفان، ومحاولة فلول البيزنطيين إعادة السيطرة على مصر وردها ولاية بيزنطية،[22] وقد سانده أهالي المنطقة لمواجهة الرومان، واستشهد فيها عدد كبير من الصحابة وأهل المنطقة، لذلك سميت المدينة فيما بعد بمدينة الشهداء نسبةً إليهم.[23]

وفي عصر الدولة الفاطمية أصبحت الوحدة الإدارية بالإقليم تسمّى المنوفيتان، نسبة منوف العليا ومنوف السفلى، بجانب ضمها لأراضي إقليم طوا القديم. وفي عصر الدولة المملوكية، قام الملك الناصر محمد بن قلاوون بضم منوف العليا ومنوف السفلى في وحدة إدارية واحدة، بجانب جزيرة قويسنا (طوا)،[24] وأصبحت تسمى بالأعمال المنوفية عام 1310 م.[25]

وقد شهدت المنوفية أثناء الحملة الفرنسية على مصر عدة معارك دارت بين الفرنسيِّين والأهالي، وساعدت على تعطيل زحف الجيش الفرنسي بتهديد طريق مواصلاتها إلى القاهرة، ومن أهمها معركة غمرين في أغسطس 1798 م.[26] مما اضطر «نابليون بونابارت» إلى عمل أسطول مسلَّح بالمدافع على النيل للحراسة، وإقامة عدة حصون. ورغم ذلك؛ هاجم الأهالي الجنرال «دومارتان» قائد المدفعية، فقتلوه هو وأربعة عشر من جنوده سنة 1799 م.

وبعد تولي محمد علي باشا زمام السلطة في مصر، نقل عاصمة مديرية المنوفية من منوف إلى قرية شبين الكوم عام 1826 م لتوسط موقعها بين أنحاء المديرية وجعلها مدينة.[27] ثم أصدر قراراً بتقسيم المديرية إلى خمس مراكز هي:

مركز شبين الكوم.
مركز منوف
مركز أشمون
مركز قويسنا
مركز تلا

شعار النبالة الموجود في علم محافظة المنوفية يُظهر برج الحمام والنيران الذان يرمزان إلى شهرة قرية دنشواي بالحمام إلى جانب احتراقه أثناء الحادثة الشهيرة التي وقعت بالقرية من قبل ضباط الاحتلال البريطاني، أما السنبلتين فيرمزان إلى الزراعة بجانب الخلفية الخضراء للعلم، أما الترس فيرمز إلى الصناعة.[28]

وقد ألغيت مديرية المنوفية عام 1855 في عهد سعيد باشا والي مصر حتى عام 1863 وضمت لمديرية الغربية. وألغاها الخديوي توفيق مرة أخرى عام 1886، ثم استقلت مرة ثانية عن الغربية في العام التالي 1887 م.[29]

وفى أيام الاحتلال البريطاني لمصر، اشتهرت حادثة دنشواي التي وقعت بأرض قرية دنشواي، ذلك أن بعض الضباط الإنجليز راحوا يطلقون النار لاصطياد الحمام، فأصابوا سيدة على سطح منزل، وأشعلوا النار في جرن حمام، فثار عليهم الأهالي، وهرب الضباط خوفاً منهم، فأصيب أحدهم بضربة شمس؛ ومات. فعقدت سلطة الاحتلال محاكمة صورية، أصدرت فيها حكماً بالإعدام شنقاً على أربعة من الأهالي، وقضت بالسجن والجلد على عشرين آخرين.[30] وقد اتخذها «مصطفى كامل» دليلاً ضد بريطانيا في المحافل الدولية على ما تقوم به من ممارسات شنيعة ضد الأهالي دون وجه حقّ، حتى تمّ الإفراج عن مسجوني دنشواي عام 1908،[31] ولذلك تحتفل محافظة المنوفية بعيدها القومي يوم 13 يونيو من كل عام تخليداً لشجاعة أهل دنشواي.[32]

