عبدالله شعبان
عضو مجلس اداره
عدد المساهمات : 4364
نقاط : 11833
التقييم : 4
تاريخ الميلاد : 12/07/1969
تاريخ التسجيل : 21/09/2009
العمر : 54
المزاج : هادىء
تعاليق : اللهم من اعتز بك فلن يذل ، ومن اهتدى بك فلن يضل ، ومن استكثر بك فلن يقل ، ومن استقوى بك فلن يضعف ،
ومن استغنى بك فلن يفتقر، ومن استنصر بك فلن يخذل ، ومن استعان بك فلن يغلب ، ومن توكل عليك فلن يخيب ،
ومن جعلك ملاذه فلن يضيع ، ومن اعتصم بك فقد هدى إلى صراط مستقيم،اللهم فكن لنا وليا ونصيرا ، وكن لنا معينا ومجيرا ،
إنك كنت بنا بصيرا
 |  موضوع: لو رأى مبارك ليلة القدر  2011-08-25, 08:22 | |
|
كتبه
محمد أمين
المصرى اليوم
أتخيل أحياناً لو رأى مبارك ليلة القدر.. ماذا يقول؟.. وبماذا يدعو؟.. وماذا يتمنى؟.. لا تقل كيف يرى ليلة القدر بعد كل ما فعله بنا.. ولا تقل ليلة القدر للموعودين.. ولا تقل بعيد عن شنبه.. فمن يدرى؟.. مش جايز يكون موعود؟.. مش جايز يكون محظوظ؟.. لا تستبعد أى شىء.. فماذا دار بينه وبين الملك حامل البشارة:
- شبيك لبيك.. ليلة القدر بين إيديك.
- مين؟.. إنت مين، وعاوز منى إيه؟!
- ماتخافش.. اطلب واتمنى.. بس حاجة واحدة بس!
- واحدة بس.. أنا عاوز حاجات كتيييير!
- زى إيه يعنى؟!
- عاوز أخرج من هنا أول حاجة!
- وتروح فين من الثوار؟!
- أخرج وبس.. إن شاالله أروح جهنم!
- ههههه.. أنا مش السجان.. أنا جيت أحقق حلمك، وأحقق أمنيتك!
- أطلب يعنى أخف وأقوم.. ولا أطلب أخرج من هنا.. ولا أرجع تانى رئيس جمهورية!
- إنت عاوز إيه؟
- عاوز أرجع تانى رئيس جمهورية!
- وتفتكر عملياً تقدر تحكم مصر؟
- لأ.. بس مش هيحاكمونى.. إما يسجنونى أو يعدمونى!
- اطلب من ربنا يفك كربك!
- طيب وولادى.. علاء وجمال.. لازم حد فينا بس!
- بس لو دعيت بالدعوة دى، مش هينفع دعوة تانية!
- عاوز أتوب الأول.. وبعدين كل شىء سهل!
- فيه ذنوب عامة يسامح فيها ربنا.. والذنوب الخاصة لازم أصحابها يعفوا عنك!
- علشان كده لازم أرجع رئيس جمهورية!
- ليه إذا كنت مش هاتقدر تحكم؟!
- لكن ممكن أرجع المظالم.. وأطلع من هنا أنا وولادى!
- المشكلة هتتلم عليك العصابة من تانى!
- زى مين قصدك؟!
- العادلى وسرور والشريف وعزمى، وهلم جرا.. ويمكن جمال يرجع تانى، يحكم ويتحكم!
- لأ.. هسيب دول فى السجن، ويمكن أعدمهم!
- معقوووول.. مش كانوا رجالتك؟!
- لأنهم كانوا السبب فى اللى أنا فيه دلوقت!
- طيب وجمال وعلاء، والحكم والبيزنس؟
- لا حكم تانى ولا بيزنس.. كفاية بقى.. مش حمل ثورة تانى!
- كنت فاكرك هتتمنى يعود بك الزمن، وتبقى مواطن عادى، وتعمل أسرة سعيدة!
- ياريت.. بس كرسى الحكم حاجة تانية خالص!
- إزاااااى؟!
- آخر وجاهة.. لا أنت عاوز مال، ولا فيه مشكلة صحة.. ولا حد بيقرفك!
- بس الحكم مش دايم على طول.
- هيه دى المشكلة فعلاً.
- يبقى مفيش قدامك غير أمنية واحدة.
- أخرج أنا وولادى.. وأرجع مواطن عادى!
- بشرط تتوب عن الذنوب، وترد المظالم.. ومفيش رياسة تانى!
- خلاص بقى.. بس إنت مين؟.. اوعى تكون بتضحك عليا؟
- أنا ضميرك.. هوه أنت برضه تشوف ليلة القدر؟!
| |
|
