عجبني فيكي

عجبني فيكي لون عنيكي
ضحكتك لمسة ايديكي
بس لما اتمنى زوجة
عمري يوم ما ابص ليكي
.
.
.
عجبني فيكي اجمل كلام
والغرام والانسجام
بس لو كلمت اهلي
اتكسف تبقي المدام
.
.
.
عجبني فيكي البنطلون
وحلوة اوي رسمة العيون
بس عند الارتباط
بعتذر انا مش مجنون
.
.
.
عجبني فيكي نبقى شلّة
ف اي رحلة معانا يالّا
بس تكوني ام العيال
لا يا بنتي ابعدي يالّا
.
.
.
عجبني فيكي انك معايا
دايما جاية على هوايا
بس لما ابدا حياتي
علاقتي بيكي تكون نهاية
.
.
.
عجبني فيكي حاجات كتير
بس فيّا عيب خطير
اني شرقي وطبعي غالب
اصلي م الآخر بغير
.
.
.
يعني يوم ما اختار شريكة
عمري نا ادور عليكي
انتي م الآخر صديقة
مش راح يوم اطلب ايديكي
.
.
.
عجبني فيكي .. عجبني فيكي
اعذريني مش هبقى ليكي
العلاقة لعبة بينّا
م الآخر بتسلّى بيكي

قصيده ساخره



كتبت بحرفيه نوعا ما .. ولكن لست مسلم بها



كل الحب

يا استاذ عطا الله .. دي رسالة موجهه لكل بنت وليت البنات تفهم مقاصدها .. وتسير على ما فيها من معاني