وعلى مدى التاريخ الإداري للمحافظة، ظهرت بعض الوحدات الإدارية جديدة، ففي عام 1942 أنشئ مركز الشهداء بعد استقطاع أراضيه من مركزي تلا وشبين الكوم. وفي عام 1947، أنشئ مركز الباجور بضم قرى من مراكز أشمون ومنوف وقويسنا وشبين الكوم. وبعد إنهاء الملكية في مصر وإعلان الجمهورية، اقتطعت خمسة قرى من مركز تلا وضمت إلى مركز طنطا، كما اقتطعت سبع قرى أخرى وضمت إلى مركز كفر الزيات، وذلك في عام 1955. وفي عام 1960، أنشئ مركز بركة السبع من بعض القرى التابعة لمراكز قويسنا وتلا وشبين الكوم.[33] وفي عصر الرئيس «أنور السادات»، تحولت قرية سرس الليان إلى مدينة مع تبعيتها لمركز منوف، بعد عام 1975 م تحولت قرية سرس الليان إلى مدينة دون فصلها عن مركز منوف، وذلك بعدما قررت منظمة اليونسكو بناء المركز الإقليمي لتعليم الكبار (أسفك) بها عام 1952، باعتبارها أكبر القرى المصرية آنذاك.[34]

وفي عام 1991، ضمت محافظة المنوفية مدينة السادات إليها بموجب قرار جمهوري من الرئيس السابق «محمد حسني مبارك»، وذلك لاستقطاعها من محافظة البحيرة بجانب بعض القرى التابعة لها وإلحاقهم بمركز منوف، وذلك دون رضى أهلها القليلي العدد وقتها،[35][36] وبحجة إيجاد متنفس لأهالي المنوفية للخروج من الدلتا الضيقة، رغم أن المدينة بُنيت في الأساس لتكون العاصمة الجديدة بدلاً عن القاهرة،[37][38] وأصبح مركز السادات قائم بذاته منذ عام 1995.[39]

زائر

خريطه المنوفيه

خريطة لمصر توضح موقع محافظة المنوفية

ياللا بينا نحب مصر من تاني - صفحة 2 Map%20gov

صورة لشارع الكورنيش بمدينة شبين الكوم عاصمة المحافظة

ياللا بينا نحب مصر من تاني - صفحة 2 Sara

صورة لمبنى متحف قرية دنشواى مركز الشهداء بمحافظة المنوفية

ياللا بينا نحب مصر من تاني - صفحة 2 Den%20m

زائر

غدا اجمل الاماكن واهم الشخصيات

الشكر كل الشكر للاستاذ/ مصطفي . علي تأخيرة
وعلي الإستعانة بعمنا جوجل في موضوعة .
وكما يبدوا لي انة لم يقرأ ما هو المقصود جيدا .
‏ المهم نتوجة لة بالدعاء كي يوفقة المولي عز وجل في امتحاناتة .
ومش زعلان والله واللي مش مزعلني هو إنك مشغول في الإمتحانات .
ربنا معاك .

وتنتقل دفة الحوار للاستاذة والنائبة المحترمة السيدةنائب رئيس مجلس الادارة .
الاستاذة / صفا الروح
فلتتفضل سيادة النائبة وتسرد علينا من جولاتها في محافظة اومحافظتين او المحافظات اللي قمتي بزيارتها كلها ......
يارب ماتتأخري علينا
يارب .

أشكر ك أستاذ عبد الباسط على تشريفك لى بالانضمام الى من تواجدوا بموضوعك الشيق

والذى يفوح بعطر حب بلدنا مصر

بالنسة لى فجولاتى بين محافظات مصر تكاد تكون محصورة فى ايام المصايف فقط ومريت على الكثير من المصايف فى

المحافظات المختلفة وطبعا شواطئنا عامرة بكل ما هو رائع وخلاب وبرغم سحر شواطىء مرسى مطروح والوان مياهها

وروعة رمالها التى تكون لوحة فنية لا مثيل لها لانها من صنع الرحمن الا اننى اليوم اود ان احدثكم على مصيف غاااية فى

السحر وهو مصيف جمصة

واليكم بعض المعلومات المتواضعة عن هذه المدينة الهادئة الساحرة

جمصة ،

هي إحدى مدن مركز بلقاس ، محافظة الدقهلية

الموقع
تقع جمصة في شمال محافظة الدقهلية بامتداد 7.5 ك على ساحل البحر الأبيض المتوسط وويصل متوسط عرض الشريط الساحلي للمدنية إلى 3 ك.

