أغلى النعيم حبيبتى !!!!!

بكيت نزل نهر الدموع دم
رسيت عليه شط العدم
قدم عليه و ف قاربى قدم
قلت وهبت حياتى للأسَى....

يا هل ترى لىَّ تانى فَرْحْ
و من زرعى لَحَجْنِى طرح
و حاجمع و للَّا الباقى طرح
و يصفا الزمان ال علىّْ قِسَى....

من بعيد أميره جات تجرى
مين يِقَرِّب دا و يستجرى
و من ساعتها نّوَّر فجرى
فى حينها همِّى الشديد أتنسَى...

أتاريه دا كان شطك إنتى
ياما ثُرتِى .. هنا استكنتى
و لوحدك عليه إنتى سكنتى
و هنا أبداً ما حد غيرى رسَى....

ف الجنه أنا و إنتى من الحور
ما أجمل ما لقيته ورا البحور
بَدَّل جواى ضلام الروح نور
و أخيرا لونى بالفرحه أكتسَى....

و لا مثلها ف الجمال اتنين
عسل و مقطر لون العينين
و اصل السحر منَّها جنين
و سلطان الغرام ف حضرتها جَثَى...

لا قُصُرْ لا طُول فيها بان
و الجِيْد الفاتن عاليه راهِبَان
و من تحتيه المرمر ديدبان
و قلبها من خمر الجِنَان أحتسَى....

مَسَحَت دموعى بلمسة أيد
و رسمتهن للفرحه عناقيد
ضِحِكْتْ ..سافرن دموعى بعيد
من بَعَدِيها.. دا حالى صُبْح و مِسَى....

صوتها تقولشى غُنَى كَرَوان
أسرنى مَلَكْنى و طَىْ طَوَان
عابد ما زليت سمعته غوان
قلبى عِشِقها و أوامرى عَصَى....

منَّها مرسال الغرام جانى
حبها غالى ليك أنت مجانى
ياقوتى صارت هىَّ و مرجانى
أغلى النعيم.. لو نعيمى أتحصَى.