مصيف جمصة
تمتاز جمصة كمصيف بمياهها الصافية وانخفاض نسبة الرطوبة ورمالها الناعمة وارتفاع نسبة اليود. وهو أقرب المصايف إلى مدينة القاهرة. ويتميز المصيف بمبانيه ذات التراث المعماري الرفيع

انامن عاشقات هذه المدينة فيكفينى سعادة التجول فى شوارعها والاستمتاع باشكال مبانيها وما تحمله من فنون معمارية لا اخر لها

وشوارعها شاسعة الاتساع وهادئة هدوء ساحر وتتميز مجموعة من الحدائق الغناء

التى لم ارى لها مثيل فى اى مدينة اخرى فنجد كل انواع نادرةمن الزهور غااااية فى السحر وتالجمال والتقليم البارع

لكل ركن من اركان الحديقة ياخد العقل ويملا الروح بهجة .. ويعجبنى جدا تميز اسواقها وتبارى التجار والبائعين

والمصورين لابتكار ادوات وطرق لترويج بضاعتهم لم المسها فى اى مينة اخرى

فما اروعها مدينة وما اجمله مصيف ويكفينى سعادة ان انظر الى مبانيها

الرائعة وحدائقها الغناء وشواطئها المترامية الاطراف والتى تشعر

وكأنك الوحيد بها ويساعد على هذا الاحساس قلة الكثافة السكانية بها

مما يجعل الحركة بها وقضاء الاوقات يسيرا دون اى عناء واليكم بعض الصور لهذه المدينة المصرية الرائعة

ياللا بينا نحب مصر من تاني - صفحة 2 1218051594

ياللا بينا نحب مصر من تاني - صفحة 2 1218051594

ياللا بينا نحب مصر من تاني - صفحة 2 Dom_076_Medium_-539x400

ياللا بينا نحب مصر من تاني - صفحة 2 26_04_11_08_48_bar

هدوء + بساطة+ سحر = جمصة

واكرر شكرى على اتاحة الفرصة لى استاذ عبد الباسط

وبما ان لى حق الاختيار فانا أرى ان صاحب الفكرة هو اقدر الموجودين على اثراءها وتفعيلها

فلتتفضل يا عبد الباسط نحن فى انتظار جولاتك

ولك كل التقدير

السيدة الفاضلة :
الأستاذة صفا الروح الشكر كل الشكر علي السرعة في التلبية .
كما افدتينا جميعا بالموقع الذي تحدثتي عنة .
جمصة .
لن اضيف علي حديثك كثير ففي جمصة يكون ملتقي البحرين النيل والبحر المتوسط مياه عذبة ومياه مالحة وعلي كل من لم يذهب الي هناك ان يتخيل منطقة اللسان مترامية الأطراف
مناظر ساحرة خلابة بديعة .
اخترتي مكان لة مكانة في قلبي .
كل الشكر لسيادتكم .
ووعد مني ان انفذ رغبتك وان اتحدث عن المحافظات التي قمت بزيارتها تفصيليا ولكن في الوقت المناسب .
وهذا بعد إنتهاء اكبر قدر ممكن من السادة اعضاء المنتدي المحترمين .وهذا وعد .....
‏

والان جاء دور السيد المحترم الشاب الذي ينتمي الي اعرق عائلات دبركي { ابوعبدالله } الاستاذ / محمد صبحي
ولسيادتك القلم والورقة والميكروفون وعدسات المصورين وكل الوسائل المساعدة << ماعدا جوجل >> اوعي .
اتحفنا بجولاتك ياأبوشهد

» كترت بينا الوشوش
» الفرق بينا وبينهم نقطة ...!!!!!
» رمضان في مصر طعم تاني
» مجدي الجلاد يكتب: مصر بتتغير بينا..!
» رسائل العيد بعد الثورة لها شكل تاني